प्रस्‍थान 5:1 - नेवाः बाइबल

¹ अनं लिपा मोशा व हारूनं वनाः फारोयात धाल, “परमप्रभु इस्राएलया परमेश्‍वरं थथे धयादिल, ‘जिमि मनूतय्‌त वनेब्‍यु, अले इमिसं मरुभूमिइ वनाः जिगु निंतिं नखः हनेमा।’”

प्रस्‍थान 5:1 Referans Kwoze

प्रस्‍थान 10:9

मोशां धाल, “जिपिं थः मचाखाचा, ल्‍यासे ल्‍याय्‌म्‍ह, बुराबुरी, फैच्‍वलय्, सा द्वहं दक्‍वं ज्‍वनाः वनेगु खः। छाय्‌धाःसा जिमिसं परमप्रभुया निंतिं नखः हनेमाः।”

प्रेरित 4:29

आः ला प्रभु, इमिसं जिमित गय् च्‍वंक ख्‍यानाच्‍वन। अथे जूगुलिं छिकपिनि दासतय्‌त अझ हे मग्‍यासे नवाये फय्‌कादिसँ।

१ राजा 21:20

एलियायात खनाः आहाबं धाल, “अय् जिम्‍ह शत्रु, छं जितः नाप हे लाकल!” एलियां लिसः बिल, “खः, जिं नापलाके धुन। परमप्रभुयात मयःगु मभिंगु ज्‍या यायेत छिं थःत मियादी धुंकूगु दु।

प्रस्‍थान 3:18

“अले इस्राएलया थकालितय्‌सं छंगु खँ न्‍यनी। अनं लिपा छं इपिं नापं मिश्रया जुजुयाथाय् वनाः थथे धा, ‘हिब्रूतय् परमप्रभु परमेश्‍वरं जिमित नापलानादीगु दु। उकिं जिमित जिमि परमप्रभु परमेश्‍वरयात बां बीत स्‍वन्‍हुया लँपुया मरुभूमिइ वनेबियादिसँ धकाः इनाप याये।’

१ कोरिन्‍थी 5:8

अय्‌जूगुलिं झीसं पापयागु मभिंगु इखं जाःगु पुलांगु सोडां दय्‌कातःगु मरि नयाः छुत्‍काराया नखः हने मज्‍यू। सत्‍य व यचुगु नुगःया सोडा हे ल्‍वाक मज्‍याःगु व शुद्धगु मरि नयाः नखः हने।

मत्ती 10:28

“म्‍ह जक स्‍याये फुपिं, आत्‍मा स्‍याये मफुपिंलिसे छिपिं ग्‍याये मते। बरु छिमिगु म्‍ह व आत्‍मा नितांयात नरकय् छ्वयादी फुम्‍हलिसे जक ग्‍याना च्‍वँ।

मत्ती 10:18

जितः विश्‍वास याःगुलिं छिमित हाकिमत व जुजुपिनिगु न्‍ह्यःने थने यंकी। छिमिसं अन हे इमित व यहूदीमखुपिन्‍त जिगु साक्षी ब्‍यु।

इजकिएल 2:6

“अय् सीमानिम्‍ह मनू, इपिं खनाः ग्‍याये मते अले इमिगु खँ न्‍यनाः ग्‍याये मते! छंगु प्‍यखें कंमा व कं दुसां वा बिच्‍छितय्‌गु दथुइ च्‍वनेमाःसां छ ग्‍याये मते! इमिसं न्‍ह्यागु धाःसां छ ग्‍याये मते! खः ला, इपिं विद्रोही सन्‍तान खः।

यशैया 25:6

थन सियोन पर्वतय् दक्‍व शक्ति दुम्‍ह परमप्रभुं पृथ्‍वीया फुक्‍क जातिया निंतिं छगू भ्‍वय् तयार यानादी। व भ्‍वय् तसकं साःगु चीजबीजं व दक्‍वसिबय् भिंगु दाखमद्यं जाःगु जुइ।

भजनसंग्रहया सफू 119:46

अले जिं छिगु नियमया बारे जुजुपिनिगु न्‍ह्यःने नवाये, जि लज्‍या चाये मखु।

प्रस्‍थान 4:23

जिं छन्‍त धयागु खः, “जिमि काय्‌यात जिगु निंतिं बां बीत वनेब्‍यु।” छं वयात वने मब्‍यू। उकिं जिं छिमि न्‍हापां बूम्‍ह काय्‌यात स्‍यानाबी।’”

प्रस्‍थान 6:11

“छ वनाः मिश्रया जुजु फारोयात धा, ‘इस्राएलीतय्‌त थ्‍व देशं पिहां वनेब्‍यु।’”

प्रस्‍थान 6:27

मोशा व हारूनं इस्राएलीतय्‌त मिश्रं पित यंकेत मिश्रयाम्‍ह जुजु फारोलिसे खँ ल्‍हाःगु खः।

प्रस्‍थान 7:16

वयात थथे धा, ‘परमप्रभु हिब्रूतय् परमेश्‍वरं जितः थथे धकाः छिथाय् छ्वयाहयादीगु दु। जिमि मनूतय्‌त मरुभूमिइ जितः आराधना यायेत वनेब्‍यु। अय्‌नं छं आः तक नं जिं धयागु खँ मन्‍यं।

प्रस्‍थान 8:1

हाकनं परमप्रभुं मोशायात धयादिल, “फारोयाथाय् वनाः वयात धा, ‘परमप्रभुं थथे धयादी, जिगु आराधना यायेत जिमि मनूतय्‌त वनेब्‍यु।

प्रस्‍थान 8:20

परमप्रभुं मोशायात धयादिल, “सुथय् न्‍हापां दनाः फारो खुसिपाखे वनीबलय् वया न्‍ह्यःने दं हुँ। वयात धा, ‘परमप्रभुं थथे धयादी, जिगु आराधना यायेत जिमि मनूतय्‌त वनेब्‍यु।

प्रस्‍थान 33:13

छि जिनापं लय्‌ताःसा जितः लँपु क्‍यनादिसँ। छितः म्‍हसीके फयेमा अले छिगु दया जिके दयाच्‍वनेमा। लुमंकादिसँ, थ्‍व जाति छिकपिनि हे मनूत खः।”

प्रस्‍थान 7:2

जिं छन्‍त छु छु उजं बी व हे छं हारूनयात धा। अले छिमि दाजु हारूनं फारोयात इस्राएलीतय्‌त वयागु देशं वनेब्‍यु धकाः धाइ।

प्रस्‍थान 8:16

परमप्रभुं मोशायात हानं धयादिल, “थःगु कथि कयाः बँय् च्‍वंगु धुलय् दायादिसँ धकाः हारूनयात धा, अले धू मिश्र न्‍यंकं भुयुपति जुयावनी।”

प्रस्‍थान 8:17

इमिसं अथे हे यात। हारूनं कथि कयाः ल्‍हाः न्‍ह्यज्‍याकाः बँय् च्‍वंगु धुलय् दाल। अले मनूतय्‌त व पशुतय्‌त भुयुपतिं त्‍वपुवल। मिश्र देशय् च्‍वंगु धू फुक्‍कं भुयुपति जुल।

प्रस्‍थान 8:27

जिपिं स्‍वन्‍हुया लँपु जुयाः मरुभूमिइ परमप्रभु थः परमेश्‍वरं उजं बियादी थें वय्‌कःया निंतिं बां बीत वनेमाः।”

प्रस्‍थान 9:1

अले परमप्रभुं मोशायात धयादिल, “फारोयात वनाः धा, ‘परमप्रभु हिब्रूतय् परमेश्‍वरं थथे धयादी, “जिमि मनूतय्‌त जिगु आराधना यायेत वनेब्‍यु।”

प्रस्‍थान 9:2

छं इमित वने मब्‍यूसे पना तल धाःसा

प्रस्‍थान 10:3

उकिं मोशा व हारूनं वनाः फारोयात धाल, “हिब्रूतय् परमप्रभु परमेश्‍वरं थथे धयादी, ‘गुबलय् तक छ जिगु खँ मन्‍यंसे च्‍वनेगु? जिमि मनूतय्‌त जिगु आराधना यायेत वनेब्‍यु।

प्रस्‍थान 10:4

छं जिमि मनूतय्‌त वने मबिल धाःसा जिं कन्‍हय् हे छंगु देशय् क्‍वःबुइँचात छ्वयाहये।