प्रस्‍थान 27:3 - नेवाः बाइबल

³ वेदीया नउ तयेगु थल, नउ तुइगु चतं, बाता, ला लिकायेगु नतू व मिथल दय्‌कि। थुपिं फुक्‍क कँय्‌यागु जुइमाः।

प्रस्‍थान 27:3 Referans Kwoze

१ राजा 7:45

थलबल, बेल्‍चा व छ्वाकिगु बातात। हुरामं जुजु सोलोमनया लागि परमप्रभुया देगःया निंतिं दय्‌कूगु फुक्‍क ज्‍वलं प्‍वालाप्‍वाला थीकातःगु कँय्‌यागु खः।

२ इतिहास 4:16

हुरामं थलबल, नउ तुइगु चतं, लाया काँटा व उकियात माःगु फुक्‍क ज्‍वलं परमप्रभुया देगःया निंतिं दय्‌कल। हुराम-अब्‍बीं परमप्रभुया देगःया निंतिं जुजु सोलोमनयात दय्‌काब्‍यूगु फुक्‍क ज्‍वलं प्‍वालाप्‍वाला थीकातःगु कँय्‌यागु खः।

२ इतिहास 4:11

हुरामं थलबल, बेल्‍चा व छ्वाकिगु बातात नं दय्‌कल। थुकथं हुरामं जुजु सोलोमनया लागि परमेश्‍वरया देगलय् यानाच्‍वंगु ज्‍या सिधय्‌कल।

१ इतिहास 28:17

वं काँटा, छ्वाकिगु बाता व करुवायागु लागि भिंगु लुँयागु तौल अले फुक्‍क लुँ व वहःयागु खोल्‍चाया निंतिं माःगु तौल क्‍वःछिनाबिल।

२ राजा 25:15

जुजुया अङ्गरक्षकतय् सेनापतिं गुँगू थनिगु मकः व छ्वाकिगु बातात, भिंगु लुँ वा वहलं दय्‌कातःगु फुक्‍क यंकल।

१ राजा 7:40

हुरामं थलबल, बेल्‍चा व छ्वाकिगु बातात नं दय्‌कल। थुकथं हुरामं जुजु सोलोमनया लागि परमप्रभया देगलय् यानाच्‍वंगु ज्‍या सिधय्‌कल। वं थुपिं ज्‍वलं दय्‌कल –

गन्‍ती 4:14

अले इमिसं उकिया द्यःने वेदीया सेवा यायेत छ्यलिगु ज्‍वलं नापं मिथल, ला लिकायेगु नतू, नउ तुइगु चतं व हि छ्वाकेगु बाता तयाः द्यःने डल्‍फिन न्‍याया छेंगुलिं त्‍वपुयाः न्‍वःत नं थासय् तयाबीमाः।

लेवी 16:12

वं परमप्रभुया न्‍ह्यःने च्‍वंगु वेदीं जायेक मि च्‍याकातःगु मकः व निपा ल्‍हातिं जायेक नस्‍वाः वःगु विशेष धुपाँय्‌चुं कयाः महा-पवित्र थासय् दुने यंकेमाः।

प्रस्‍थान 38:3

वेदीया नउ तयेगु थल, नउ तुइगु चतं, बाता, ला लिकायेगु नतू व मिथल दय्‌कल। थुपिं फुक्‍क कँय्‌यागु जुल।

प्रस्‍थान 24:6

मोशां उकिया बच्‍छि हि कयाः ख्‍वल्‍चाय् तल, बच्‍छि हि धाःसा वेदीइ छ्वाकल।

प्रस्‍थान 27:2

उकिया प्‍यकुनय् छपु छपु नेकू दय्‌कि। फुक्‍क नेकू व वेदी छगू हे सिँ कुचायागु जुइमाः। वेदीयात कँय्‌नं भुनाब्‍यु।

प्रस्‍थान 27:4

उकिया निंतिं कँय्‌यागु छगू चालिंचा दय्‌कि, वेदी क्‍वबीत प्‍यखें कँय्‌यागु हे प्‍यचाः चाः दय्‌कि।

१ राजा 7:50

भिंगु लुँया थलबल, मत स्‍यायेगु ज्‍वलं, छ्वाकेगु बातात व गुँगू मकः। दकलय् दुने महा-पवित्रगु थाय्‌या खापाया लागि व पवित्र थाय्‌या खापाया लागि लुँया कब्‍जा।

२ राजा 25:14

इमिसं वेदी सफा याइबलय् छ्यलिगु बेल्‍चा व नौ तयेगु थल, चिम्‍ता, गुँगू थनेगु मकः व देगलय् सेवा याइबलय् छ्यलिगु कँय्‌या थलबलत फुक्‍क यंकल।

प्रस्‍थान 27:19

पालय् छ्यलिगु फुक्‍क थलबल, पालया की व चुकया की कँय्‌यागु जुइमाः।