प्रस्‍थान 13:2 - नेवाः बाइबल

² “न्‍हापां बूम्‍ह इस्राएली काय्‌मचायात जिगु निंतिं फ्‍या। न्‍हापां बूम्‍ह मिजंमचा जिम्‍ह हे जुइ। छिमिसं न्‍हापां बूम्‍ह मिजंम्‍ह पशुयात नं जिगु निंतिं फ्‍या।”

प्रस्‍थान 13:2 Referans Kwoze

लूका 2:23

दकलय् न्‍हापालाक बूम्‍ह काय्‌मचा परमप्रभुया निंतिं पवित्र जुइ धकाः व्‍यवस्‍थाय् च्‍वयातःगु दु।

गन्‍ती 3:13

छाय्‌धाःसा न्‍हापां बूपिं फुक्‍कं जिम्‍ह खः। मिश्रय् न्‍हापां बूपिं फुक्‍कसित स्‍यानागु दिं इस्राएलया न्‍हापां बूपिं मनूत व पशुतय्‌त जिं थःगु हे निंतिं अलग तया। इपिं फुक्‍कं जिम्‍ह खः। जि परमप्रभु खः।”

व्‍यवस्‍था 15:19

छिमि सा द्वहं व फैच्‍वलय्‌या न्‍हापां बूम्‍ह न्‍ह्याम्‍ह बाजात नं परमप्रभु छिमि परमेश्‍वरया निंतिं अलग तयेमाः। छिमि न्‍हापां बूम्‍ह द्वहंचायात छुं ज्‍याय् छ्यले मते। अले न्‍हापां बूम्‍ह फैया सँ खाये मते।

गन्‍ती 18:15

परमप्रभुयात देछाःपिं न्‍हापां बूपिं मनू जूसां वा पशु जूसां छन्‍त हे खः। अय्‌नं काय्‌पिं वा अशुद्ध पशुतय् न्‍हापां बूपिन्‍त धाःसा छं लिफ्‍यायेमाः।

लेवी 27:26

“‘पशुतय्‌सं बुइकूम्‍ह न्‍हापायाम्‍ह मचा, सा वा द्वहंया जुइमा वा फैया जुइमा, इपिं न्‍हापांनिसें हे परमप्रभुया खः, वयात धाःसा देछाये मते।

प्रस्‍थान 4:22

छं फारोयात धा, ‘परमप्रभुं धयादी, इस्राएल जिमि दकलय् न्‍हापां बूम्‍ह काय् खः।

हिब्रू 12:23

अन स्‍वर्गय् नां च्‍वयातःपिं, परमेश्‍वरया दकलय् तःधिकःम्‍ह काय्‌यात विश्‍वास याना च्‍वंपिनिगु पुचलय् छिपिं दुथ्‍याःगु दु। फुक्‍क मनूतय्‌त न्‍याय यानादीम्‍ह परमेश्‍वर दीथाय् छिपिं वःगु दु। अन धर्मी मनूया सिद्ध जुइ धुंकूपिं आत्‍मात नं दु।

प्रस्‍थान 23:19

“छिमिगु बुँइ सःगु दक्‍वसिबय् भिंगु न्‍हापांगु फल परमप्रभु थः परमेश्‍वरया छेँय् हजि। “च्‍वलय्‌चिया मचायात वया मांयागु दुरुइ दय्‌के मते।”

प्रस्‍थान 13:1

परमप्रभुं मोशायात धयादिल,

गन्‍ती 3:12

“जिं फुक्‍क इस्राएली मिसातय्‌पाखें न्‍हापां बूपिं काय्‌पिनिगु पलेसा लेवीतय्‌त कयागु दु। उकिं लेवीत जिमि थः मनू खः।

नहेम्‍याह 10:36

“जिमिगु परिवारय् न्‍हापां बूम्‍ह काय् परमेश्‍वरया व्‍यवस्‍थाय् क्‍वःछिनातःथें परमप्रभु जिमि परमेश्‍वरया देगलय्, अन सेवा याइपिं पुजाहारीतय्‌थाय् छाये हये। थुकथं हे सा द्वहंया न्‍हापाम्‍ह मचा व फैच्‍वलय्‌चा न्‍हापांम्‍ह मचा जिमिसं छाये।

इजकिएल 16:20

“‘अले छं जिगु निंतिं बुइकूपिं छिमि काय् म्‍ह्याय्‌पिन्‍त यंकाः मूर्तितय्‌गु लागि नयेगु नसाकथं बलि छाल। छु छंगु थ्‍व वेश्‍याया ज्‍या चिधंगु खँ खः ला?

इजकिएल 16:21

छं जिम्‍ह काय् म्‍ह्याय्‌पिन्‍त स्‍यानाः उपिं मूर्तितय्‌गु निंतिं बलि छाल।

प्रस्‍थान 22:28

“परमेश्‍वरयात क्‍वह्यंके मते, अले छिमि मनूतय् शासकतय्‌त नं सराः बी मते।

नहेम्‍याह 10:37

“दँय्‌दसं थःगु बुँयागु न्‍हापांगु अन्‍नया न्‍हायातःगु छ्वचुं व जिमिसं छायेमाःगु छ्वचुं व जिमिसं छायेमाःगु फुक्‍क कथंयागु फलफुल, न्‍हूगु दाखमद्य, जैतूनया चिकं जिमि परमेश्‍वरया देगःया धुकुतिइ पुजाहारीतय्‌थाय् हये। “अले लेवीतय् थाय् जिमिगु बुँयागु झिब्‍वय् छब्‍व हयेत जिमिसं बचं बी। शहरय् झिब्‍वय् छब्‍व मुनेत वःपिं लेवीतय्‌त जिमिसं थःगु बुँइ सःगु अन्‍नया झिब्‍वय् छब्‍व बी।