एफिसी 4:8 - नेवाः बाइबल

⁸ थथे च्‍वयातःगु दु – “प्रभु स्‍वर्गय् थाहां झायादीबलय् ज्‍वनातःपिन्‍त नं थःलिसें यंकादिल। अले मनूतय्‌त वरदान बियादिल।”

एफिसी 4:8 Referans Kwoze

भजनसंग्रहया सफू 68:18

हे परमप्रभु परमेश्‍वर, छि तःजाःथाय् थाहां झाःबलय् छिं कैदीतय्‌त ज्‍वनाः झाल। छिं मनूतय्‌गु देछा कयादिल, विद्रोहीतय्‌गु देछा तकं कयादिल, हे परमप्रभु परमेश्‍वर, छि अन सदांया निंतिं च्‍वनादी।

कलस्‍सी 2:15

थ्‍व हे क्रूसय् वय्‌कलं शैतानयागु राज्‍य व शक्तियात त्‍याकाः क्‍यनादिल।

१ शमूएल 30:26

दाऊद सिक्‍लगय् थ्‍यंकः वये धुंकाः वं लिफ्‍याना हःगु मालताल थः पासापिन्‍त, यहूदाया थकालितय्‌त थथे धयाः बियाछ्वत, “परमप्रभुया शत्रुतय्‌पाखें लिफ्‍याना हयागु मालताल थुपिं छिकपिनिगु निंतिं कोस्‍यालिकथं बियागु दु।”

एस्‍तर 2:18

अनंलि जुजुं एस्‍तरयात तःधंगु मान बियाः सकल भारदारत, हाकिमतय्‌त सःताः तःधंगु भ्‍वय् न्‍याय्‌कल। अले जुजुं फुक्‍क प्रान्‍तय् बिदा बीगु घोषणा यात अले जुजुं बीमाःगु कोसेलि इनाबिल।

न्‍यायकर्ता 5:12

दँ, दँ हे दबोरा! दँ, दँ, म्‍ये न्‍यंकि, हे अबीनोअमया काय् बाराक दँ! थःम्‍हं कुना तःपिं मनूतय्‌त ज्‍वनाः छ न्‍ह्यज्‍या।

हितोपदेश 30:4

स्‍वर्गय् वनाः सु लिहां वःगु दु? सुनां फय्‌यात थःगु ल्‍हातिइ प्‍वःचिनातःगु दु? सुनां समुद्रयात कापतय् च्‍यूगु दु? अले सुनां पृथ्‍वीया लागा कियाब्‍यूगु दु? थ्‍व फुक्‍क सुनां याःगु? छिपिं सुनानं स्‍यूसा व सु खः, वया काय् सु खः जितः धा।

एफिसी 4:11

वय्‌कलं हे गुम्‍हय्‌सितं प्रेरित, गुम्‍हय्‌सितं अगमवक्ता, गुम्‍हय्‌सितं भिंगु खँ न्‍यंक जुइम्‍ह, गुम्‍हय्‌सितं मण्‍डलीइ हेरचाह याइम्‍ह, गुम्‍हय्‌सितं वचन स्‍यनेकने याइम्‍ह यानादिल।