प्रस्‍थान 4:1 - नेवाः बाइबल

¹ मोशां धाल, “इमिसं जितः पत्‍याः मयाःसा अले जिगु खँ मन्‍यंसे, ‘परमप्रभु छन्‍थाय् खनेदय्‌कः झाःगु मखु’ धकाः लिसः बिल धाःसा छु यायेगु?”

प्रस्‍थान 4:1 Referans Kwoze

प्रस्‍थान 3:18

“अले इस्राएलया थकालितय्‌सं छंगु खँ न्‍यनी। अनं लिपा छं इपिं नापं मिश्रया जुजुयाथाय् वनाः थथे धा, ‘हिब्रूतय् परमप्रभु परमेश्‍वरं जिमित नापलानादीगु दु। उकिं जिमित जिमि परमप्रभु परमेश्‍वरयात बां बीत स्‍वन्‍हुया लँपुया मरुभूमिइ वनेबियादिसँ धकाः इनाप याये।’

प्रेरित 7:25

परमेश्‍वरं जिगुपाखें इस्राएलीतय्‌त बचय् यानादी धयागु खँ इमिसं थुइकी धकाः मोशां मतिइ तःगु खः। इस्राएलीतय्‌सं धाःसा थ्‍व खँ मथू।

इजकिएल 3:14

अले आत्‍मां जितः ल्‍ह्वनाः यंकादिल। म्‍हाइपुसे च्‍वंकाः तंमय्‌ जि वना। परमप्रभुया शक्ति जिके दुगु जुल।

यर्मिया 1:6

जिं धया, “स्‍वयादिसँ परमप्रभु परमेश्‍वर, जि ला नवाये नं मसः, जि ला मचा हे तिनि।”

प्रस्‍थान 6:30

मोशां परमप्रभुयात लिसः बिल, “स्‍वयादिसँ, जि बांलाक न्‍ववाये सःम्‍ह मखु। अथे जुयाः फारोनं जिगु खँ गथे यानाः न्‍यनी?”

प्रस्‍थान 4:31

मनूतय्‌सं इमित पत्‍याः यात। परमप्रभुं इस्राएलीतय्‌गु च्‍यूताः कयादी अले इमित जुयाच्‍वंगु सास्‍ती नं खंगु दु धकाः न्‍यनाः इमिसं परमप्रभुया न्‍ह्यःने थःगु छ्यं क्‍वछुकाः आराधना यात।

प्रस्‍थान 2:14

व मनुखं धाल, “छन्‍त सुनां जिमि शासक व न्‍यायाधीश दय्‌कल? छु छं जितः नं व मिश्रीयात स्‍याः थें स्‍याये त्‍यनागु ला?” थ्‍व न्‍यनाः मोशा ग्‍यात। वं बिचाः यात, “जिं यानागु खँ मनूतय्‌सं सी धुंकल।”

प्रस्‍थान 3:15

परमेश्‍वरं हानं मोशायात धयादिल, “इस्राएलीतय्‌त धा, ‘परमप्रभु छिमि पुर्खाया परमेश्‍वर आर्थात अब्राहाम, इसहाक, याकूबया परमेश्‍वरं जितः छिमिथाय् छ्वयाहःगु खः।’ “न्‍ह्याबलेंया निंतिं जिगु नां थ्‍व हे खः। जिगु थ्‍व हे नामं जितः छिमिसं पुस्‍तां पुस्‍ता तक लुमंकेगु याइ।

प्रस्‍थान 3:16

“छ वनाः इस्राएलयापिं थकालित मुंकाः इमित थथे धा, ‘छिमि पुर्खा अब्राहाम, इसहाक, याकूबया परमप्रभु परमेश्‍वर जिथाय् न्‍ह्यःने खनेदय्‌कः झायाः थथे धयादीगु दु, जि छिमिथाय् वयागु दु, मिश्रय् छिमित गुलि दुःख ब्‍यूगु दु व नं जिं खनागु दु।

प्रस्‍थान 4:10

अले मोशां परमप्रभुयात धाल, “हे प्रभु जि उलि न्‍ववाये सःम्‍ह मखु, जि न्‍हापा नं बांलाक न्‍ववाये सःम्‍ह मखु अले छिलिसे न्‍ववाये धुंकाः नं जि बांलाक न्‍ववाये मसःनि। जि ध्‍वाथुइक न्‍ववाये सःम्‍ह मखु।”

प्रस्‍थान 4:30

परमप्रभुं मोशायात धयादीगु फुक्‍क खँ हारूनं इमित धाल। अले मनूतय् न्‍ह्यःने हे वं अजू चायापुगु चिं नं क्‍यनाबिल।

प्रस्‍थान 6:12

अय्‌नं मोशां परमप्रभुयात धाल, “इस्राएलीतय्‌सं हे जिगु खँ मन्‍यन धाःसा, जि खँ ल्‍हाये मसःम्‍हय्‌सिगु खँ फारोनं गथे यानाः न्‍यनी?”

१ राजा 13:3

उखुन्‍हु हे परमेश्‍वरया मनुखं थथे धयाः छगू चिं बिल, “परमप्रभुं धयादीगु चिं थ्‍व हे खः। स्‍व! थ्‍व वेदी कुचा कुचा जुयाः दुनी अले थुकी दुगु नौ बँय् वाइ।”

न्‍यायकर्ता 6:17

गिदोनं लिसः बिल, “छि जि खनाः लय्‌ताःसा, जि परमप्रभुलिसे खँ ल्‍हाना च्‍वनागु दु धयागु खँय् पत्‍याः यायेत छगू चिं बियादिसँ।