3 न्याय याइबलय् चीमि धकाः सुयागुं पंली मते।
परमेश्वरपाखें दुगु बुद्धि पवित्र, शान्ति बीगु, क्वमिलु जुइगु, मिजासं जाःगु, दया दुगु व भिंगु फल बीगु जुइ। थ्व ख्वाः स्वयाः ज्या मयाइगु व दुग्यंगु जुइ।
“‘छिमिसं अन्याय याये मते। तःधंम्ह जूसां वा चिधीम्ह जूसां, मनूया ख्वाः स्वयाः मखु, तर सकलें मनूतय्गु पाय्छिकथं न्याय यायेमाः।
ख्वाः स्वयाः न्याय याये मते। छिमिसं तःधंपिं व चिधंपिं निखलःसिगुं खँ उत्थें न्यँ। सुयागुं पंली मते, सुं मनूत खनाः ग्याये मते छाय्धाःसा न्याय यायेगु परमेश्वरयागु ज्या खः। छिमिगु लागिं थाकुगु मुद्दा जिथाय् हजि, जिं व न्यने।”
“चीमिपिं मनूतय्त न्याय बीत लिचिले मते।
इमिसं सुयागु पंलिनाः ज्या मयायेमाः। घुस मनयेमाः छाय्धाःसा घुसं मनूतय्त कां यानाबी अले भिंम्ह मनूया बचंयात हीकाबी।
दोषीया पंलिनाः निर्दोषम्हय्सित द्वपं बियेगु पाय्छि मजू।
चीमिपिन्त फत धकाः क्वत्यले मते। हाःनाः मदुपिन्त अदालतय् ध्वंलाये मते।
धिक्कार इमित, सुनां मभिंगु व्यवस्था दय्की, सुनां मेपिन्त क्वत्यलिगु नियम दय्की,
छाय्धाःसा छिमिगु द्वंबिद्वं गुलि यक्व दु अले छिमिगु पाप गुलि तःधं धकाः जिं स्यू। छिमिसं धर्मीपिन्त दुःख बी अले घुस काइ, अदालतय् गरीबतय्गु न्याय स्यंकूगु दु।
