प्रस्‍थान 21:1 - नेवाः बाइबल

¹ अले परमप्रभुं मोशायात धयादिल, “छं इस्राएलीतय्‌त स्‍यनेमाःगु नियम थ्‍व हे खः।

प्रस्‍थान 21:1 Referans Kwoze

व्‍यवस्‍था 4:14

उबलय् परमप्रभुं जितः छिमिसं यर्दन छिनावनाः अधिकार यायेगु देशय् थ्‍यंकाः मानय् यायेत विधि व नियम स्‍यँ धकाः धयादिल।

व्‍यवस्‍था 6:20

लिपाया इलय् छिमि काय्‌नं “परमप्रभु झी परमेश्‍वरं बियादीगु थुपिं आज्ञा, नियम व विधितय्‌गु मतलब छु खः?” धकाः न्‍यनीबलय्

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

मलाकी 4:4

“जिं होरेब पर्वतय् सकल इस्राएलीतय्‌गु निंतिं जिम्‍ह दास मोशायात बियागु विधि व नियम दुगु व्‍यवस्‍थायात लुमंकी अले उकियात बांलाक मानय् या।

इजकिएल 20:25

अले जिं इमित ज्‍यालगय् मजूगु नियम बिया, अले इपिं म्‍वानाच्‍वने मफइगु विधि बिया।

इजकिएल 20:11

अन जिं इमित जिगु विधित बिया, अले जिगु नियमत क्‍यना, सुनां थुपिं पालन याइ व मनू उकिं यानाः म्‍वाइ।

भजनसंग्रहया सफू 147:19

वय्‌कलं थःगु आज्ञा याकूबयात, अले थःगु नियम व विधि इस्राएलयात कनादीगु दु।

नहेम्‍याह 10:29

मिलय् जुयाः थथे धकाः पाफल, परमेश्‍वरया दास मोशापाखें बियादीगु परमेश्‍वरया व्‍यवस्‍थाकथं जुये अले इपिं परमप्रभुयागु फुक्‍क आज्ञा, बिधि व नियम बांलाक मानय् याये।

२ इतिहास 19:10

छिमिथाय् थःगु शहरय् च्‍वंपिं दाजुकिजापिनिपाखें छुं मुद्दा वल धाःसा – व मनू स्‍याःगु मुद्दा जूसां व व्‍यवस्‍था, आज्ञा, विधि वा नियमया बारेया छुं नं कथंयागु मुद्दा जूसां, छिमिसं इमित परमप्रभुया विरोधय् अपराध याये मते धकाः ख्‍याच्‍वः ब्‍यु। मखुसा उकिया निंतिं छिमिसं व छिमि थःथितिपिन्‍सं नं परमप्रभुया तं फये मालि। थथे यात धाःसा छिमित दोष लाइ मखु।

१ राजा 6:12

“छं दय्‌काच्‍वंगु थ्‍व देगःया बारे धाःसा थथे जुइ- छं जिगु विधि व नियम मानय् यात धाःसा अले जिगु आज्ञा मानय् यात धाःसा जिं छिमि बौ दाऊदयात बियागु बचं छपाखें पुरा याये।

व्‍यवस्‍था 6:1

छिमिसं यर्दन छिनावनाः अधिकार यायेत्‍यंगु देशय् मानय् यायेमाः धकाः छिमित स्‍यनेत परमप्रभु छिमि परमेश्‍वरं जितः धयादीगु आज्ञा, विधि व नियम थुपिं हे खः।

व्‍यवस्‍था 5:31

छ धाःसा थन जिगु न्‍ह्यःने दनाच्‍वँ। अले इमित स्‍यने माःगु फुक्‍क आज्ञा, विधि व नियम जिं छन्‍त धाये, अले इमिगु अधिकारय् बीगु देशय् इमिसं उपिं मानय् यायेमाः।”

व्‍यवस्‍था 5:1

मोशां सकलें इस्राएलीतय्‌त सःताः धाल, हे इस्राएल, थौं जिं छिमित कनेत्‍यनागु विधि व नियम न्‍यँ! उपिं सय्‌काः बांलाक मानय् या!

व्‍यवस्‍था 4:45

इपिं मिश्रं पिहां वये धुंकाः मोशां इमित ब्‍यूगु आज्ञा, विधि व नियम थुपिं हे खः।

व्‍यवस्‍था 4:8

जिं छिमित थौं बीगु नियम थें पाय्‌छिगु धार्मिक विधि व नियम दुपिं मेगु छुं नं तःधं जाति दु ला?

व्‍यवस्‍था 4:5

स्‍व! परमप्रभु जिमि परमेश्‍वरं जितः आज्ञा बियादीगु थें, छिमिसं अधिकार याइगु देशय् थुपिं फुक्‍क मानय् यायेत जिं छिमित थुपिं विधि व नियम स्‍यनागु दु।

गन्‍ती 36:13

परमप्रभुं यरीहो शहरया उखे यर्दन खुसिया सिथय् मोआबया ख्‍यलय् मोशापाखें इस्राएलीतय्‌त बियादीगु उजं व नियम थुपिं हे खः।

गन्‍ती 35:24

खलकं न्‍याय यायेबलय् स्‍याःम्‍ह मनू व हिया बदला काःवःम्‍हय्‌सिगु दथुइ थुपिं विधिकथं न्‍याय यायेमाः।

लेवी 20:22

“‘परमप्रभुं धयादिल, जिगु नियम व आज्ञा पालन या। मखुसा जिं छिमित यंके धयागु देशं छिमित ल्‍ह्वयाः वांछ्वइ।

लेवी 19:37

“‘अथे जुयाः छिमिसं जिगु नियम व विधि मानय् यायेमाः। जि परमप्रभु खः।’”

लेवी 18:26

अथे जूगुलिं छिमिसं जिगु नियम व विधियात मानय् यायेमाः अले इस्राएलीत जूसां वा इपिं नापं च्‍वनाच्‍वंपिं परदेशीत जूसां सुनानं थज्‍याःगु घचाइपुगु ज्‍या याये मते।

लेवी 18:5

छिमिसं जिगु थ्‍व विधि व नियम मानय् यायेमाः छाय्‌धाःसा व मानय् याःपिं मनूत उकिं हे म्‍वानाच्‍वनी। जि परमप्रभु खः।

प्रस्‍थान 19:7

अले मोशां कुहां वनाः थकालितय्‌त सःताः परमप्रभुं आज्ञा बियादीगु फुक्‍क खँ इमिगु न्‍ह्यःने तयाबिल।

व्‍यवस्‍था 15:12

छिमि सुं हिब्रू दाजुकिजा वा तताकेहेँनं थःत थःम्‍हं छिमिगु ल्‍हातय् मिल अले वं खुदँ तक छिमिगु सेवा यात धाःसा न्‍हय्‌दँ क्‍यनीबलय् वयात त्‍वःताछ्वयेमाः।