एस्‍तर 3:3 - नेवाः बाइबल

³ छन्‍हु लाय्‌कूया हाकिमतय्‌सं मोर्दकैयात न्‍यन, “छिसं छाय् जुजुया उजं मानय् मयानागु?”

एस्‍तर 3:3 Referans Kwoze

एस्‍तर 3:2

सकल भारदारतय्‌सं जुजुं उजं ब्‍यूकथं हामानयात पुलिं चुयाः भागि याइगु खः। मोर्दकैनं धाःसा वयात पुलिं चुयाः भागि याइ मखुगु जुयाच्‍वन।

एस्‍तर 2:19

निक्‍व खुसि जुजुं ब्‍याहा मजूनिपिं मिसात मुंकूबलय् मोर्दकै जुजुया लाय्‌कूया मू ध्‍वाखाय् च्‍वनाच्‍वंगु खः।

प्रस्‍थान 1:17

दिरिअजिपिं परमेश्‍वरया भय काइपिं जूगुलिं मिश्रया फारोनं उजं ब्‍यू थें मयासें इमिसं काय् बूसां मस्‍यासें हे त्‍वःताबीगु।

एस्‍तर 3:4

इमिसं न्‍हियान्‍हिथं वयात थथे हे जक न्‍यनीगु। तर वं उमिगु खँयात वास्‍ता हे मयाः। थथे मोर्दकैनं मानय् मयाःगु खँ हामानं सह याइ कि मयाइ धकाः सीकेगु निंतिं इमिसं हामानयात थ्‍व खँ न्‍यंक वन। छाय्‌धाःसा “जि यहूदी खः” धकाः मोर्दकैनं इमित धाःगु खः।