प्रस्‍थान 6:2 - नेवाः बाइबल

² परमेश्‍वरं मोशायात धयादिल, “जि परमप्रभु खः।”

प्रस्‍थान 6:2 Referans Kwoze

मलाकी 3:6

दक्‍व शक्ति दुम्‍ह परमप्रभुं धयादी, “जि छिमि परमप्रभु गुबलें हिलीम्‍ह मखु। अथे जुयाः हे याकूबया सन्‍तान, छिपिं नाश मजूनि।

यर्मिया 9:24

तर सुयां तःधंछुइ मास्‍ति वःसा, वं जितः म्‍हमस्‍यूगु व थूगु खँय् तःधंछुइमाः। पृथ्‍वीइ सदां दयाच्‍वनीगु दयामाया, न्‍याय व धार्मिकतायागु ज्‍या याइम्‍ह परमप्रभु जि हे खः। छाय्‌धाःसा थ्‍व खँय् हे जि लय्‌ताः,” परमप्रभुं धयादी।

यशैया 42:8

“जि परमप्रभु खः, जिगु नां थ्‍व हे खः, जिगु महिमा जिं मेपिन्‍त बी मखु, जिगु प्रशंसा मूर्तितय्‌त बी मखु।

यशैया 44:6

इस्राएलया जुजु व उद्धार यानादीम्‍ह, दक्‍व शक्ति दुम्‍ह परमप्रभुं थथे धयादी – “जि हे शुरु व अन्‍त खः। जि बाहेक मेपिं सुं नं परमेश्‍वर मदु।

यशैया 43:15

जि परमप्रभु, छिमि पवित्र परमेश्‍वर खः। हे इस्राएलया मनूत जिं हे छिमित सृष्‍टि यानागु खः, अले जि हे छिमि जुजु खः।”

यशैया 43:11

जि खः, जि हे परमप्रभु खः। जि बाहेक मुक्ति बीम्‍ह सुं हे मदु।

प्रस्‍थान 20:2

“छिपिं दास दासी जुयाच्‍वंगु मिश्र देशं पित हयाम्‍ह जि परमप्रभु छिमि परमेश्‍वर खः।

प्रस्‍थान 17:1

परमप्रभुया आज्ञा कथं इस्राएलीतय् फुक्‍क खलः सीन धयागु मरुभूमिं वनाः थाय् थासय् जुयाः रपीदीमय् थ्‍यंकाः पाल ग्‍वयाः बाय् च्‍वन। अन धाःसा त्‍वनेत लः हे मदु।

प्रस्‍थान 14:18

जिं इमित त्‍याकेधुंकाः मिश्रीतय्‌सं जि हे परमप्रभु खः धकाः सीकी।”

प्रस्‍थान 6:8

अले जिं छिमित अब्राहाम, इसहाक व याकूबयात बी धकाः बाचा यानागु देशय् हये। जिं व देश छिमित अधिकार यायेत बी। जि परमप्रभु खः।’”

प्रस्‍थान 6:6

“उकिं इस्राएलीतय्‌त धा, ‘जि परमप्रभु खः। जिं छिमित मिश्रीतय्‌गु दासत्‍वं पित हये। जिं थःगु ल्‍हाः ल्‍ह्वनाः इमित तःधंगु सजाँय बियाः छिमित बचय् याये।

उत्‍पत्ति 15:7

वय्‌कलं वयात धयादिल, “छन्‍त थ्‍व थाय् बीत कल्‍दीतय्‌गु ऊरं थन हयाम्‍ह परमप्रभु जि हे खः।”

प्रस्‍थान 3:14

परमेश्‍वरं मोशायात धयादिल, “जि सु खः व हे खः। वय्‌कलं हाकनं धयादिल, छं इस्राएलीतय्‌त थथे धा, ‘जि खः धाःम्‍हय्‌सिनं जितः छिमिथाय् छ्वयाहःगु खः।’”

प्रस्‍थान 3:15

परमेश्‍वरं हानं मोशायात धयादिल, “इस्राएलीतय्‌त धा, ‘परमप्रभु छिमि पुर्खाया परमेश्‍वर आर्थात अब्राहाम, इसहाक, याकूबया परमेश्‍वरं जितः छिमिथाय् छ्वयाहःगु खः।’ “न्‍ह्याबलेंया निंतिं जिगु नां थ्‍व हे खः। जिगु थ्‍व हे नामं जितः छिमिसं पुस्‍तां पुस्‍ता तक लुमंकेगु याइ।

प्रस्‍थान 6:29

वय्‌कलं वयात थथे धयादिल, “जि परमप्रभु खः। जिं छन्‍त छु छु धाये व फुक्‍क मिश्रया जुजु फारोयात धा।”

प्रस्‍थान 12:12

“उखुन्‍हु हे चान्‍हय् जि मिश्र जुयाः वने। अले मिश्रया न्‍हापां बूपिं मनूत व पशुत फुक्‍कं स्‍यानाबी। मिश्रया फुक्‍क द्यःतय्‌त सजाँय बी। जि परमप्रभु खः।

प्रस्‍थान 15:3

परमप्रभु झीगु निंतिं ल्‍वानादीम्‍ह खः, वय्‌कःया नां परमप्रभु खः।

इजकिएल 20:5

अले इमित धा, ‘परमप्रभु परमेश्‍वरं थथे धयादी – गुखुन्‍हु जिं इस्राएलयात ल्‍यया, जिं थःगु ल्‍हाः ल्‍ह्वनाः याकूबया घरानालिसें पाफया, अले मिश्र देशय् जि इमिगु न्‍ह्यःने खनेदय्‌क वया अले पाफयाः जिं इमित “जि परमप्रभु छिमि परमेश्‍वर खः” धकाः धया।