प्रस्‍थान 23:1 - नेवाः बाइबल

¹ “मखुगु खँ ल्‍हाये मते। मभिंम्‍ह मनूलिसे जानाः मखुगु साक्षी बी मते।

प्रस्‍थान 23:1 Referans Kwoze

भजनसंग्रहया सफू 101:5

थः जःलाखःलाया बारे मखुगु खँ ल्‍हाइम्‍हय्‌सित जिं नाश यानाबी। फुइँ यानाजुइपिं व घमण्‍डी मनूतय्‌त जिं सह याये मखु।

हितोपदेश 19:5

मखुगु साक्षी बीपिन्‍त सजाँय मजुइ मखु, अले मखुगु खँ ल्‍हानाजुइपिं बिस्‍युं वने फइ मखु।

प्रस्‍थान 20:16

“थः जःलाखःलाया विरोधय् मखुगु साक्षी बी मते।

भजनसंग्रहया सफू 35:11

मभिंपिं मनूतय्‌सं जिगु विरोधय् साक्षी बियाजुइ। जिं सि हे मस्‍यूगु खँय् इमिसं जितः दोष बी।

व्‍यवस्‍था 5:20

“मुद्दामामिलाय् थः जःलाखःलाया विरोधय् मखुगु साक्षी बी मते।”

लेवी 19:16

“‘मेपिं मनूतय्‌त क्‍वह्यंकाः खँ ल्‍हाना जुइ मते। “‘छिमिसं जःलाखःलापिनिगु जीवन आपतय् लाइगु छुं नं ज्‍या याये मते। जि परमप्रभु खः।

प्रकाश 12:10

अले स्‍वर्गपाखें थथे धयाहःगु छगू तस्‍सःगु सः जिं ताया – “आः परमेश्‍वरं झीत उद्धार यानादी। परमेश्‍वरं अधिकार क्‍यनाः ख्रीष्‍टयात राज्‍य याकादिल। चान्‍हिं झी परमेश्‍वरया न्‍ह्यःने झी दाजुकिजापिनिगु विरोध यानाः दोष बीत स्‍वइम्‍हय्‌सित क्‍वफाना हये धुंकल।

रोमी 3:8

गुम्‍हं गुम्‍हय्‌सिनं जितः तसकं बांमलाकाः जिं थथे धाल धकाः धाइ – “मभिंगु यानाः भिं जुया वइगु खःसा मभिंगु जक छाय् मयायेगु?” थज्‍याःपिं मनूतय्‌सं तःधंगु सजाँय फयेमाली।

हितोपदेश 19:9

मखुगु साक्षी बीपिन्‍त सजाँय मजुइ मखु। मखुगु खँ ल्‍हाइपिं नाश जुइ।

१ पत्रुस 3:16

थथे लिसः बीबलय् हनाबना तयाः, मिजासं नुगः यचुकाः नवा। थज्‍याःगु भिंगु चालचलनं यानाः छिमित बांमलाका व ब्‍वः बिया च्‍वंपिं मनूत थः हे लज्‍या चाये माली।

२ तिमोथी 3:3

दया माया याये मसःपिं, क्षमा याइमखुपिं, मेपिन्‍त मभिंकाः खँ ल्‍हानाजुइपिं, थःत कःघाये मफुपिं, नुगः छाःपिं, भिंगु खँ मयय्‌कीपिं,

एफिसी 4:25

अय्‌जूगुलिं मखुगु खँ ल्‍हायेगु त्‍वःताः थःथवय् खःगु खँ जक ल्‍हाना जु, छाय्‌धाःसा झीपिं फुक्‍कं ख्रीष्‍टयागु म्‍हया छता छता म्‍हब्‍व खः।

हितोपदेश 24:28

थः जःलाखःलाया विरोधय् कारण मदय्‌क साक्षी बियाः जुइ मते। अले मखुगु खँ ल्‍हाना जुइ मते।

हितोपदेश 21:28

फताहा साक्षी बीम्‍ह मनूयागु खँ सुनानं न्‍यनी मखु, तर बिचाः यानाः नवाइम्‍हय्‌सिगु खँ सकसिनं यय्‌की।

हितोपदेश 10:18

थःगु नुगलय् घृणा सुचुकातइपिं फताहा खः। अले मखुगु खँ बय्‌बय् यानाजुइपिं मूर्ख खः।

हितोपदेश 6:19

मखुगु जक खँ ल्‍हाइम्‍ह साक्षी, अले दाजुकिजापिनि दथुइ ल्‍वापु जक थनाजुइम्‍ह मनू।

भजनसंग्रहया सफू 15:3

गुम्‍ह मेपिन्‍त मभिंकाः जुइ मखु, थः जःलाखःलायात नुगलय् स्‍याकाः जुइ मखु थः पासापिन्‍त मखुगु खँ ल्‍हाना जुइ मखु,

लेवी 19:11

“‘छिमिसं खुयाकाये मते। “‘मखुगु खँ ल्‍हाये मते। “‘छम्‍हं मेम्‍हय्‌सित झंगः लाये मते।

लूका 19:8

जखायसं प्रभुयात धाल – “स्‍वयादिसँ प्रभु, जिं जिगु बच्‍छि सम्‍पत्ति नये मखंपिन्‍त इनाबी। अले जिं सुयागुं थगय् यानाः कयातयागु दुसा, वयात प्‍यदुगं अप्‍वः तनाबी।”

लूका 3:14

सिपाइँतय्‌सं नं वयाके न्‍यन – “जिमिसं छु यायेगु लय्?” वं धाल – “ख्‍यानाः कर्पिन्‍के थगय् यायेगु, घुस नयेगु ज्‍या याये मते। तर छिमिगु तलबय् जक लुधंका च्‍वँ।”

मत्ती 19:18

“जिं छु आज्ञा मानय् याये माल?” धकाः वं न्‍यन। अले वय्‌कलं लिसः बियादिल – “मनू स्‍याये मते, व्‍यभिचार याये मते, खुइ मते, मखुगु साक्षी बी मते,

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

हितोपदेश 25:23

उत्तरया फसं वा वय्‌की थें म्‍वाःमदुगु खं तं वय्‌की।

हितोपदेश 25:18

थः पासायात मखुगु पाःयायेगु धयागु वयात तरवारं पालेगु थें खः, भालां सुइगु थें खः, अले वाणं कय्‌केगु थें खः।

हितोपदेश 19:28

मखुगु साक्षीं न्‍याययात हिस्‍याइ, अले दुष्‍टयागु म्‍हुतुं दुष्‍ट खँ नुनाछ्वइ।

हितोपदेश 17:4

मभिंपिं मनूतय्‌सं मभिंगु हे खँ न्‍यनी, फताहा खँ ल्‍हाइपिन्‍सं फताहा खँ हे न्‍यनी।

हितोपदेश 12:17

सत्‍यम्‍ह साक्षीं खःगु साक्षी बी, तर फताहा साक्षीं फताहा खँ ल्‍हाइ।

भजनसंग्रहया सफू 120:3

अय् फताहा, परमेश्‍वरं छन्‍त छु यानादी? छन्‍त मेगु अप्‍वः छु यानादी?

भजनसंग्रहया सफू 27:12

जितः इमिगु ल्‍हातय् त्‍वःतादी मते छाय्‌धाःसा इमिसं मभिंगु मतिइ तयाः जिगु विरोधय् मखुगु साक्षी बियाच्‍वंगु दु।

२ शमूएल 19:27

वं जिगु विरोधय् छिनापं खँ ल्‍हाःगु दु। छसपोल परमेश्‍वरया दूत थें खः। आः छितः छु पाय्‌छि जु व हे यानादिसँ।

२ शमूएल 16:3

जुजुं न्‍यन, “छिमि मालिकया छय् गन दु?” सीबां धाल, “व ला यरूशलेमय् हे दु, छाय्‌धाःसा इस्राएलया घरानां वयात थः बाज्‍याया सिंहासन लितबी धकाः मतिइ तःगु दु।”

प्रस्‍थान 23:7

“मखुगु खँपाखें तापाक्‍क च्‍वँ। द्वं मदुम्‍ह व खःकथं जुइम्‍ह मनूयात स्‍याये मते, छाय्‌धाःसा द्वंयाःम्‍हय्‌सित जिं गुबलें नं द्वं मयाःम्‍ह ठहरे याये मखु।

यूहन्‍ना 7:51

“छु झीगु व्‍यवस्‍थां सुं मनूयात वयागु खँ मन्‍यंकं व वं छु यात धयागु मसीकं न्‍याय याइ ला?”

उत्‍पत्ति 39:17

भाःतम्‍ह दुहां वयेवं वं व हे खँ वयात कन, “छिं हयादीम्‍ह व हिब्रू च्‍यः जितः बेइज्‍जत यायेत थन दुहां वल।

हितोपदेश 14:5

खःगु साक्षीं मखुगु खँ ल्‍हाइ मखु, फताहा साक्षीं मखुगु जक साक्षी बियाजुइ।