प्रस्‍थान 4:12 - नेवाः बाइबल

¹² अथे जुयाः हुँ, जिं छन्‍त न्‍ववायेत ग्‍वाहालि याये, अले छं छु छु न्‍ववायेमाः व जिं स्‍यने।”

प्रस्‍थान 4:12 Referans Kwoze

यर्मिया 1:9

अनंलि परमप्रभुं ल्‍हाः ताहाक यानाः जिगु म्‍हुतुसि थियादिल, अले धयादिल, “स्‍व, जिं थःगु वचन छंगु म्‍हुतुइ तयाबियागु दु।

मर्कूस 13:11

छिमित ज्‍वना यंकीबलय् छिमिसं छु धायेगु धकाः धन्‍दा काये म्‍वाः। छिमित अबलय् गथे धाय्‌की अथे हे धा, छाय्‌धाःसा अबलय् छिमिसं मखु, बरु छिमिके दीम्‍ह पवित्र आत्‍मां हे नवानादी।

यशैया 50:4

त्‍यानुचाःपिन्‍त हपाः बीत परमेश्‍वरं जितः स्‍यनामिं थें न्‍ववायेगु स्‍यनादीगु दु। वय्‌कलं जितः सुथ पत्तिकं थनादीगु दु। ब्‍वनामिं थें ध्‍यान बियाः न्‍यनेत वय्‌कलं जिगु न्‍हाय्‌पं चाय्‌कादीगु दु।

एफिसी 6:19

जिगु निंतिं नं छिमिसं प्रार्थना यानाब्‍यु। जिं नवाइबलय् परमेश्‍वरं जितः वचन व नवायेत साहस बियादीमा, अले जिं वय्‌कःयागु भिंगु खँ नं मेपिन्‍त बांलाक ध्‍वाथुइका बी फयेमा धकाः प्रार्थना या।

यूहन्‍ना 14:26

छिमित ग्‍वाहालि याइम्‍ह पवित्र आत्‍मायात जिगु नामय् बाःनं छ्वयाहयादी। वय्‌कलं हे छिमित माक्‍व खँ स्‍यनादी। अले जिं धयागु फुक्‍क खँ छिमित लुमंकाबी।

लूका 11:1

छन्‍हु येशू छथाय् प्रार्थना यानाच्‍वनादिल। छम्‍ह चेलां वय्‌कःयात थथे धाल – “यूहन्‍नां नं वया चेलातय्‌त प्रार्थना यायेगु स्‍यं थें हे जिमित नं प्रार्थना यायेगु स्‍यनाबियादिसँ।”

यशैया 49:2

वय्‌कलं जिगु म्‍हुतु ज्‍वःगु तरवार थें यानादिल। वय्‌कलं जितः थःगु ल्‍हाःया किचलय् सुचुकादिल। वय्‌कलं जितः च्‍वामुसे च्‍वंगु वाण दय्‌कादिल, अले जितः थःगु वाण तयेगु बलाथुली सुचुकातयादिल।

भजनसंग्रहया सफू 143:10

छिगु इच्‍छा गथे यानाः पूवंकेगु खः व जितः स्‍यनादिसँ। छाय्‌धाःसा छि जिमि परमेश्‍वर खः। छिगु आत्‍मां जितः भिंगु लँपुइ यंकेमा।

भजनसंग्रहया सफू 32:9

लकय् यायेत लगाम व खिपः माःपिं सल व गधा थें छुं मस्‍यूपिं जुयाच्‍वने मते।

प्रस्‍थान 3:12

परमेश्‍वरं धयादिल, “जि छनापं दइ। अले जिं हे छन्‍त छ्वयागु खः धयागु खँया चिं थ्‍व जुइ, छं थः मनूतय्‌त मिश्रं पित हये धुंकाः छिमिसं थ्‍व हे पर्वतय् परमेश्‍वरयात आराधना याइ।”

प्रस्‍थान 4:13

मोशां धाल, “हे प्रभु, थुकिया निंतिं मेम्‍ह हे सुं छ्वयादिसँ।”

प्रस्‍थान 4:15

छ व नापं खँ ल्‍हा अले छं धायेमाःगु खँ वयात धा। जिं छिपिं निम्‍हय्‌सितं न्‍ववायेत ग्‍वाहालि याये। अले छिमिसं यायेमाःगु खँ जिं स्‍यने।

प्रस्‍थान 4:16

वं छंगुपाखें मनूतनापं खँ ल्‍हाइ, व छंगु निंतिं म्‍हुतु थें जुइ अले छ वया निंतिं परमेश्‍वर थें जुइ।

गन्‍ती 16:28

अले मोशां धाल, “थुकथं थुपिं फुक्‍क ज्‍या यायेत परमप्रभुं जितः छ्वयाहयादीगु खः धकाः छिमिसं सी। थ्‍व जिगु थःगु हे बिचाःकथं यानागु मखु।

व्‍यवस्‍था 18:18

जिं इमि इस्राएली दाजुकिजातय् दथुं छ थें ज्‍याःम्‍ह छम्‍ह अगमवक्ता दय्‌के। जिं जिगु खँ वयागु म्‍हुतुइ तयाबी, अले वं जिं धयागु आज्ञा इमित कनाबी।

भजनसंग्रहया सफू 105:26

अले वय्‌कलं थःम्‍हं ल्‍यःपिं दासत मोशा व हारूनयात छ्वयादिल।