एफिसी 5:3 - नेवाः बाइबल

³ व्‍यभिचार यायेगु, मभिंगु मतिइ तया जुइगु व कर्पिनिगुली मिखा वंकाः जुइगु यानाः जुइ मज्‍यू।

एफिसी 5:3 Referans Kwoze

कलस्‍सी 3:5

अय्‌जूगुलिं संसारयागु ज्‍याखं छिमिसं थःत कःघाना च्‍वँ। व्‍यभिचार याये मते, मभिंगु ज्‍याखँ याये मते, लाः लाः थें सना जुइ मते, मभिंगु मतिइ तया जुइ मते, कर्पिनिगुली मिखा वंके मते, गुगु मूर्ति पुजा यायेगु ति हे ग्‍यं।

एफिसी 5:5

छिमिसं सि हे स्‍यू, व्‍यभिचार यानाजुइपिं, मभिंपिं व कर्पिनिगुली मिखा वंकाः जुइपिं मनूत परमेश्‍वर व ख्रीष्‍टयागु राज्‍यय् च्‍वने खनी मखु। कर्पिनिगुली मिखा वंकाः जुइगु ला मूर्ति पुजा यायेगु ति हे ग्‍यं।

१ थेसलोनिकी 4:3

छिपिं पवित्र जुयाच्‍वनेमा धयागु हे परमेश्‍वरया इच्‍छा खः, उकिं छिपिं व्‍यभिचारं तापाक च्‍वँ।

१ कोरिन्‍थी 6:18

व्‍यभिचारपाखें तापाक च्‍वँ। मेमेगु पाप याःसां म्‍हयात छुं नं जुइ मखु। व्‍यभिचार यात धाःसा थःगु हे म्‍ह लिसे पाप याःगु जुइ।

१ थेसलोनिकी 4:7

परमेश्‍वरं झीत अशुद्ध जुइत मखु, बरु पवित्र जुइत सःतादीगु खः।

१ कोरिन्‍थी 6:13

सुनानं थथे नं धायेफु – “नयेगु प्‍वाःयागु लागि खः, अले प्‍वाः नयेगु लागि खः।” थ्‍व ला खः, अय्‌नं थ्‍व नितां परमेश्‍वरं मदय्‌का छ्वयादी। मनूयागु म्‍ह व्‍यभिचार याना जुइत मखु, बरु प्रभुयात तःधंकेत खः। उकिं म्‍हयात माःगु फुक्‍कं प्रभुं बियादी।

एफिसी 5:12

थुमिसं दुनें दुनें याना जूगु ज्‍याखँ ला धायेत तकं मछा।

मत्ती 15:19

छाय्‌धाःसा मनूतय्‌गु नुगलं हे थज्‍याःगु मभिंगु बिचाः पिहां वइ – स्‍यायेगु, व्‍यभिचार यायेगु, खुइगु, मखुगु साक्षी बीगु, मेपिन्‍त मभिंकाः खँ ल्‍हायेगु।

प्रकाश 2:21

जिं वयात पश्‍चाताप यायेमा धकाः ई बिया तया। अय्‌नं वं याना जूगु व्‍यभिचार याये मखुत धकाः मधाः।

१ कोरिन्‍थी 10:8

इपिं मध्‍ये गुलिंसिनं याःथें झीसं नं व्‍यभिचार याये मज्‍यू। व्‍यभिचार याःगुलिं इपिं छन्‍हुं हे नीस्‍वद्वःम्‍ह सित।

प्रकाश 22:15

शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।

१ कोरिन्‍थी 5:1

छिमिगु दथुइ व्‍यभिचार जुयाच्‍वंगु दु धकाः जितः धाःगु दु। थज्‍याःगु व्‍यभिचार ला यहूदीमखुपिनि दथुइ नं जुइ मखु। छम्‍हय्‌सिनं ला थः हे चिरिमांयात कलाः तयाच्‍वंगु दु हं।

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

प्रस्‍थान 20:17

“थः जःलाखःलाया छेँय्, कलाः, च्‍यःभ्‍वातिं, द्वहं, गधा व छुं खँय् नं ल्‍वःवंके मते।”

प्रकाश 9:21

अले इमिसं मनू स्‍यायेगु, जादु क्‍यनेगु, व्‍यभिचार यायेगु व खुइगु ज्‍याया पश्‍चाताप मयाः।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

हिब्रू 12:16

सुनानं व्‍यभिचार याये मते। अले एसाव थें परमेश्‍वरयात मानय् मयाइम्‍ह जुइ मते। छछाःया निंतिं एसावं थःगु हक नं मिल।

२ कोरिन्‍थी 12:21

जि छिमिथाय् हानं वय्‌बलय् परमेश्‍वरं जितः छिमिगु न्‍ह्यःने लज्‍या चाये माय्‌कादी धकाः जि ग्‍यानाच्‍वना। अले जितः न्‍हापा पाप यानाः मह्यूपिं, न्‍हापा मभिंगु ज्‍या यानाः व्‍यभिचार यानाः व लाः लाः थें सनाः पश्‍चाताप मयाःपिं खनाः ख्‍वये वइ।

तीतस 2:3

अथे हे बुरीतय्‌त नं परमेश्‍वरयात मानय् याना च्‍वँ, मेपिन्‍त मभिंकाः खँ ल्‍हाना जुइ मते, अय्‌लाः थ्‍वँ त्‍वनाजुइ मते, बरु दुग्‍यंगु खँ स्‍यनेकने या धकाः स्‍यना ब्‍यु।

२ तिमोथी 3:2

अबलय्‌यापिं मनूत थःत जक भिंका जुइपिं, धिबायागु लोभ यानाजुइपिं, तःधंछुया जुइपिं, घमण्‍ड यानाजुइपिं, कर्पिन्‍त क्‍वह्यंका जुइपिं, मांबौयागु खँ मन्‍यनीपिं, गुण मस्‍यूपिं, परमेश्‍वरयात वास्‍ता मयाःपिं,

प्रेरित 15:20

अथे खःसां इमित मूर्ति पुजायागु प्रसाद नये मते, व्‍यभिचार याये मते, हि मम्‍हुकुसे स्‍याःगु ला नये मते, छुकियागुं हि त्‍वने मते धकाः च्‍वःसा बांलाइ।

प्रस्‍थान 18:21

उकिं परमेश्‍वरया ग्‍याःभय काइपिं, मभिंगु ज्‍याखं लबः मकाइपिं, पत्‍याः यायेबहःपिं मनूतय्‌त ल्‍ययाः इमित झिम्‍ह, नेय्‌म्‍ह, सछिम्‍ह, द्वःछिम्‍हय्‌सिया नायः यानाब्‍यु।

२ पत्रुस 2:14

इमिसं न्‍ह्याबलें व्‍यभिचार यायेत जक स्‍वयाच्‍वनी। न्‍ह्याक्‍व हे पाप याना जूसां इपिं गुबलें लुमधं। इमिसं बमलाःपिं मनूतय्‌त थःगु ल्‍हातय् काइ। अले इमिगु मन हे लोभ यायेगु ज्‍याय् लाये धुंकल। परमेश्‍वरयागु सराः इमित हे लाइ।

२ पत्रुस 2:10

अप्‍वः यानाः थःत जक यःथें मभिंगु बांमलाःगु ज्‍याखँ यानाः व परमेश्‍वरयागु अधिकारयात हेपय् यानाजुइपिं मनूतय्‌त वय्‌कलं तःधंगु सजाँय बियादी। अज्‍याःपिं मखुगु खँ स्‍यनीपिं मनूत तसकं तःधंछुइमाः। अले इमिसं थः स्‍वयाः तःधंपिन्‍त हनाबना तइ मखु, हेपय् याना जुइ।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।

तीतस 1:11

थुमिगु म्‍हुतुप्‍वाः तिनाबीमाः। धिबायागु निंतिं थुमिसं स्‍यने मज्‍यूगु खँ स्‍यनाः छेँ स्‍यंकाच्‍वंगु दु।

तीतस 1:7

थकालि परमेश्‍वरया ज्‍या याइम्‍ह मनू खः। उकिं थकालि छुं हे दोष मदुम्‍ह जुइमाः। अले हानं थः यःथें यानाजुइम्‍ह, याकनं तंम्‍वइम्‍ह, अय्‌लाः थ्‍वँ त्‍वना जुइम्‍ह, ल्‍वाना जुइम्‍ह, लोभीम्‍ह नं जुइ मज्‍यू।

१ तिमोथी 3:3

अय्‌लाखं काय्‌का मजुइम्‍ह, ल्‍वाना मजुइम्‍ह, भिंम्‍ह, हाला जुइ मखुम्‍ह, धिबायागु लोभ मदुम्‍ह,

१ तिमोथी 2:10

परमेश्‍वरयात मानय् याइपिं मिसातय्‌सं थःत ल्‍वय्‌क भिंगु ज्‍या याना जुइमाः।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

रोमी 16:2

प्रभुयागु सेवा यानाच्‍वंपिन्‍त लसकुस याये थें वयात नं लसकुस या। यक्‍व विश्‍वासीतय्‌त व जितः नं ग्‍वाहालि बीम्‍ह जूगुलिं वयात न्‍ह्यागु हे माःसां ग्‍वाहालि या।

रोमी 6:13

शरीरय् च्‍वंगु छुनं म्‍हब्‍वयात छिमिसं पापी ज्‍या यायेगु ज्‍याभः याये मते। सिनाः हानं म्‍वाके धुंकूपिं मनूत जूगुलिं छिपिं थथःम्‍ह हे परमेश्‍वरं धाःथें मानय् जुयाच्‍वनेमाः। अले छिमिगु शरीरया म्‍हब्‍वत भिंगु ज्‍याखँ यायेगु ज्‍याभःकथं परमेश्‍वरयात देछाया ब्‍यु।

रोमी 1:29

थज्‍याःपिं मनूतय्‌गु नुगः थज्‍याःगुलिइ जक जायाच्‍वनी – पापी ज्‍या, मभिंगु ज्‍या, लोभ, मभिंगु इच्‍छा, नुगः मुइकेगु, मनू स्‍यायेगु, ल्‍वापु यायेगु, थगय् यायेगु, हेय्‌काः कायेगु व कर्पिन्‍त क्‍वह्यंकेगु,

प्रेरित 20:33

“स्‍वयादिसँ, जिं सुयाकें धिबा व वसः फ्‍वनागु मदु।

लूका 16:14

धिबा जक दुसा गाःपिं फरिसीतय्‌सं वय्‌कलं धयादीगु खँ न्‍यनाः वय्‌कःयात गिजय् यात।

मीका 2:2

इमिसं मनूतय्‌गु छेँबुँ लोभ यानाः लाका काइ। इमिसं मनूतय्‌गु छेँ व सर्बय ठगय् यानाः काइ।

यर्मिया 22:17

“तर छंगु मिखा व नुगः ला बेइमान यानाः कमय् यायेगुपाखे, व दोष मदुपिनिगु हिबाः वय्‌केगु, अत्‍याचारया ज्‍या यायेगु व लुतय् यायेगुपाखे हे वनाच्‍वंगु दु।”

यर्मिया 8:10

छाय्‌धाःसा जिं इमि कलाःपिं मेपिं मनूतय्‌त व इमिगु बुँ न्‍हूपिं मालिकतय्‌त बी। दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यर्मिया 6:13

“दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

हितोपदेश 28:16

विवेक मदुम्‍ह शासक मूर्खम्‍ह व नुगः छाःम्‍ह खः। तर मखुगु ज्‍यां कमय् याःगु धनयात मयय्‌कीम्‍हय्‌सित ताः आयु दइ।

भजनसंग्रहया सफू 119:36

जिगु नुगःयात लोभपाखे मखु छिगु नियमपाखे हीकादिसँ।

भजनसंग्रहया सफू 10:3

दुष्‍टतय्‌सं थःपिनिगु मभिंगु इच्‍छाय् हे थःपिन्‍त तःधं ताय्‌काजुइ। इमिसं लोभीतय्‌त तःधंकाः खँ ल्‍हाइ, अले परमप्रभुयात क्‍वह्यंकी।

१ शमूएल 8:3

वया काय्‌पिन्‍सं धाःसा थः बौनं याःकथं मयात। तर इमिसं थःगु जक भिं यायेगु बिचाः यानाः धिबा कयाः न्‍याय स्‍यंकेगु यात।

यहोशू 7:21

झीसं लाका कयागु सामानय् जिं बेबिलोनयागु छपु बांलाःगु गा, निसः शेकेल ति वहः व नेय्‌गू शेकेल ति लुँयागु कथि खनाबलय् जितः ल्‍वःवन अले जिं उपिं कया। उपिं जिगु पाल दुने बँय् सुचुका तयागु दु। व दकलय् क्‍वय् वहः दु।”

गन्‍ती 25:1

इस्राएलीत शित्तीमय् च्‍वनाच्‍वंबलय् इमिसं मोआबया म्‍ह्याय्‌पिं नापं व्‍यभिचार याना हल।

प्रस्‍थान 23:13

“जिं धयागु फुक्‍क खँ बांलाक न्‍यँ। मेपिं द्यःतय्‌गु पुजा याये मते। इमिगु नां तक नं काये मते।

१ तिमोथी 6:10

फुक्‍क मभिंगु व बांमलाःगु ज्‍याया हा हे धिबायागु माया खः। गुलिखय् मनूतय्‌सं धिबायागु लोभय् लानाः विश्‍वास यायेगु हे त्‍वःताब्‍यूगु दु। उकिं सह याये मफयेक दुःखकष्‍ट जुयाः नुगः हीका च्‍वनेमाली।

लूका 12:15

अले वय्‌कलं फुक्‍कसित धयादिल – “होश या, छुं नं लोभ लालच यायेगु बानी याये मते, छाय्‌धाःसा यक्‍व धनसम्‍पत्ति दयेवं जक धात्‍थेंगु जीवन दइगु मखु।”

लेवी 15:18

सुं मिजं मिसालिसे द्यनीबलय् वीर्य लात धाःसा इपिं निम्‍हय्‌सिनं नं म्‍वःल्‍हुइमाः, अले इपिं सन्‍ध्‍याकाः ईतक अशुद्ध जुइ।