प्रस्‍थान 4:16 - नेवाः बाइबल

¹⁶ वं छंगुपाखें मनूतनापं खँ ल्‍हाइ, व छंगु निंतिं म्‍हुतु थें जुइ अले छ वया निंतिं परमेश्‍वर थें जुइ।

प्रस्‍थान 4:16 Referans Kwoze

प्रस्‍थान 18:19

जिं छितः छुं बांलाःगु सल्‍लाह बी। अले परमेश्‍वर छिलिसे दइ। छि मनूतय्‌पाखें इमिगु ल्‍वापुख्‍यापु परमेश्‍वरया न्‍ह्यःने यंकेगु थिक जुइ।

भजनसंग्रहया सफू 82:6

“जिं धया, ‘छिपिं द्यः खः’, छिपिं सकलें दक्‍वसिबय् तःधंम्‍हय्‌सिया काय्‌पिं खः।

प्रस्‍थान 4:12

अथे जुयाः हुँ, जिं छन्‍त न्‍ववायेत ग्‍वाहालि याये, अले छं छु छु न्‍ववायेमाः व जिं स्‍यने।”

प्रस्‍थान 4:30

परमप्रभुं मोशायात धयादीगु फुक्‍क खँ हारूनं इमित धाल। अले मनूतय् न्‍ह्यःने हे वं अजू चायापुगु चिं नं क्‍यनाबिल।

यर्मिया 36:32

अले यर्मियां मेगु छथू भ्‍वँ हयाः नेरियाहया काय् च्‍वमि बारूकयात बिल। वं यहूदायाम्‍ह जुजु यहोयाकीमं छ्वय्‌काब्‍यूगु भ्‍वंया थूयागु फुक्‍क वचन यर्मियाया म्‍हुतुं न्‍यँन्‍यं उकी च्‍वल। उपिं वचनय् उपिं वचन थें ज्‍याःगु मेमेगु वचन नं तन।