प्रस्‍थान 1:21 - नेवाः बाइबल

²¹ दिरिअजिपिन्‍सं परमेश्‍वरयागु भय काःगुलिं वय्‌कलं इमित नं सन्‍तान बियादिल।

प्रस्‍थान 1:21 Referans Kwoze

१ राजा 11:38

जिम्‍ह सेवक दाऊदं थें छं जिगु आज्ञा मानय् यात धाःसा अले जिगु लँपुइ वन धाःसा अले जिगु विधि व आज्ञा मानय् यानाः जितः यःगु ज्‍या यात धाःसा जि न्‍ह्याबलें छनापं दइ। जिं छंगु वंशया निंतिं नं दाऊदया निंतिं याना थें छगू न्‍ह्याबलें दयाच्‍वनीगु वंश दय्‌के।

१ शमूएल 2:35

जिं जिगु निंतिं छम्‍ह विश्‍वास याये बहःम्‍ह पुजाहारी ल्‍यये। वं हे जिगु मनय् व नुगलय् च्‍वंगु खँकथं याइ। जिं वया परिवारयात थापं याये अले वं हे जिं जुजु अभिषेक यानाम्‍ह मनूया न्‍ह्यःने सदां सेवा याइ।

भजनसंग्रहया सफू 37:3

परमप्रभुयात विश्‍वास या, अले भिंगु या अले परमेश्‍वरं बियादीगु देशय् च्‍वनाः सुरक्षित जुयाच्‍वँ।

उपदेशक 8:12

अय्‌नं मभिंपिं मनूतय्‌सं मभिंगु ज्‍या याःसां अप्‍वः ई म्‍वाना हे च्‍वनी, अथे जूसां परमेश्‍वरया भय मानय् याइपिन्‍त व वय्‌कःया न्‍ह्यःने क्‍वमिलु जुइपिन्‍त भिं हे जुइ धकाः नं जिं स्‍यू।

१ राजा 2:24

आः जितः जिमि अबु दाऊदया सिंहासनय् तयादीम्‍ह व थःगु बचंकथं जिगु वंश थापं यानादीम्‍ह म्‍वानाच्‍वनादीम्‍ह परमप्रभुया नामय् जिं धाये, थौं हे अदोनियाहयात स्‍यायेगु जुइ!”

१ शमूएल 25:28

हे जिमि प्रभु, छिकपिनि दासीं मभिं याःगु दुसा क्षमा यानादिसँ। परमप्रभुं छिकपिनि वंशयात सदां दय्‌का तयादी, छाय्‌धाःसा छिं परमेश्‍वरया हे लडाइँ यानादीगु दु। छपिनिगु जिवंकाछि छु नं कथंयागु मभिंगु मजुइमा।

भजनसंग्रहया सफू 127:1

परमप्रभुं हे छेँ दय्‌कामदीसा, दय्‌कीपिन्‍सं याःगु ज्‍या सितिं वनी। परमप्रभुं हे शहरया रक्षा यानामदीसा, पालें पिवाच्‍वंगु सितिं वनी।

यर्मिया 35:2

“रेकाबीया छेँजःपिन्‍थाय् वनाः इपिंलिसें खँ ल्‍हा, अले इमित परमप्रभुया देगःया छकु क्‍वथाय् यंकाः दाखमद्य त्‍वंकि।”

हितोपदेश 24:3

बुद्धिया जगय् छेँ नीस्‍वनी, अले दुग्‍यंगु बिचालं थ्‍वयात बल्‍लाकी।

भजनसंग्रहया सफू 127:3

स्‍व, काय्‌पिं परमप्रभुं बियादीगु हकया सर्बय खः अले काय्‌म्‍ह्याय्‌पिं वय्‌कःया आशिष खः।

प्रस्‍थान 1:17

दिरिअजिपिं परमेश्‍वरया भय काइपिं जूगुलिं मिश्रया फारोनं उजं ब्‍यू थें मयासें इमिसं काय् बूसां मस्‍यासें हे त्‍वःताबीगु।

भजनसंग्रहया सफू 112:1

हल्‍लेलूयाह! धन्‍य खः व मनू गुम्‍हय्‌सिनं परमप्रभुया भय काइ, गुम्‍ह परमप्रभुया आज्ञा पालन यायेत लय्‌ताइ।