प्रस्‍थान 5:3 - नेवाः बाइबल

³ अले मोशा व हारूनं धाल, “हिब्रूतय् परमेश्‍वरं जिमित नापलानादीगु दु। उकिं जिमि परमप्रभु परमेश्‍वरया निंतिं बां बीत स्‍वन्‍हु मरुभूमिया लँपुइ वनेबियादिसँ। मखुसा वय्‌कलं ल्‍वय् व ल्‍वापु छ्वयाहयाः जिमित स्‍यानादी।”

प्रस्‍थान 5:3 Referans Kwoze

प्रस्‍थान 3:18

“अले इस्राएलया थकालितय्‌सं छंगु खँ न्‍यनी। अनं लिपा छं इपिं नापं मिश्रया जुजुयाथाय् वनाः थथे धा, ‘हिब्रूतय् परमप्रभु परमेश्‍वरं जिमित नापलानादीगु दु। उकिं जिमित जिमि परमप्रभु परमेश्‍वरयात बां बीत स्‍वन्‍हुया लँपुया मरुभूमिइ वनेबियादिसँ धकाः इनाप याये।’

इजकिएल 6:11

“‘परमप्रभु परमेश्‍वरं थथे धयादी, ल्‍हातं ल्‍हातय् दा– इस्राएलया घरानाया फुक्‍क मभिंगु व घच्‍चाइपुगु ज्‍याया कारणं तुति बँय् बस्‍वानाः तसकं हालाः धा– “हाय!” छाय्‌धाःसा इपिं तरवार, अनिकाल व महामारीं नाश जुइ।

एज्रा 7:23

स्‍वर्गयाम्‍ह परमेश्‍वरयात वय्‌कःया देगःया निंतिं माःगु फुक्‍क छिमिसं बांलाक ब्‍यु। मखुसा जि व जिमि काय्‌पिन्‍के परमेश्‍वरया तं लाइ।

२ इतिहास 30:8

थः पुर्खातय्‌सं थें छिमिसं जिद्दी याये मते। बरु परमप्रभुया न्‍ह्यःने क्‍वमिलु जुयाः वय्‌कलं न्‍ह्याबलेंया निंतिं शुद्ध यानादीगु वय्‌कःया पवित्र थासय् दुहां हुँ। परमप्रभु छिमि परमेश्‍वरया सेवा या, अले वय्‌कःया तं छिमिगुपाखें चिलावनी।

२ राजा 17:25

इपिं अन च्‍वंबलय् न्‍हापा ला इमिसं परमप्रभुयात मानय् मया, उकिं परमप्रभुं इमिथाय् सिंहत छ्वयादिल। सिंहतय्‌सं इमि छुं मनूतय्‌त स्‍यात।

व्‍यवस्‍था 28:21

अले परमप्रभुं छिमिसं अधिकार यायेत दुहां वनाच्‍वंगु देशय् छिपिं न्‍हना मवंतले पालंपाः ल्‍वय् छ्वयादी।

प्रस्‍थान 7:16

वयात थथे धा, ‘परमप्रभु हिब्रूतय् परमेश्‍वरं जितः थथे धकाः छिथाय् छ्वयाहयादीगु दु। जिमि मनूतय्‌त मरुभूमिइ जितः आराधना यायेत वनेब्‍यु। अय्‌नं छं आः तक नं जिं धयागु खँ मन्‍यं।

प्रस्‍थान 8:1

हाकनं परमप्रभुं मोशायात धयादिल, “फारोयाथाय् वनाः वयात धा, ‘परमप्रभुं थथे धयादी, जिगु आराधना यायेत जिमि मनूतय्‌त वनेब्‍यु।

प्रस्‍थान 8:20

परमप्रभुं मोशायात धयादिल, “सुथय् न्‍हापां दनाः फारो खुसिपाखे वनीबलय् वया न्‍ह्यःने दं हुँ। वयात धा, ‘परमप्रभुं थथे धयादी, जिगु आराधना यायेत जिमि मनूतय्‌त वनेब्‍यु।

प्रस्‍थान 8:27

जिपिं स्‍वन्‍हुया लँपु जुयाः मरुभूमिइ परमप्रभु थः परमेश्‍वरं उजं बियादी थें वय्‌कःया निंतिं बां बीत वनेमाः।”

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।