प्रस्‍थान 23:2 - नेवाः बाइबल

² “मखुगु ज्‍या यानाच्‍वंपिं मनूतय्‌गु हुलया ल्‍यूल्‍यू वने मते। साक्षी बीबलय् न्‍याय स्‍यनीकथं हुलयागु पंलिनाः साक्षी बी मते।

प्रस्‍थान 23:2 Referans Kwoze

हितोपदेश 1:15

हे जिकाय्! इपिं लिसे जुइ मते। इमिगु लँय् पलाः हे तये मते।

अय्‍यूब 31:34

मनूतय्‌सं छु धाइ धकाः वा थःथितितय्‌सं हेपय् याइ धकाः जि गुबलें ग्‍यानागु मदु, जि गुबलें सुम्‍क मच्‍वना अले छेँय् मच्‍वना।

व्‍यवस्‍था 1:17

ख्‍वाः स्‍वयाः न्‍याय याये मते। छिमिसं तःधंपिं व चिधंपिं निखलःसिगुं खँ उत्‍थें न्‍यँ। सुयागुं पंली मते, सुं मनूत खनाः ग्‍याये मते छाय्‌धाःसा न्‍याय यायेगु परमेश्‍वरयागु ज्‍या खः। छिमिगु लागिं थाकुगु मुद्दा जिथाय् हजि, जिं व न्‍यने।”

लूका 23:51

अथे जूसां वं इमिसं येशूयात स्‍यायेगु ग्‍वसाः ग्‍वःबलय् विरोध याःगु खः। व यहूदियाया अरिमाथिया धयाथाय् च्‍वंम्‍ह खः। अले व परमेश्‍वरं राज्‍य यानादी तिनि धकाः पियाच्‍वंम्‍ह खः।

मर्कूस 15:15

इपिं थथे हालाच्‍वंगुलिं मनूतय्‌त लय्‌ताय्‌केत पिलातसं बरब्‍बा धाःम्‍ह मनूयात त्‍वःताबिल। येशूयात दायाः क्रूसय् यख्‍खाना स्‍याके छ्वल।

हितोपदेश 4:14

दुष्‍टतय्‌गु लँय् वने मते, इमिसं याः थें याना जुइ मते।

१ राजा 19:10

वं लिसः बिल, “दक्‍व शक्ति दुम्‍ह परमप्रभु परमेश्‍वरया निंतिं जिके यक्‍व जोश दु, इस्राएलीतय्‌सं छिगु बाचायात त्‍वःतूगु दु, छिगु वेदीत थुनाब्‍यूगु दु अले छिकपिनि अगमवक्तातय्‌त तरवारं स्‍याःगु दु। जि जक ल्‍यंदनि, इमिसं जितः नं स्‍यायेत स्‍वयाच्‍वंगु दु।”

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”

प्रेरित 25:9

फेस्‍तसं यहूदीतय्‌त लय्‌ताय्‌केत पावलयात थथे धाल – “जिं छन्‍त यरूशलेमय् छ्वयाबी, अले अन हे छंगु न्‍याय याये, मज्‍यू ला?”

प्रेरित 24:27

निदँ लिपा फेलिक्‍सया थासय् पर्किअस फेस्‍तस बडा-हाकिम जुयाः वल। फेलिक्‍सं यहूदीतय्‌त लय्‌ताय्‌का तयेत पावलयात कुना तुं तल।

यर्मिया 38:9

“हे जिमि प्रभु, हे महाराज! थुपिं मनूतय्‌सं यर्मिया अगमवक्तायात तुंथिइ क्‍वफानाबियाः मभिंगु ज्‍या यात। अन व नये मखंक सी, छाय्‌धाःसा शहरय् आः छपा नं मरि मन्‍त।”

यर्मिया 37:21

अले जुजु सिदकियाहया आज्ञां यर्मियायात पिवाःतय्‌गु चुकय् तल। अले शहरय् दक्‍व मरि सिमधःतले इमिसं वयात मरि छुइपिनिगु पसलं न्‍हियान्‍हिथं छपा छपा मरि बिइगु। थुकथं यर्मिया पिवाःतय्‌गु चुकय् च्‍वन।

यर्मिया 37:15

हाकिमत यर्मिया खनाः तंचाल, अले वयात दाये फक्‍व दायाः छ्यान्‍जे जोनाथनया छेँय् कुनातल। छाय्‌धाःसा इमिसं उगु छेँयात झ्‍यालखाना दय्‌कूगु खः।

भजनसंग्रहया सफू 72:2

छिकपिनि मनूतय्‌त वं धार्मिकतां शासन याये फयेमा, अले क्‍वत्‍यय्‌काच्‍वंपिन्‍त नं उतिग्‍यंक न्‍याय याये फयेमा।

लेवी 19:15

“‘छिमिसं अन्‍याय याये मते। तःधंम्‍ह जूसां वा चिधीम्‍ह जूसां, मनूया ख्‍वाः स्‍वयाः मखु, तर सकलें मनूतय्‌गु पाय्‌छिकथं न्‍याय यायेमाः।

उत्‍पत्ति 19:4

इपिं द्यों वने न्‍ह्यः सदोमया फुक्‍क मनूत, ल्‍याय्‌म्‍ह व बुरा, फुक्‍क मिजंत वयाः लोतया छेँ घेरय् यात।

रोमी 1:32

थज्‍याःगु ज्‍याखँ यानाजुइपिं मनूतय्‌त परमेश्‍वरं नरकय् छ्वयादी धकाः वय्‌कःयागु आज्ञा सीक सीकं हे इमिसं थज्‍याःगु ज्‍याखँ जक याना जूगु मखु, थथे मभिंगु ज्‍याखँ यानाजुइपिंनापं छगू हे मन जुयाजुल।

इजकिएल 9:9

वय्‌कलं जितः धयादिल, “इस्राएल व यहूदाया घरानाया पाप तसकं तःधं। देश मनू स्‍यायेगु ज्‍यां जाःगु दु अले शहर अन्‍यायनं जाःगु दु। इमिसं धाइगु, ‘परमप्रभुं देशयात त्‍वःतादीगु दु, परमप्रभुं मखं।’

व्‍यवस्‍था 24:17

परदेशी व मांबौ मदुपिं मस्‍तय्‌गु न्‍याय स्‍यंके मते। भाःत सी धुंकूम्‍हय्‌सिगु गा बरः काये मते।

व्‍यवस्‍था 16:19

इमिसं सुयागु पंलिनाः ज्‍या मयायेमाः। घुस मनयेमाः छाय्‌धाःसा घुसं मनूतय्‌त कां यानाबी अले भिंम्‍ह मनूया बचंयात हीकाबी।

उत्‍पत्ति 7:1

अले परमप्रभुं नोआयात धयादिल, “छ व छिमि परिवार फुक्‍क जहाजय् च्‍वंहुँ। छाय्‌धाःसा जिं थ्‍व पुस्‍ताय् छ हे छम्‍ह जक धर्मीम्‍ह मनू खना।

हाग्‍गै 1:4

“जिगु देगः दुनाच्‍वंगु खंक खंकं छिपिं बांलाःगु छेँय् च्‍वनाच्‍वनेगु ई थ्‍व खः ला?”

१ शमूएल 15:9

तर शाऊल व वया सिपाइँतय्‌सं अगाग जुजुयात बचय् यात अले वया बांबांलाःपिं फै व सा द्वहं, ल्‍ह्वपिं साचा व भ्‍याःचा, गुलिखय् भिंगु भिंगु खँत धाःसा नाश मयासें तया तल। तर ज्‍याख्‍यलय् मजूगु व मू मवंगु फुक्‍क भज्‍यंक नाश यानाछ्वल।

हितोपदेश 18:5

दोषीया पंलिनाः निर्दोषम्‍हय्‌सित द्वपं बियेगु पाय्‌छि मजू।

१ शमूएल 15:24

शाऊलं शमूएलयात धाल, “जिं पापयात हँ! छु जिं परमप्रभुया आज्ञा व छिसं धाःगु खँ मन्‍यना ला। जि मनूतपाखें ग्‍याना, अले इमिगु खँ जिं न्‍यना।