प्रस्‍थान 2:11 - नेवाः बाइबल

¹¹ मोशा ल्‍याय्‌म्‍ह जुइ धुंकाः पिने थः इस्राएली दाजुकिजापिन्‍थाय् वन, अन वं इमिसं थाकुगु ज्‍या यानाच्‍वंगु खन। अले छम्‍ह मिश्रीं छम्‍ह हिब्रूयात तसकं दायाच्‍वंगु खन।

प्रस्‍थान 2:11 Referans Kwoze

प्रस्‍थान 1:11

अथे जुयाः मिश्रीतय्‌सं इमित थाकुगु ज्‍या बियाः सास्‍ती यायेत इमिथाय् ज्‍यामि नायःत छ्वल। इमिसं फारोया निंतिं धुकू दय्‌केत पिताम व रामसेस धाःगु निगू शहर दय्‌कल।

लूका 4:18

“मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभुयागु आत्‍मा जिके च्‍वनादीगु दु। परमप्रभुं चिना तःपिन्‍त त्‍वःताबीत, कांपिन्‍त मिखां खंका बीत, अले न्‍हुत्तुन्‍हुया तःपिन्‍त थना बीत,

मत्ती 11:28

“कु क्‍वबिया त्‍यानुचाःपिं फुक्‍कं जिथाय् झासु लंकः वा, जिं छिमित आराम बी।

यशैया 58:6

“अन्‍याय यानाः कुनातःपिन्‍त त्‍वःतकेगु व क्‍वत्‍यलातःपिन्‍त छुत्‍कारा यायेगु फुक्‍क जुवा त्‍वाःथलाबीगु जिं ल्‍ययागु अपसं थ्‍व हे मखु ला?

प्रस्‍थान 3:7

परमप्रभुं धयादिल, “जिं धात्‍थें हे मिश्रय् च्‍वंपिं जि थः मनूतय्‌त तसकं सास्‍ती जूगु खनागु दु। अले मिश्रीतय्‌सं यानाः इपिं ख्‍वःगु सः जिं न्‍यनागु दु। इमिगु दुःख जिं स्‍यू, च्‍यूताः नं कयाच्‍वनागु दु।

प्रस्‍थान 5:14

फारोया ज्‍या याकीपिं मनूतय्‌सं ज्‍या स्‍वइपिं इस्राएली ज्‍यामि नायःतय्‌त थथे धयाः दाइगु, “छिमिसं छाय् न्‍हापालिपा स्‍वयाः थौंकन्‍हय् कम अप्‍पा दय्‌कागु?”

प्रस्‍थान 5:9

थुमिगु ज्‍या अज्‍ज अप्‍वः थाकुका ब्‍यु, थुकिं यानाः थुमित लिलाइ मखु, अले म्‍वाःमदुगु खँय् ध्‍यान नं बीलाइ मखु।”

प्रस्‍थान 5:4

फारोनं मोशा व हारूनयात धाल, “अय् मोशा व हारून, छिमिसं छाय् मनूतय्‌त ज्‍या याकेत पनाच्‍वनागु? छिपिं थथःगु ज्‍याय् लिहां हुँ।”

प्रस्‍थान 5:5

फारोनं हाकनं हक्‍काः धाल, “आः देशय् थुपिं मनूत ल्‍याखय् अप्‍वः दये धुंकूगु दु। छिमिसं इमित ज्‍या यायेत पनाच्‍वंगु दु।”

प्रस्‍थान 6:6

“उकिं इस्राएलीतय्‌त धा, ‘जि परमप्रभु खः। जिं छिमित मिश्रीतय्‌गु दासत्‍वं पित हये। जिं थःगु ल्‍हाः ल्‍ह्वनाः इमित तःधंगु सजाँय बियाः छिमित बचय् याये।

प्रस्‍थान 6:7

जिं छिमित थः मनू नालाकाये, अले जि छिमि परमेश्‍वर जुइ। अले मिश्रीतय्‌गु दासत्‍वं छिमित पितहःम्‍ह जि हे छिमि परमप्रभु परमेश्‍वर खः धकाः छिमिसं म्‍हसीकी।