प्रस्‍थान 11:1 - नेवाः बाइबल

¹ अले परमप्रभुं मोशायात धयादिल, “मेगु छगू महामारी जिं फारोयाथाय् व मिश्रय् हये। अनं लिपा वं छिमित थनं वनेबी। वं छिमित धात्‍थें हे थनं पितिनाछ्वइ।

प्रस्‍थान 11:1 Referans Kwoze

लेवी 26:21

“‘छिपिं जिगु विरोधय् वना हे च्‍वन धाःसा अले जिं धा थें मयात धाःसा छिमिसं याःगु पापया हानं न्‍हय्‌दुगं अप्‍वः सास्‍ती छिमिथाय् छ्वया हये।

उत्‍पत्ति 15:14

जिं इमित दास दासी याःपिं जातियात सजाँय बी। अले इपिं अनं यक्‍व धनसम्‍पत्ति ज्‍वनाः पिहां वइ।

प्रस्‍थान 9:14

मखुसा थ्‍वपालय् जिं छन्‍थाय्, छिमि भारदारतय्‌थाय् व छिमि प्रजायाथाय् तसकं तःधंगु महामारी छ्वयाहये। अले छं थ्‍व पृथ्‍वी न्‍यंक जि थें ज्‍याःम्‍ह मेम्‍ह सुं हे मदु धकाः सी।

प्रस्‍थान 3:20

अथे जुयाः जिं मिश्र देशपाखे थःगु ल्‍हाः ल्‍ह्वनाः इमित जिगु अजू चायापुगु ज्‍यां कय्‌के। अले तिनि वं छिमित वनेबी।

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

प्रकाश 16:9

तसकं तांन्‍वयाः मनूतय्‌त पुत। थथे दुःखकष्‍ट छ्वयाहयेगु अधिकार दुम्‍ह परमेश्‍वरयागु नां कयाः इमिसं सराः बिल। अय्‌नं इमिसं पश्‍चाताप मयाः अले परमेश्‍वरयात नं तःमधंकू।

अय्‍यूब 10:17

छिं जिगु विरोधय् न्‍हूपिं साक्षीत हयादी, अले जिपाखे थःगु तं न्‍ह्यज्‍याकादी, छिकपिनि सेना लःबू थें जिथाय् वइगु।

१ शमूएल 6:4

अले पलिश्‍तीतय्‌सं न्‍यन, “वय्‌कःयात जिमिसं गुकथंयागु दोषबलि छ्वयेगु?” इमिसं लिसः बिल, “छिकपिं सकसित व छिकपिनि शासकतय्‌त दुःख ब्‍यूगु महामारीया नमूनाकथं न्‍यागू लुँया ला ग्‍वारा व न्‍यागू लुँया छुँ पलिश्‍तीतय् शासकतय्‌गु ल्‍याःकथं छ्वयाब्‍यु।

प्रस्‍थान 6:1

परमप्रभुं मोशायात धयादिल, “फारोयात जिं छु याइ आः छं स्‍वये दइ। वं जिगु बल्‍लाःगु ल्‍हातं यानाः इमित वनेबी। वं जिगु शक्तिं यानाः हे इमित थःगु देशं पितिनाछ्वइ।”

प्रस्‍थान 12:29

चान्‍हय्‌सिया बाचा इलय् सिंहासनय् च्‍वंम्‍ह फारोया न्‍हापां बूम्‍ह काय्‌निसें झ्‍यालखानाय् च्‍वंम्‍ह कैदीया न्‍हापां बूम्‍ह काय् तकं, अले पशुतय् न्‍हापां बूपिं फुक्‍कसित परमप्रभुं स्‍यानादिल।