एस्‍तर 1:3 - नेवाः बाइबल

³ वं शासन याःगु स्‍वदँ दुबलय् थः फुक्‍क भारदारत व हाकिमतय्‌त सःताः तःधंगु भ्‍वय् न्‍याय्‌कल। राजकुमारपिं, फारसी व मादी सेनातय् मू नायःत व प्रान्‍त प्रान्‍तया बडा-हाकिमत नं लाय्‌कुलिइ थ्‍यंकः वल।

एस्‍तर 1:3 Referans Kwoze

मर्कूस 6:21

छन्‍हु हेरोदं यूहन्‍नायात स्‍यायेगु मौका काल। वयागु जन्‍मदिं खुन्‍हु छगू तःधंगु भ्‍वय् सःतल। भ्‍वजय् गालीलया हाकिमत, तःधंपिं कप्‍तानत व मेमेपिं ततःधंपिं मनूतय्‌त सःतल।

दानिएल 5:1

बेलसजर जुजुं थः द्वःछिम्‍ह भारदारतय्‌गु लागि छगू तःधंगु भ्‍वय् न्‍याय्‌कल। इपिं लिसे वं दाखमद्य त्‍वन।

एस्‍तर 2:18

अनंलि जुजुं एस्‍तरयात तःधंगु मान बियाः सकल भारदारत, हाकिमतय्‌त सःताः तःधंगु भ्‍वय् न्‍याय्‌कल। अले जुजुं फुक्‍क प्रान्‍तय् बिदा बीगु घोषणा यात अले जुजुं बीमाःगु कोसेलि इनाबिल।

१ राजा 3:15

सोलोमनया न्‍ह्यलं चाल। व ला म्‍हगस खः धकाः वं सिल। व यरूशलेमय् लिहां वनाः परमप्रभुया बाचाया सनूया न्‍ह्यःने दनाः परमप्रभुयात होमबलि व मेलबलित छाल। अनंलि वं थः फुक्‍क भारदारतय्‌त भ्‍वय् नकल।

यर्मिया 51:11

“वाण च्‍वामुकि! ढालत का! परमप्रभुं मादीतय् जुजुपिन्‍त ग्‍वाकादीगु दु, छाय्‌धाःसा बेबिलोनयात नाश यायेगु हे वय्‌कःया बिचाः खः। परमप्रभुं बदला कयादी, थःगु देगःया निंतिं बदला।

यशैया 21:2

जिं तसकं ग्‍यानापुगु दर्शन खनागु दु तसकं धोखा बीम्‍हं धोखा बी, लुतय् याइम्‍हय्‌सिनं लुतय् याइ। अय् एलाम, हमला या, अय् मादी, शहरयात घेरा लगय् या! बेबिलोनं ब्‍यूगु दुःखकष्‍ट परमप्रभुं दिकादी।

उत्‍पत्ति 40:20

स्‍वन्‍हु खुन्‍हु फारो बूगु दिं खः। उखुन्‍हु थःथाय् ज्‍या याइपिं फुक्‍क हाकिमतय्‌त भ्‍वय् सःतल। उपिं फुक्‍कसिया न्‍ह्यःने वं दाखमद्य त्‍वंकीम्‍ह नायः व मरि छुइम्‍ह नायःयात थने हल।

दानिएल 8:20

छं खंम्‍ह निपु नेकू दुम्‍ह भ्‍याःचा मादी व फारसया जुजुत खः।

दानिएल 6:1

दारा जुजुं देशया फुक्‍क थासय् शासन यायेत सछि व निइम्‍ह (१२०) प्रान्‍तयापिं बडा-हाकिमत ल्‍ययेगु क्‍वःछित।

दानिएल 5:28

“पर्सिन – छःपिनिगु राज्‍य ब्‍वथलाः मादी व फारसीतय्‌त ब्‍यूगु दु।”

एस्‍तर 1:14

महाराजं अप्‍वः यानाः देशया कानून व नियम स्‍यूपिं फारस व मादीया न्‍हय्‌म्‍ह भारदारत कर्शेना, शेथार, अद्‍माथा, तर्शीश, मेरेस, मर्सेना व ममूकानपिन्‍के सल्‍लाह काइगु खः। इपिं महाराजलिसे सतीपिं खः, थुपिं न्‍हय्‌म्‍ह महाराजया न्‍ह्यःने वनेगु अधिकार दुपिं खः अले इमित देशय् तःधंगु मान व पद नं बियातःगु खः।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

एस्‍तर 1:4

सछि व चयन्‍हु तक जुजुं थःगु राज्‍ययागु झःझः धाःगु तःजिगु सम्‍पत्ति व वैभव क्‍यन।

एस्‍तर 3:7

अहासूरस जुजुया झिनिदँया न्‍हापांगु ला वा निसान लाय् हामानया न्‍ह्यःने न्‍हि व ला क्‍वःछीगु निंतिं इमिसं चिट्ठा तल। व चिट्ठायात “पूर” धकाः धाइगु खः। चिट्ठा झिंनिला दुखुन्‍हु वा अदार ला खुन्‍हु लात।