प्रस्‍थान 3:6 - नेवाः बाइबल

⁶ वय्‌कलं हानं धयादिल, “जि छिमि पुर्खाया परमेश्‍वर खः, अब्राहाम, इसहाक व याकूबया परमेश्‍वर खः।” अले मोशां थःगु ख्‍वाः त्‍वपुल, छाय्‌धाःसा परमेश्‍वरयात स्‍वयेत व ग्‍यात।

प्रस्‍थान 3:6 Referans Kwoze

लूका 20:37

“मोशां नं सीपिं मनूत म्‍वाना वइ धकाः क्‍यना वंगु दु नि। झालय् मि च्‍याःबलय् परमेश्‍वरं धयादीगु खँ मोशां थथे च्‍वया थकूगु दु – ‘जि अब्राहाम, इसहाक व याकूबया परमेश्‍वर खः।’

मत्ती 22:32

‘जि अब्राहामया, इसहाकया व याकूबया परमेश्‍वर खः।’ थुकियागु अर्थ वय्‌कः सीपिनि परमेश्‍वर मखु, बरु म्‍वाःपिनि परमेश्‍वर खः।”

मर्कूस 12:26

“सीपिं म्‍वाना वइ धयागु खँ छु छिमिसं परमेश्‍वरं मोशायात च्‍यानाच्‍वंगु झालं थथे धयादीगु मब्‍वना ला? – ‘जि अब्राहामया, इसहाकया व याकूबया परमेश्‍वर खः।’

प्रस्‍थान 4:5

परमप्रभुं वयात धयादिल, “थ्‍व ज्‍यापाखें हे इमिसं जितः पत्‍याः यायेमा। अले जि हे इमि पुर्खा अब्राहाम, इसहाक व याकूबया परमेश्‍वर छन्‍थाय् खनेदय्‌कः वःगु खः धकाः इमिसं सीमा।”

प्रेरित 7:32

‘जि छिमि तापाःबाज्‍यापिं अब्राहाम, इसहाक व याकूबया परमेश्‍वर खः।’ थ्‍व न्‍यनाः मोशां थररर खानाः ग्‍यानाः स्‍वये तकं मफुत।

उत्‍पत्ति 28:13

परमप्रभुं वया लिक्‍क वयाः धयादिल, “जि परमप्रभु खः, छं तापाःबाज्‍या अब्राहामया परमेश्‍वर, अले इसहाकया परमेश्‍वर। जिं छन्‍त व छिमि सन्‍तानयात छ च्‍वनाच्‍वंगु देश बी।

प्रकाश 1:17

वय्‌कःयात खनेवं जि सीम्‍ह थें जुयाः वय्‌कःयागु तुतिइ भ्‍वपू वना। अले वय्‌कलं जिगु छेनय् जव ल्‍हाः तयाः धयादिल – “ग्‍याये मते। जि शुरु व अन्‍त खः।

१ राजा 18:36

बलि बीगु इलय् एलिया अगमवक्तां न्‍ह्यःने वनाः प्रार्थना यात, “हे परमप्रभु परमेश्‍वर, अब्राहाम, इसहाक व याकूबया परमेश्‍वर, इस्राएलय् छि हे परमेश्‍वर खः धकाः थौं क्‍यनादिसँ। जि छिकपिनि दास खः, जिं थ्‍व फुक्‍क छिं धयादीगु थें हे यानागु खः।

न्‍यायकर्ता 13:22

वं थः कलाःयात धाल, “आः झीपिं सीगु जुल, छाय्‌धाःसा झीसं परमेश्‍वरयात खनागु दु।”

यर्मिया 32:38

इपिं जिम्‍ह प्रजा जुइ, जि इमि परमेश्‍वर जुइ।

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

यर्मिया 24:7

जि हे परमप्रभु खः धकाः म्‍हसीगु नुगः जिं इमित बी। अले इपिं जि प्रजा जुइ। जि इमि परमेश्‍वर जुये, छाय्‌धाःसा इपिं दुनुगलंनिसें जिथाय् लिहां वइ।

भजनसंग्रहया सफू 132:2

वं परमप्रभुलिसें पाफल, अले याकूबया दक्‍वसिबय् बल्‍लाःम्‍ह परमेश्‍वरलिसें भाकल यात,

१ राजा 19:13

व सः तायेवं एलियां थःगु ख्‍वाः गां त्‍वपुल, अले पिहां वनाः गुफाय् दुहां वनेथाय् दन। छगू सलं वयात थथे धाल, “एलिया, छ थन छु यानाच्‍वनागु?”

प्रस्‍थान 29:45

जि इस्राएलीतय्‌गु दथुइ बाय् च्‍वने, अले जि इमि परमेश्‍वर जुइ।

उत्‍पत्ति 32:9

अले याकूबं प्रार्थना यात, “जिमि तापाःबाज्‍या अब्राहाम व जिमि बाः इसहाकया परमेश्‍वर! परमप्रभु, छिं जितः थःगु हे छेँय् लिहां वनेत धयादिल। छिं जितः छि जिलिसें हे दइ, अले फुक्‍कं बांलाइ धकाः धयादीगु खः।

उत्‍पत्ति 31:42

अब्राहामया परमेश्‍वर गुम्‍हय्‌सिया न्‍ह्यःने जिमि बाः इसहाक ग्‍यानादी जिलिसें मदुगु जूसा छिं जितः धात्‍थें हे खालि ल्‍हातिं लिछ्वयाहइगु खः। परमेश्‍वरं जिगु दुःख व ज्‍या खनादिल, उकिं म्‍हिगः चान्‍हय् छितः ब्‍वःबियादिल।”

उत्‍पत्ति 26:24

उखुन्‍हु हे चान्‍हय् परमप्रभुं वयाथाय् खनेदय्‌कः झायाः वयात धयादिल, “जि छिमि बौ अब्राहामया परमेश्‍वर खः। ग्‍याये मते, छाय्‌धाःसा जि छलिसें दु। जिं जिमि च्‍यः अब्राहामलिसे बाचा चिना थें छन्‍त आशिष बी, अले छं यक्‍व सन्‍तान दइ।”

उत्‍पत्ति 17:3

अब्राम बँय् भ्‍वपुल। परमेश्‍वरं धयादिल,

उत्‍पत्ति 12:7

अले परमप्रभुं अब्रामयाथाय् झायाः धयादिल, “जिं थ्‍व देश छिमि सन्‍तानयात बी।” अले अब्रामं वयाथाय् झाःम्‍ह परमप्रभुया लागि अन छगू वेदी दय्‌कल।

उत्‍पत्ति 12:1

परमप्रभुं अब्रामयात धयादिल, “छ थः बूगु दे, थःथिति व थः बौया छेँ त्‍वःताः जिं क्‍यनेत्‍यनागु देशय् हुँ।

हिब्रू 12:21

उबलय् तसकं ग्‍यानापुसे च्‍वंगुलिं मोशांनापं थथे धाल – “जि ला ग्‍यानाः थरथर हे खात।”

प्रेरित 7:34

मिश्र देशय् च्‍वंपिं जिमि मनूतय्‌सं दुःखकष्‍ट सियाच्‍वंगु जिं स्‍यू। थःत जुयाच्‍वंगु कष्‍टं इपिं ख्‍वयाच्‍वंगु नं जिं ताः। अय्‌जूगुलिं इमित बचय् यायेत जि क्‍वहां वयागु खः। आः छन्‍त हे जिं अन छ्वयेत्‍यना।’

लूका 5:8

अथे जाः जाय्‌क न्‍या क्‍यंगुलिं सिमोन अले व नाप दुपिं मनूत फुक्‍क अजू चाल, नापं ग्‍या नं ग्‍यात। अय्‌जूगुलिं सिमोन पत्रुसं येशूयागु पालिइ भ्‍वपुयाः थथे धाल – “प्रभु, छि जिथासं झासँ, जि पापीम्‍ह मनू खः।”

मत्ती 17:6

थ्‍व सः न्‍यनाः चेलात तसकं ग्‍यानाः बँय् भ्‍वसू वन।

जकरिया 8:8

जिं इमित यरूशलेमय् च्‍वनेत ब्‍वनाहये। इपिं जि मनूत जुइ। अले जि इमिपाखे विश्‍वास याये बहःम्‍ह व धर्मी जुयाः इमि परमेश्‍वर जुये।”

इजकिएल 11:20

अले इपिं जिगु विधिकथं जुइ, जिगु नियम पालन यायेत होसियार जुइ। अले इपिं जिम्‍ह प्रजा जुइ, जि इमि परमेश्‍वर जुइ।

नहेम्‍याह 9:9

“छिं मिश्र देशय् जिमि पुर्खातय्‌त जूगु दुःख स्‍वयादिल, लाल समुद्र सिथय् ग्‍वाहालिया निंतिं हाःगु इमिगु सः छिं न्‍यनादिल।

एस्‍तर 3:4

इमिसं न्‍हियान्‍हिथं वयात थथे हे जक न्‍यनीगु। तर वं उमिगु खँयात वास्‍ता हे मयाः। थथे मोर्दकैनं मानय् मयाःगु खँ हामानं सह याइ कि मयाइ धकाः सीकेगु निंतिं इमिसं हामानयात थ्‍व खँ न्‍यंक वन। छाय्‌धाःसा “जि यहूदी खः” धकाः मोर्दकैनं इमित धाःगु खः।

हिब्रू 11:16

तर इमिसं व स्‍वयाः भिंगु व बांलाःगु स्‍वर्गयागु देशय् वनेगु मनंतुनाच्‍वंगु दु। उकिं परमेश्‍वरं नं थःत इमि परमेश्‍वर खः धकाः धयादीत लज्‍या चायामदी, छाय्‌धाःसा वय्‌कलं इमिगु निंतिं छगू शहर हे दय्‌कादीगु दु।

उत्‍पत्ति 24:12

वं मनमनं प्रार्थना यात, “हे जिमि मालिक अब्राहामया परमप्रभु परमेश्‍वर! दया यानाः थौं, जिगु ज्‍या तालाकादिसँ अले जिमि मालिक अब्राहामयात थःगु दया क्‍यनादिसँ।

प्रस्‍थान 3:16

“छ वनाः इस्राएलयापिं थकालित मुंकाः इमित थथे धा, ‘छिमि पुर्खा अब्राहाम, इसहाक, याकूबया परमप्रभु परमेश्‍वर जिथाय् न्‍ह्यःने खनेदय्‌कः झायाः थथे धयादीगु दु, जि छिमिथाय् वयागु दु, मिश्रय् छिमित गुलि दुःख ब्‍यूगु दु व नं जिं खनागु दु।

प्रस्‍थान 15:2

परमप्रभु हे जिगु शक्ति खः। वय्‌कलं जितः बचय् यानादी, वय्‌कः जिमि परमेश्‍वर खः, जिं वय्‌कःयात प्रशंसा याये। जिमि पुर्खाया परमेश्‍वर जिं वय्‌कःया नां तःधंके।

उत्‍पत्ति 28:17

अले वं ग्‍यानाः धाल, “थ्‍व थाय् ला मेगु मखुसे परमेश्‍वरया छेँ हे जुइमाः। थ्‍व थाय् ला स्‍वर्गया लुखा जुइमाः।”

प्रस्‍थान 33:20

अले वय्‌कलं धयादिल, “अय्‌नं छं जिगु ख्‍वाः स्‍वये फइ मखु, छाय्‌धाःसा जिगु ख्‍वाः स्‍वयाः सुं नं मनूत म्‍वानाच्‍वने फइ मखु।”

व्‍यवस्‍था 6:3

हे इस्राएल न्‍यँ, थुपिं फुक्‍क बांलाक्‍क मानय् या अले छिमिगु भिं जुइ। परमप्रभु छिमि पुर्खातय् परमेश्‍वरं छिमित बचं बियादीगु थें दुरु व कस्‍ति बाः वयाच्‍वंगु देशय् छिमिगु ल्‍याः यक्‍व अप्‍वः जुइ।