एफिसी 6:1 - नेवाः बाइबल

¹ काय् म्‍ह्याय्‌पिन्‍सं थः मांबौनं धाःगु खँ न्‍यनेमाः। परमेश्‍वरयात थथे याइगु यः।

एफिसी 6:1 Referans Kwoze

हितोपदेश 23:22

थःत दय्‌कूम्‍ह थः बौया खँ न्‍यँ। अले बुरी जूम्‍ह थः मांयात हेला याये मते।

हितोपदेश 6:20

हे जिमि काय्! थः बौया उजं न्‍यँ, थः मानं स्‍यंगु खँ ल्‍वःमंके मते।

हितोपदेश 1:8

हे जिकाय्! मांअबुं धाःगु खँ न्‍यँ!

व्‍यवस्‍था 21:18

थः मांबौया खँ मन्‍यनीम्‍ह सुं जिराहा व हारां काय्‌यात सास्‍ती बियाः नं वं खँ मन्‍यन धाःसा

लेवी 19:3

“‘छिपिं फुक्‍कसिनं थः मांबौया हनाबना ति। अले जिगु विश्रामबार मानय् या। जि परमप्रभु छिमि परमेश्‍वर खः।

१ तिमोथी 5:4

काय्‌म्‍ह्याय्‌पिं व छय्‌पिं दुम्‍ह भाःत मदय्‌ धुंकूपिं मिसातय्‌गु सुसाःकुसाः वया काय्‌म्‍ह्याय्‌पिं व छय्‌पिन्‍त हे याकेब्‍यु। इमिसं थःगु छेँय् निं धर्म याये सय्‌के ब्‍यु, अले मांबौयागु त्‍यासा पुले ब्‍यु, छाय्‌धाःसा परमेश्‍वर थज्‍याःगु ज्‍यां लय्‌तायादी।

रोमी 12:2

आवंनिसें थ्‍व संसारयापिं मनूतय्‌सं याना जू थें छिमिसं याना जुइ मते, बरु मनयात हीकाः न्‍हूपिं मनूत जुयाच्‍वँ। थुकथं याना जूसा परमेश्‍वरयागु इच्‍छा छु खः, अले भिंगु, वय्‌कःयात यःगु, व छु खँ ठीक जू छिमिसं बांलाक सीके थुइके फइ।

हितोपदेश 30:17

सुनां थः बौयात हेला याइ, अले मांयागु खँयात हेपय् याइ, वयागु मिखा क्‍वखं क्‍वानाबी, अले गिद्धं वयात नइ।

रोमी 7:12

अय्‌जूगुलिं व्‍यवस्‍था पवित्रगु खः। अले आज्ञा नं पवित्र, धर्मी व भिंगु खः।

लूका 2:51

अथेसां वय्‌कः इपिं नाप तुं नासरतय् लिहां झाल। अन वय्‌कः मांबौनं धाःथें च्‍वनादिल। वय्‌कःया मामं थ्‍व खँ मनय्‌सं तयातल।

अय्‍यूब 33:27

अले वं मनूतय्‌थाय् वयाः थथे धाइ, ‘जिं पाप यानागु दु, जिं खःगु खँयात स्‍यंकागु दु, तर परमेश्‍वरं जितः दयेमाःगु सजाँय बियामदी।

१ पत्रुस 2:13

प्रभुयात तःधंकेत तःधंपिं मनूतय्‌सं धाःगु मानय् या। व दक्‍वसिबय् तःधंम्‍ह जुजु हे थजुइमा,

होशे 14:9

सु बुद्धिमान खः? वं थुपिं खँत थुइकेमाः, थुइकाकाये फुम्‍ह सु दु? वं थुपिं खँत सीकेमाः। परमप्रभुया लँपु थिक जू, धर्मीपिं मनूत व हे लँपुइ जुइ। तर पापीपिं मनूत उकी लुफिं हानाः क्‍वदइ।

हितोपदेश 30:11

छथ्‍वः मनूत थज्‍याःपिं नं दु, सुनां थः बौयात सराः बियाजुइ, अले थः मांयात गुबलें तःधंकी मखु।

उत्‍पत्ति 28:7

वं याकूब थः मांबौया खँ न्‍यनाः पद्दन-आरामय् वंगु खँ नं सिल।

भजनसंग्रहया सफू 19:8

परमप्रभुया उपदेश खःगु खः, थुकिं नुगःयात लय्‌ताय्‌की। परमप्रभुया स्‍यनातःगु खँ पाय्‌छिगु खः, थुकिं मिखायात जः बी।

एस्‍तर 2:20

मोर्दकैनं धाथें एस्‍तरं थः यहूदी खः धयागु खँ सुयातं मसीकू। थ्‍व खँ मोर्दकैनं धाःगु खः अले वं थ्‍व खँ मचां थें बांलाक मानय् यात।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

रोमी 16:2

प्रभुयागु सेवा यानाच्‍वंपिन्‍त लसकुस याये थें वयात नं लसकुस या। यक्‍व विश्‍वासीतय्‌त व जितः नं ग्‍वाहालि बीम्‍ह जूगुलिं वयात न्‍ह्यागु हे माःसां ग्‍वाहालि या।

भजनसंग्रहया सफू 119:75

हे परमप्रभु, छिगु विधि धार्मिक खः धकाः जिं स्‍यू, छिं जितः दुःख बियादीगु पाय्‌छि खः धकाः जिं स्‍यू।

उत्‍पत्ति 37:13

इस्राएलं वयात धाल, “छं दाजुपिं शकेमय् फै ज्‍वःवनाच्‍वंगु दु। छ अन हुँ।” योसेफं धाल, “ज्‍यू, जि वने।”

यर्मिया 35:14

रेकाबया काय् योनादाबं थः काय्‌पिन्‍त दाखमद्य मत्‍वनेगु आज्ञा बिल अले इमिसं आज्ञा पालन यानावयाच्‍वंगु दु। थौं तक नं इमिसं दाखमद्य मत्‍वं। छाय्‌धाःसा इमिसं थः पुर्खाया आज्ञा पालन याःगु दु। तर जिं छिमित धयावयाच्‍वनागु दु अय्‌नं छिमिसं जिगु खँ न्‍यंगु मदु।

नहेम्‍याह 9:13

“छि सीनै पर्वतय् क्‍वहां झायाः आकाशं इपिंलिसें खँ ल्‍हानादिल। अले इमित पाय्‌छिगु नियम, खःगु कानून व भिंगु विधि व आज्ञा बियादिल।

१ शमूएल 17:20

दाऊद कन्‍हय् खुन्‍हु सुथ न्‍हापां दनाः फैत मेम्‍ह मनूयात स्‍वयाच्‍वँ धकाः धाल, नयेगु नसा ज्‍वनाः यिशैनं धाथें बिदा जुयाः वन। उबलय् इस्राएलीत पालं पिहां वयाः लडाइँया निंतिं ततःसलं हालाः लडाइँ यायेगु ख्‍यलय् वनाच्‍वंबलय् व अन हे थ्यन।

भजनसंग्रहया सफू 119:128

उकिं जिं छिगु फुक्‍क उपदेश मानय् याना, अले फुक्‍क मखुगु लँपु जितः तसकं मयः।

रुथया सफू 3:5

रुथं लिसः बिल, “छिं धयादीगु फुक्‍क जिं याये।”

यर्मिया 35:8

जिमिसं थः पुर्खा रेकाबया काय् योनादाबं जिमित आज्ञा ब्‍यूगु फुक्‍क खँ पालन यानागु दु। जिमिसं थःपिन्‍सं गुबलें दाखमद्य मत्‍वना, जिमि कलाःपिं व काय् म्‍ह्याय्‌पिन्‍सं नं मत्‍वं।

यर्मिया 35:18

अले यर्मियां रेकाबीतय् छेँजःपिन्‍त धाल, “दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, ‘छिमिसं थः पुर्खा योनादाबया आज्ञा पालन यानाः वं धाःथें जुल, अले वं आज्ञा ब्‍यूगु फुक्‍क यात।’

उत्‍पत्ति 48:12

योसेफं थः काय्‌पिन्‍त इस्राएलया पुलिं क्‍वकाल, अले बँय् भ्‍वपुलाः इस्राएलयात भागि यात।

उत्‍पत्ति 50:12

थुकथं याकूबं धाःथें वया काय्‌पिन्‍सं यात।