प्रस्‍थान 11:4 - नेवाः बाइबल

⁴ वने न्‍ह्यः मोशां फारोयात धाल, “परमप्रभुं थथे धयादी, ‘बाचा इलय् जि मिश्र देशय् जुयाः वने।

प्रस्‍थान 11:4 Referans Kwoze

प्रस्‍थान 12:29

चान्‍हय्‌सिया बाचा इलय् सिंहासनय् च्‍वंम्‍ह फारोया न्‍हापां बूम्‍ह काय्‌निसें झ्‍यालखानाय् च्‍वंम्‍ह कैदीया न्‍हापां बूम्‍ह काय् तकं, अले पशुतय् न्‍हापां बूपिं फुक्‍कसित परमप्रभुं स्‍यानादिल।

आमोस 4:10

“जिं छिमिगु दथुइ मिश्र देशय् थें महामारी छ्वयाहया। जिं छिमि ल्‍याय्‌म्‍हपिं मनूतय्‌त छिमिसं लाका काःपिं सलतनापं लडाइँ­लय् स्‍याना, छिमि सीपिं मनूतय्‌गु सीम्‍ह तसकं नवयाच्‍वंगु दु, अथे जूसां छिपिं जिथाय् फहिला मवः,” परमप्रभुं धयादी।

भजनसंग्रहया सफू 60:10

हे परमेश्‍वर, छु धात्‍थें हे छिं जिमित त्‍वःतादियागु ला? आः छि जिमिगु सेनालिसे जुइ मखुत ला?

अय्‍यूब 34:20

इपिं थत्‍थें बाचा इलय् सिनावनी। वय्‌कलं थी धुंकाः मनूत हाकनं म्‍वाइ मखु। मनूतय्‌गु ल्‍हाःतं मथीकं बल्‍लाःपिं मदयावनी।

प्रस्‍थान 12:12

“उखुन्‍हु हे चान्‍हय् जि मिश्र जुयाः वने। अले मिश्रया न्‍हापां बूपिं मनूत व पशुत फुक्‍कं स्‍यानाबी। मिश्रया फुक्‍क द्यःतय्‌त सजाँय बी। जि परमप्रभु खः।

मत्ती 25:6

“बाचा जाःबलय् इमिसं ‘जिलाजं थ्‍यंकः वल, नापालाः वा’ धकाः धयाहःगु सः ताल।

मीका 2:13

लँ दय्‌कादीम्‍ह इमिगु न्‍ह्यःने झाइ। इपिं ध्‍वाखा स्‍यंकाः पिने पिहांवनी। इमि जुजु इमिगु न्‍ह्यः न्‍ह्यः वनी। परमप्रभु इमिगु न्‍ह्यःने न्‍ह्यःने दइ।”

आमोस 5:17

दक्‍व दाखक्‍यबय् नुगः चेचेतुंक ख्‍वइगु जुइ, छाय्‌धाःसा जि छिमिगु दथुं जुयावने,” परमप्रभुं धयादी।

यशैया 42:13

परमप्रभु तसकं बल्‍लाःम्‍ह मनू थें पिहांझाइ। वय्‌कलं लडाइँया निंतिं छम्‍ह बल्‍लाःम्‍ह सिपाइँनं क्‍यंगु थें थःगु जोश क्‍यनादी। वय्‌कः तःसलं हालादी अले तःसलं लडाइँया सः थाहांवनी। वय्‌कलं थः शत्रुतय्‌त बुकी।

२ शमूएल 5:24

छं थाकुराः सिमाया च्‍वका च्‍वकां सिपाइँत न्‍यासि वंगु थें च्‍वंगु सः न्‍यनीबलय् हमला या, छाय्‌धाःसा जि छंगु न्‍ह्यः, न्‍ह्यः पलिश्‍ती सेनायात बुकेत वने।”

प्रस्‍थान 12:23

परमप्रभु मिश्रीतय्‌त स्‍यायेत मिश्र जुया झाइबलय् गुगु लुखाया जवंखवं व फुसय् हि इलातःगु खनी वय्‌कलं उगु लुखायात त्‍वःताः न्‍ह्यज्‍यानादी। अले नाश यायेत छ्वया हःम्‍हय्‌सित छिमित स्‍यायेत छिमिगु छेँय् दुहां वनेबी मखु।

भजनसंग्रहया सफू 81:5

वय्‌कलं मिश्र देशय् हय्‌क्‍काः वंबलय् इस्राएलीतय्‌गु निंतिं थ्‍व नियम बियादीगु खः। जिं म्‍हमस्‍यूगु सलं थथे धयाच्‍वंगु ताल,