प्रस्‍थान 6:1 - नेवाः बाइबल

¹ परमप्रभुं मोशायात धयादिल, “फारोयात जिं छु याइ आः छं स्‍वये दइ। वं जिगु बल्‍लाःगु ल्‍हातं यानाः इमित वनेबी। वं जिगु शक्तिं यानाः हे इमित थःगु देशं पितिनाछ्वइ।”

प्रस्‍थान 6:1 Referans Kwoze

प्रस्‍थान 12:33

अले मिश्रीतय्‌सं इस्राएलीतय्‌त थत्‍थें देश त्‍वःताब्‍यु धकाः बिन्‍ति यात। इमिसं धाल, “मखुसा जिपिं फुक्‍कं सी।”

भजनसंग्रहया सफू 136:12

वय्‌कलं बल्‍लाःगु ल्‍हातं व चकंगु लपुं इमित पित हयादिल, वय्‌कःया दया माया सदां दयाच्‍वनी।

प्रस्‍थान 12:39

इमिसं सोडा मतसे हे मिश्रं ज्‍वनावःगु न्‍हायातःगु छ्वचुंया मरि छुल। मिश्रं हथासं पितछ्वयाहःगुलिं इमिसं न्‍हायातःगु छ्वचुंया मरि दय्‌के मलाःगु खः।

प्रस्‍थान 12:31

फारोनं चान्‍हय् हे मोशा व हारूनयात सःतके छ्वयाः धाल, “छिपिं व छिमि इस्राएलीत फुक्‍कं जिमिगु देशं पिहां हुँ। वनाः छिमिसं धाःकथं हे परमप्रभुया आराधना या।

व्‍यवस्‍था 32:39

“जि छम्‍ह हे जक परमेश्‍वर खः। जि बाहेक मेम्‍ह सुं द्यः मदु। जिं हे मृत्‍यु बी, जिं हे जीवन बी। जिं घाः याये, जिं हे लाय्‌काबी, जिं यानागु ज्‍यायात सुनानं पने फइ मखु।

प्रस्‍थान 11:1

अले परमप्रभुं मोशायात धयादिल, “मेगु छगू महामारी जिं फारोयाथाय् व मिश्रय् हये। अनं लिपा वं छिमित थनं वनेबी। वं छिमित धात्‍थें हे थनं पितिनाछ्वइ।

यशैया 63:12

वय्‌कः गन दी? गुम्‍हय्‌सिनं थःगु बल्‍लाःगु ल्‍हाः मोशाया जव ल्‍हाःपाखे न्‍ह्यज्‍याकादिल, गुम्‍हय्‌सिनं सदां सदांया निंतिं थःगु नां जाय्‌केत इमिगु हे न्‍ह्यःने लःयात निगू भाग यानादिल।

भजनसंग्रहया सफू 89:13

छि गुलि बल्‍लाःम्‍ह खः! छिगु बल गुलि तःधं!

भजनसंग्रहया सफू 12:5

परमप्रभुं धयादी, “आः जि वये। छाय्‌धाःसा चीमिपिन्‍सं क्‍वत्‍यय्‌काः च्‍वनेमाःगु दु, दुःखय् लानाच्‍वंपिन्‍सं झसुकाः तयाच्‍वंगु दु। जिं इपिं फुक्‍कसित इमित दुःख बियाच्‍वंपिनिपाखें बचय् याये।”

२ इतिहास 20:17

थ्‍व लडाइँ छिमिसं ल्‍वायेमाली मखु। थथःगु थासय् धिसिं लाःक्‍क दनाच्‍वँ। परमप्रभुं छिमित बचय् यानादीगु छिमिसं खनी, हे यहूदा व यरूशलेम। ग्‍याये मते, नुगः क्‍वतुंके मते। कन्‍हय् इपिंलिसें ल्‍वायेत हुँ। परमप्रभु छिपिंनापं दइ।’”

२ राजा 7:19

कप्‍तानं धाःसा परमेश्‍वरया मनूयात थथे धाःगु खः, “स्‍व, परमप्रभुं थःम्‍हं हे स्‍वर्गया झ्‍याः चाय्‌कादिल धाःसां थथे जुइ फइ ला?” परमेश्‍वरया मनुखं थथे धाःगु खः, “थ्‍व छं थःगु हे मिखां खनी, तर छं उकिं छुं नयेदइ मखु।”

२ राजा 7:2

जुजुयात तिबः बियाच्‍वंम्‍ह कप्‍तानं परमेश्‍वरया मनूयात धाल, “स्‍वइदिसँ, परमप्रभुं स्‍वर्गया झ्‍याः चाय्‌कादिल धाःसां थथे जुइ फइ ला?” एलीशां लिसः बिल, “व छं थःगु हे मिखां खनी, तर छं उकिं नयेदइ मखु।”

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

गन्‍ती 23:23

याकूबयात छुं सरापं नं थी फइ मखु, छुं जादुं नं इस्राएलयात छुं याये फइ मखु। आः याकूब व इस्राएलया बारे थथे धाइ, ‘परमेश्‍वरं छु यानादिल व स्‍व!’

प्रस्‍थान 14:13

मोशां इमित धाल, “ग्‍याये मते। नुगः बल्‍लाकि। धिसिलाक्‍क च्‍वँ। अले परमप्रभुं छिमित थौं बियादीत्‍यंगु मुक्तियात स्‍व। थौं खंपिं मिश्रीतय्‌त छिमिसं गुबलें खनी मखुत।

प्रस्‍थान 13:3

अले मोशां मनूतय्‌त धाल, “छिमिसं परमप्रभुं थःगु शक्तिं जाःगु ल्‍हातं छिमित छिपिं दास जुयाच्‍वंगु मिश्र देशं पित हयादीगु थ्‍व दिंयात लुमंका ति। थ्‍वखुन्‍हु सोडा तयातःगु छुं नं नये मते।

प्रेरित 13:17

“इस्राएलीतय् परमेश्‍वरं झी तापाःबाज्‍यापिन्‍त ल्‍ययादिल, अले मिश्र देशय् च्‍वनाच्‍वंबलय् इमित तःधंकादिल। अले थःगु शक्ति क्‍यनाः इमित अनं पित ब्‍वना हयादिल।

प्रस्‍थान 7:4

फारोनं छिमिगु खँ न्‍यनी मखु। अले जिं मिश्र देशय् थःगु ल्‍हाः तयाः मिश्रीतय्‌त तःधंगु सजाँय बियाः थः मनू इस्राएलीतय्‌त मिश्रं पित हये।

प्रस्‍थान 7:5

जिं मिश्र देशय् ल्‍हाः तयाः इस्राएलीतय्‌त अनं पित हयेबलय् मिश्रीतय्‌सं जि परमप्रभु खः धकाः सीका काइ।”

प्रस्‍थान 15:6

हे परमप्रभु छिगु जव ल्‍हातय् तःजिगु शक्ति दु। हे परमप्रभु छिगु जव ल्‍हातं शत्रुयात नाश यानाबिल।

प्रस्‍थान 13:9

परमप्रभुया व्‍यवस्‍था छिमिगु म्‍हुतुइ दयेमा धकाः थ्‍व छिमिगु ल्‍हातिइ व कपालय् लुमंकाबीगु चिं थें जुइ, छाय्‌धाःसा परमप्रभुं थःगु शक्तिं जाःगु ल्‍हातिं छिमित मिश्र देशं पित हयादीगु खः।

प्रस्‍थान 13:14

“छिमि काय्‌पिन्‍सं लिपा, ‘थुकियागु अर्थ छु खः?’ धकाः छिमित न्‍यनीबलय् इमित धा, ‘परमप्रभुं थःगु शक्तिं जाःगु ल्‍हातिं जिमित दास यानातःगु देश मिश्रं पित हयादिल।

प्रस्‍थान 13:16

परमप्रभुं झीत थःगु शक्तिं जाःगु ल्‍हातिं मिश्रं पित हयादीगु खः धकाः लुमंकेत थ्‍व छिमिगु ल्‍हातिइ व कपालय् छगू छगू चिं थें दइ।”

गन्‍ती 11:23

परमप्रभुं मोशायात लिसः बियादिल, “छु जिगु शक्ति कम जूगु दु ला? छं आः थत्‍थें हे जिं धयागु खँ जुइ कि मजुइ धकाः स्‍वये खनी।”

भजनसंग्रहया सफू 12:6

परमप्रभुया वचन न्‍हय्‌कः तक मिइ छुयातःगु वहः थें शुद्ध जू।