प्रस्‍थान 1:8 - नेवाः बाइबल

⁸ अनंलि मिश्रय् योसेफयात म्‍हमस्‍यूम्‍ह छम्‍ह न्‍हूम्‍ह जुजु गद्दीइ च्‍वन।

प्रस्‍थान 1:8 Referans Kwoze

उपदेशक 9:15

उगु शहरय् छम्‍ह चीमिम्‍ह तर तसकं बुद्धि दुम्‍ह मनू दु अले वं थःगु बुद्धिं उगु शहरयात बचय् यात। अय्‌नं व चीमिम्‍ह मनूयात सुनानं लुममंकू।

प्रेरित 7:19

व हे जुजुं झी इस्राएलीतय्‌त स्‍वये मफयाः तसकं सास्‍ती याना तल। अले इमि ह्याउँ मस्‍तय्‌त नं स्‍यायेत वांछ्वय्‌के बीगु।

व्‍यवस्‍था 26:6

अय्‌नं मिश्रीतय्‌सं जिमित क्‍वत्‍यलातयाः दुःखकष्‍ट बिल। अले जिमित थाकुगु ज्‍या याकल।

भजनसंग्रहया सफू 105:25

परमेश्‍वरं मिश्रीतय्‌गु मनयात वय्‌कःया मनूतय्‌त मयय्‌केत व वय्‌कःया दासतय्‌गु विरोधय् ग्‍वसाः ग्‍वयेत हीकादिल।

प्रस्‍थान 3:7

परमप्रभुं धयादिल, “जिं धात्‍थें हे मिश्रय् च्‍वंपिं जि थः मनूतय्‌त तसकं सास्‍ती जूगु खनागु दु। अले मिश्रीतय्‌सं यानाः इपिं ख्‍वःगु सः जिं न्‍यनागु दु। इमिगु दुःख जिं स्‍यू, च्‍यूताः नं कयाच्‍वनागु दु।

प्रस्‍थान 3:9

आः इस्राएलीत तःसलं ख्‍वःगु सः जिथाय् थ्‍यंगु दु। मिश्रीतय्‌सं इमित गुलि सह याये मफय्‌क दुःख ब्‍यूगु दु व नं जिं खनागु दु।

प्रस्‍थान 3:16

“छ वनाः इस्राएलयापिं थकालित मुंकाः इमित थथे धा, ‘छिमि पुर्खा अब्राहाम, इसहाक, याकूबया परमप्रभु परमेश्‍वर जिथाय् न्‍ह्यःने खनेदय्‌कः झायाः थथे धयादीगु दु, जि छिमिथाय् वयागु दु, मिश्रय् छिमित गुलि दुःख ब्‍यूगु दु व नं जिं खनागु दु।

न्‍यायकर्ता 2:10

यहोशूया पुस्‍तायापिं सकल मनूत सिनावन। लिपा परमप्रभुयात म्‍हमस्‍यूपिं वा वय्‌कलं इस्राएलया निंतिं यानादीगु ज्‍याया बारे मस्‍यूपिं मेगु पुस्‍ता वल।