प्रस्‍थान 19:2 - नेवाः बाइबल

² रपीदीमं वयाः इपिं सीनैयागु मरुभूमिइ थ्‍यंकः वल। अले इपिं पर्वतया क्‍वय् हे पाल ग्‍वयाः बाय् च्‍वन।

प्रस्‍थान 19:2 Referans Kwoze

प्रस्‍थान 17:1

परमप्रभुया आज्ञा कथं इस्राएलीतय् फुक्‍क खलः सीन धयागु मरुभूमिं वनाः थाय् थासय् जुयाः रपीदीमय् थ्‍यंकाः पाल ग्‍वयाः बाय् च्‍वन। अन धाःसा त्‍वनेत लः हे मदु।

प्रस्‍थान 3:1

मोशा थः ससःबौ मिद्यानया पुजाहारी यित्रोया फैच्‍वलय् ज्‍वयाच्‍वंगु जुल। अले मरुभूमिइ फैच्‍वलय् ज्‍वज्‍वं परमेश्‍वरया पर्वत होरेबय् थ्‍यंक हे यंकल।

प्रस्‍थान 3:12

परमेश्‍वरं धयादिल, “जि छनापं दइ। अले जिं हे छन्‍त छ्वयागु खः धयागु खँया चिं थ्‍व जुइ, छं थः मनूतय्‌त मिश्रं पित हये धुंकाः छिमिसं थ्‍व हे पर्वतय् परमेश्‍वरयात आराधना याइ।”

प्रस्‍थान 18:5

मोशाया काय्‌पिं व कलाःयात ज्‍वनाः यित्रो परमेश्‍वरया पर्वतया लिक्‍क मरुभूमिइ मोशा पाल ग्‍वयाः च्‍वनाच्‍वंगु थासय् वल।

प्रस्‍थान 17:8

रपीदीमय् च्‍वनाच्‍वंबलय् अमालेकीतय्‌सं वयाः इस्राएलीतय्‌त हमला यात।

गलाती 4:24

थ्‍व दसु थें खः। थुपिं निम्‍ह मिसा परमेश्‍वरं बाचा चिनादीगु निता खँ खः। हागार धाःम्‍ह भ्‍वातिं सीनै पहाडय् ब्‍यूगु व्‍यवस्‍था खः।

प्रेरित 7:38

मरुभूमिइ सीनै पहाडय् स्‍वर्गदूतं वयात व इस्राएलीतय्‌त धाःगु परमेश्‍वरयागु खँ झी तापाःबाज्‍यापिन्‍त न्‍यंका जूम्‍ह नं मोशा हे खः।

प्रेरित 7:30

“पिइदँ दये धुंकाः मोशां सीनै पहाडया लिक्‍क मरुभूमिइ मि च्‍यानाच्‍वंगु झालय् छम्‍ह स्‍वर्गदूतयात खन।

गन्‍ती 33:15

इपिं रपीदीमं वनाः सीनैया मरुभूमिइ बाय् च्‍वन।

गन्‍ती 1:1

इस्राएलीत मिश्र देशं पिहां वंगु निगूगु दँया निगूगु लाया न्‍हापांगु दिंखुन्‍हु सीनैया मरुभूमिइ पवित्र पालय् परमप्रभुं मोशायात धयादिल,