प्रस्‍थान 3:8 - नेवाः बाइबल

⁸ अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

प्रस्‍थान 3:8 Referans Kwoze

उत्‍पत्ति 50:24

सी न्‍ह्यः योसेफं थः दाजुकिजापिन्‍त धाल, “जि आः यक्‍व म्‍वाइ मखुत। परमेश्‍वरं छिमिगु बिचाः यानादी। अले छिमित थनं अब्राहाम, इसहाक व याकूबयात बचं बियादीगु देशय् यंकादी।”

प्रस्‍थान 3:17

अले जिं छिमित मिश्रीतय्‌सं याःगु दुःखं लिगनाः दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् यंकेत क्‍वःछिनागु दु।’

व्‍यवस्‍था 1:25

इमिसं व देशया छुं फलफूल हल। अले इमिसं झीत “परमप्रभु परमेश्‍वरं बीत्‍यंगु देश छगू भिंगु देश खः” धकाः खबर बिल।

प्रस्‍थान 13:5

परमप्रभुं छिमि तापाःबाज्‍यापिन्‍त बी धयातःगु कनानी, हित्ती, एमोरी, हिव्‍वी व यबूसीतय्‌गु दुरु व कस्‍ति बाः वयाच्‍वंगु देशय् छिमित यंकादीधुंकाः नं थ्‍व हे लाय् छिमिसं थ्‍व नखः हँ।

यर्मिया 11:5

दुरु व कस्‍ति बाः वयाच्‍वंगु देश बी धकाः जिं छिमि तापाःबाज्‍यापिंलिसें पाफयागु जिं पूरा याये फयेमा धकाः जिं थथे धयागु खः।’ छिपिं आः व हे देशय् च्‍वनाच्‍वंगु दु।” अले जिं लिसः बिया, “हे परमप्रभु, आमेन, अथे हे जुइमा।”

गन्‍ती 13:27

इमिसं मोशायात कन, “छिं जिमित छ्वयादीगु देशय् जिपिं वना। धात्‍थें हे अन दुरु व कस्‍ति बाः वयाच्‍वंगु जुयाच्‍वन, अले अनयागु फलफुल थ्‍व हे खः।

यूहन्‍ना 6:38

जि जिगु इच्‍छा मखु बरु जितः छ्वया हयादीम्‍हय्‌सित इच्‍छा पूवंकेत स्‍वर्गं वयाम्‍ह खः।

इजकिएल 20:6

उखुन्‍हु हे जिं इपिंलिसें जिं इमित मिश्र देशं लिगनाः हयाः जिं इमिगु निंतिं ल्‍ययागु छगू देशय् हये धकाः नं पाफया। व मेगु फुक्‍क देश स्‍वयाः बांलाः, अन दुरु व कस्‍ति बाः वयाच्‍वंगु।

भजनसंग्रहया सफू 91:15

इमिसं जितः सःतीबलय् जिं इमित लिसः बी, इमित दुःख जुइबलय् जि इपिंनापं च्‍वने, जिं इमित बचय् याये, अले इज्‍जत याये।

भजनसंग्रहया सफू 34:8

परमेश्‍वर गुलि भिं धकाः थःम्‍हं हे सीकि, धन्‍यम्‍ह खः व, सुनां वय्‌कःयाके शरण काइ।

प्रस्‍थान 12:51

परमप्रभुं उखुन्‍हु हे इस्राएलीतय्‌त इमिगु पुचः पुचः यानाः मिश्र देशं पितहयादिल।

यर्मिया 32:22

छिं इमि पुर्खातय्‌त बी धकाः पाफयादीगु थ्‍व दुरु व कस्‍ति बाः वयाच्‍वंगु देश इमित बियादिल।

भजनसंग्रहया सफू 12:5

परमप्रभुं धयादी, “आः जि वये। छाय्‌धाःसा चीमिपिन्‍सं क्‍वत्‍यय्‌काः च्‍वनेमाःगु दु, दुःखय् लानाच्‍वंपिन्‍सं झसुकाः तयाच्‍वंगु दु। जिं इपिं फुक्‍कसित इमित दुःख बियाच्‍वंपिनिपाखें बचय् याये।”

व्‍यवस्‍था 27:3

छिमि पुर्खातय् परमप्रभु परमेश्‍वरं बचं बियादीगु थें खुसि छिनाः परमप्रभु थः परमेश्‍वरं छिमित बियादीगु दुरु व कस्‍ति बाः वयाच्‍वंगु देशय् दुहां वने धुंकाः थ्‍व नियमया फुक्‍क वचन उकी च्‍व।

व्‍यवस्‍था 7:1

छिपिं अधिकार यायेत वनेत्‍यंगु देशय् परमप्रभु छिमि परमेश्‍वरं छिमित हयादीबलय् अले छिपिं स्‍वयाः यक्‍व ल्‍याः दुपिं व बल्‍लाःपिं थुपिं न्‍हय्‌गू जाति हित्ती, गिर्गाशी, एमोरी, कनानी, परिज्‍जी, हिव्‍वी व यबूसीतय्‌त छिमिगु न्‍ह्यःनं वय्‌कलं लिना छ्वयादीबलय्

उत्‍पत्ति 11:5

परमप्रभु मनूतय्‌सं दय्‌काच्‍वंगु शहर व धरहरा स्‍वयेत कुहां झाल।

यूहन्‍ना 3:13

स्‍वर्गं क्‍वहां वःम्‍ह मनूया काय् बाहेक सुं नं स्‍वर्गय् थाहां वंगु मदुनि।

यशैया 64:1

छि आकाश चीकाः क्‍वहां झाःगु जूसा व पर्वतत छिगु न्‍ह्यःने थुरथुर खाःगु जूसा ज्‍यूगु।

प्रस्‍थान 34:11

थौं जिं छन्‍त बियाच्‍वनागु उजंयात मानय् या। स्‍व, जिं छंगु न्‍ह्यःनें एमोरी, कनानी, हित्ती, परिज्‍जी, हिव्‍वी व यबूसीतय्‌त लिनाछ्वये।

उत्‍पत्ति 18:21

उकिं इमित पाः याःथें इमिसं यानाच्‍वंगु खः कि मखु स्‍वयेत जि कुहां वने।”

उत्‍पत्ति 15:14

जिं इमित दास दासी याःपिं जातियात सजाँय बी। अले इपिं अनं यक्‍व धनसम्‍पत्ति ज्‍वनाः पिहां वइ।

नहेम्‍याह 9:8

छिं वयात थः प्रति विश्‍वास बहःम्‍ह जूगु सीकादिल। अले छिं वया सन्‍तानतय्‌त कनानी, हित्ती, एमोरी, परिज्‍जी, यबूसी व गिर्गाशीतय्‌गु देश बी धकाः वलिसे बाचा चिनादिल। छिं थःगु बचं पूवंकादिल छाय्‌धाःसा छि विश्‍वास याये बहःम्‍ह खः।

व्‍यवस्‍था 28:11

छिमि पुर्खातय्‌त पाफयाः बी धयादीगु देशय् परमप्रभुं छिमित यक्‍व मचाखाचा, अले सा द्वहं व यक्‍व अन्‍न बियादी।

उत्‍पत्ति 11:7

कुहां वनेनु, अले झीसं इमिगु भाय्‌यात ल्‍वाकःबुकः याये। अले इमिसं थवंथवय् धाःगु खँ थुइ मखु।”

यर्मिया 2:7

जिं छिमित यक्‍व सइगु भिंगु बुँ दुगु देशय् अन्‍न बाली व मेमेगु भिंगु नसा नयेमा धकाः हया। तर वये धुंकाः छिमिसं जिगु थ्‍व देशयात अशुद्ध यात, अले जिगु सर्बययात घच्‍चाइपुगु यानादिल।

यहोशू 9:1

यर्दनया पच्‍छिमपाखे पहाडी देशय् व पच्‍छिमया फेदीइ अले लेबनान तक भूमध्‍यसागरया सिथय् च्‍वनिपिं फुक्‍क हित्ती, एमोरी, कनानी, परिज्‍जी, हिव्‍वी व यबूसी जुजुपिन्‍सं थ्‍व खँ न्‍यनाः

व्‍यवस्‍था 1:7

अथे जुयाः आः छिपिं थ्‍व थाय् त्‍वःताः थःगु यात्राय् न्‍ह्यज्‍या। एमोरीतय् पर्वतया देश व उकिया जःखः च्‍वंपिं फुक्‍क जातितय्‌थाय्, अराबाय्, पर्वतय्, पच्‍छिमया फेदी, नेगेवय् व समुद्रया सिथय् च्‍वंगु कनानीतय् देशय्, लेबनानय् अले तःधंगु खुसि यूफ्रेटिस तक हे हुँ।

गन्‍ती 13:19

इपिं च्‍वनाच्‍वंगु देश भिं कि मभिं गथे च्‍वं? इपिं च्‍वनीगु शहर गथे च्‍वं? इमिगु शहरय् छचाःखेरं पखाः दु वा मदु?

उत्‍पत्ति 15:13

अले परमप्रभुं अब्रामयात धयादिल, “थ्‍व खँ थुइकाति, छिमि सन्‍तान कर्पिनिगु देशय् परदेशी जुयाः च्‍वंवने माली, अले इपिं अन प्‍यसः दँ तक दास दासी जुयाः क्‍वत्‍यय्‌काः च्‍वनेमाली।

उत्‍पत्ति 46:4

जि छनापं मिश्रय् वने। जिं हे छिमि सन्‍तानयात अनं लित ब्‍वना हये। छ सीबलय् छिमि काय् योसेफ छनापं दइ।”

प्रस्‍थान 5:23

फारोयाथाय् छिगु खँ ल्‍हायेत वनाबलय्‌निसें वं थुपिं मनूतलिसें बांमलाःगु व्‍यवहार याःगु दु। अले छिं थः मनूतय्‌त आः तक बचय् यानामदी।”

प्रस्‍थान 12:41

प्‍यसः व स्‍विदँ लिपा उखुन्‍हु हे परमप्रभुया फुक्‍क मनूतय्‌सं मिश्र देश त्‍वःतल।

व्‍यवस्‍था 6:3

हे इस्राएल न्‍यँ, थुपिं फुक्‍क बांलाक्‍क मानय् या अले छिमिगु भिं जुइ। परमप्रभु छिमि पुर्खातय् परमेश्‍वरं छिमित बचं बियादीगु थें दुरु व कस्‍ति बाः वयाच्‍वंगु देशय् छिमिगु ल्‍याः यक्‍व अप्‍वः जुइ।

आमोस 2:10

एमोरीतय्‌गु देश बीत जिं छिमित मिश्र देशं लिगना हया, पिइदँ तक मरुभूमिइ न्‍ह्यलुवाः जुयाः यंकाः।

उत्‍पत्ति 43:11

अले इमि बौ इस्राएलं धाल, “अथे हे यायेमाः धयागु खःसा अथे हे या। व मनूयात थनया पायेगु वासः, भिंगु भिंगु कस्‍ति, मसला, मूर्र, पेस्‍ता व स्‍यांगुलि नं भचा भचा कोसेलि यंकि।

लेवी 20:24

तर जिं छिमित धयागु दु, “छिमिसं इमिगु देश त्‍याकाः काइ, छाय्‌धाःसा थ्‍व देश जिं छिमित सर्बयकथं बी। जिं थःम्‍हं हे दुरु व कस्‍ति बाः वयाच्‍वंगु थ्‍व देशयात छिमित बी।” जि छिमित मेगु जातितपाखें अलग तइम्‍ह परमप्रभु छिमि परमेश्‍वर खः।

गन्‍ती 13:18

अले देश गथे च्‍वं, अन च्‍वंपिं मनूत बल्‍लाः कि बमलाः, यक्‍व दु कि मदु धकाः सीकि।

यहोशू 5:6

मिश्र त्‍वःतूबलय् लडाइँलय् वनेफुगु उमेर दुपिं फुक्‍क मनूतय्‌सं परमप्रभुया उजं मानय् मयाःगुलिं इपिं मसितले इस्राएलीत पिइदँ तक चाचाःहिला जुल। छाय्‌धाःसा दुरु व कस्‍ति बाः वयाच्‍वंगु देश झीत बी धकाः इमि पुर्खातलिसें पाफयाः बचं बियादीगु देश इमित खंकेबी मखु धकाः वय्‌कलं पाफयादीगु खः।

यहोशू 9:7

अले इस्राएली मिजंतय्‌सं हिव्‍वीतय्‌त धाल, “छिपिं जिमिगु लिक्‍कसं च्‍वंपिं मनूत जुइफु। छिपिंलिसे जिमिसं गथे यानाः सन्‍धि याये फइ?”

१ इतिहास 1:15

हिव्‍वीत, अरकीत, सिनीत,

भजनसंग्रहया सफू 12:6

परमप्रभुया वचन न्‍हय्‌कः तक मिइ छुयातःगु वहः थें शुद्ध जू।

यशैया 36:17

लिपा धाःसा छिमिगु हे थें ज्‍याःगु अन्‍न व न्‍हूगु दाखमद्य अले मरि व दाखक्‍यबं जाःगु देशय् जिं छिमित यंके।