प्रस्‍थान 26:1 - नेवाः बाइबल

¹ “छं झिपाः भिंगु वँचुगु प्‍याजी व ह्याउँगु रंगयागु सूती कापःयागु पवित्र पाल त्‍वपुइगु इलां दय्‌कि। ज्‍या सःम्‍ह शिल्‍पकारयात कापतय् भिंगु भिंगु कां करूबया बुत्ता भरय् याकेब्‍यु।

प्रस्‍थान 26:1 Referans Kwoze

प्रस्‍थान 26:36

“पालया लुखाय् तयेत वँचुगु, प्‍याजीगु व ह्याउँगु भिंगु सूती कापःयागु बुत्ता भरय् यानातःगु पर्दा दय्‌कि।

प्रस्‍थान 36:35

अले वँचुगु, प्‍याजीगु व ह्याउँगु भिंगु सूती कापःयागु पर्दा दय्‌कल। कापतय् भिंगु कां करूबया बुत्ता भरय् याकेबिल।

प्रस्‍थान 26:31

“अले वँचुगु, प्‍याजीगु व ह्याउँगु भिंगु सूती कापःयागु पर्दा दय्‌कि। उकी ज्‍या सःम्‍ह शिल्‍पकारयात भिंगु कां करूबया बुत्ता भरय् याकेब्‍यु।

प्रस्‍थान 25:18

मुगलं दायाः लुँया निम्‍ह करूब दय्‌कि।

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।

प्रकाश 19:8

वयात तसकं प्‍वाला प्‍वाला थीगु, यचुसे च्‍वंगु, बांलाःगु सुति कापतं पुंका तःगु दु।” (बांलाःगु सूती कापः विश्‍वासीतय्‌गु बांलाःगु भिंगु ज्‍याखँ खः।)

हिब्रू 9:9

थ्‍व ला आःयागु ईयात क्‍यनादीगु छगू नमूना जक खः। थुकिं थथे धाइ – परमेश्‍वरयात छाये हःगुलिं व बलि बीगुलिं सुयागुं नुगः यचुकाबी फइ मखु।

हिब्रू 8:2

अन वय्‌कलं पवित्रगु थासय् पुजाहारी जुयाः सेवा यानादी। थ्‍व थाय् मनूतय्‌सं दय्‌कूगु मखु, परमेश्‍वरं हे दय्‌कादीगु खः।

यूहन्‍ना 2:21

वय्‌कलं धयादीगु देगः ला वय्‌कःया थःगु हे म्‍ह खः।

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

१ इतिहास 21:29

मरुभूमिइ मोशां दय्‌कूगु नापलायेगु पाल व होमबलिया वेदी उबलय् तक गिबोनया आराधना यायेगु थासय् हे दुगु जुयाच्‍वन।

१ इतिहास 17:1

थःगु लाय्‌कुलिइ च्‍वनेधुंकाः छन्‍हु दाऊदं नातान अगमवक्तायात धाल, “थन जि देवदारु सिँ दय्‌कूगु लाय्‌कुलिइ च्‍वनाच्‍वनागु दु, तर परमप्रभुया बाचाया सनू धाःसा पालय् दु।”

प्रस्‍थान 40:2

“न्‍हापांगु लाया न्‍हापांगु दिंखुन्‍हु पवित्र पाल ग्‍वः।

प्रस्‍थान 35:35

वय्‌कलं इपिं ल्‍हाःया ज्‍या व नमूना दय्‌केगु ज्‍या वँचुगु, प्‍याजीगु व ह्याउँगु का अले भिंगु सुति कापतय् बुत्ता भरय् यायेगु व थायेगु ज्‍याय्, फुक्‍क कथंयागु बांलाक ज्‍या याये सःपिं जुइमाः धकाः इमित सीपं जाय्‌कादीगु दु।”

प्रस्‍थान 35:6

वँचुगु, प्‍याजीगु व ह्याउँगु का अले भिंगु सूती कापः, च्‍वलय्‌चिगु सँ,

प्रस्‍थान 25:8

“जि इमिगु दथुइ च्‍वनेत इमिसं जिगु निंतिं छगू नापलायेगु पाल दय्‌केमाः।

प्रस्‍थान 25:4

वँचुगु, प्‍याजीगु, ह्याउँगु का व सूती कापः, च्‍वलेचिया सँ,

हिब्रू 9:2

इमिसं पाल ग्‍वयाः निकू क्‍वथा दय्‌कल। न्‍हापांगु क्‍वथाय् त्‍वाःदेवा, तेबिल व छायेहःगु मरि तयातःगु दइ। व थाय्‌यात पवित्रगु थाय् धाइ।

प्रस्‍थान 26:2

छपाः छपाः कापः १२ मिटर हाकः व २ मिटर ब्‍या दुगु जुइमाः। फुक्‍क कापः अपाय्‌कू हे जुइमाः।

प्रस्‍थान 35:11

नापलायेगु पाल, पवित्र पाल व त्‍वपुइगु इलां, अंकुसि, सिँपौ, खगः, थांत व लिधंसात।

गन्‍ती 3:25

गेर्शोनीतय्‌त पवित्र पाल, उकिया इलां, पवित्र पालया लुखाया पर्दा,

२ शमूएल 7:2

दाऊदं नातान अगमवक्तायात धाल, “थन जि देवदारु सिं दय्‌कूगु लाय्‌कुलिइ च्‍वनाच्‍वनागु दु, परमप्रभुया बाचाया सनू धाःसा पालय् दु।”

प्रस्‍थान 31:7

पवित्र पाल, बाचाया सनू, उकिया च्‍वय्‌यागु प्रायश्‍चितया कृपा-आसन व पालयागु ज्‍वलं,

प्रस्‍थान 39:3

इमिसं लुँयात मुगलं दायाः सालुगु पातात दय्‌कल। अले पातायात चानाः तार दय्‌काः उकियात वँचुगु, प्‍याजीगु व ह्याउँगु कानापं भिंगु सुति कापतय् बांलाक बुत्ता भरय् याये सःम्‍हय्‌सिनं थें तयाबिल।

गन्‍ती 4:25

पवित्र पालया लुखाया पर्दा, पवित्र पालया इलां, उकिया द्यःने च्‍वंगु डल्‍फिन न्‍याया छेंगूयागु इलां, नापलायेगु पालया ध्‍वाखाया पर्दा,

१ राजा 6:29

देगःया महा-पवित्रगु थाय् व पवित्रगु थाय्‌या छचाःखेरं अंगलय् वं करूब, ताय्‌गः सिमात व ह्वयाच्‍वंगु स्‍वांयागु बुत्ता किल।