एफिसी 3:16 - नेवाः बाइबल

¹⁶ वय्‌कःयागु तःधंगु आशिषं व वय्‌कःयागु आत्‍मापाखें छिमित शक्ति दयेमा, अले व हे शक्तिं छिपिं दुनुगलंनिसें बल्‍लाना च्‍वनेमा धकाः जिं प्रार्थना यानाच्‍वनागु दु।

एफिसी 3:16 Referans Kwoze

कलस्‍सी 1:11

वय्‌कःयागु तसकं तःधंगु शक्तिं छिमित बल्‍लाकादीमा, अले छिमिसं न्‍ह्यागु खँय् लय्‌तातां सहयाना च्‍वने फयेमा धकाः जिमिसं प्रार्थना यानाच्‍वनागु दु।

फिलिप्‍पी 4:13

जितः शक्ति बियादीम्‍ह ख्रीष्‍टयापाखें जिं न्‍ह्यागुं याये फु।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

जकरिया 10:12

जिं थःम्‍हं हे थः मनूतय्‌त बल्‍लाके, अले इपिं जिगु नामं जिगु लँपुइ जुइ।” जि परमप्रभुं थ्‍व खँ धयाच्‍वना।

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।

२ कोरिन्‍थी 4:16

उकिं हे ला खः नि, जिमिसं आशा मत्‍वःतागु। जिमिगु म्‍ह झन झन स्‍यनावनाच्‍वंगु दु। अय्‌नं जिमिगु आत्‍मा धाःसा न्‍हियान्‍हिथं बल्‍लाना वयाच्‍वंगु दु।

एफिसी 6:10

पौ क्‍वचाय्‌के न्‍ह्यः जिं छिमित धाये – प्रभुयात विश्‍वास यानाः छिपिं वय्‌कःयागु शक्तिं बल्‍लाना च्‍वँ।

२ कोरिन्‍थी 12:9

प्रभुं जितः थथे लिसः बियादिल – “जिं छन्‍त दया माया यानाच्‍वनागु द हे दु नि। छ बमलाःसां जिगु शक्तिं छन्‍त बल्‍लाकी।” थुकथं जि बमलाःसां तसकं लय्‌ताः, छाय्‌धाःसा जि बमलाइबलय् ख्रीष्‍टया शक्तिं जितः बल्‍लाकी।

फिलिप्‍पी 4:19

जिमि परमेश्‍वरं छिमिगु मगाःमचाः स्‍वयादी। ख्रीष्‍ट येशूयाके दुगु वय्‌कःयागु गुबलें मसुइगु धुकुतिं छिमित माःगु बियादी।

भजनसंग्रहया सफू 28:8

परमप्रभुं थः मनूतय्‌त शक्ति बियादी वय्‌कः अभिषेक जूम्‍हय्‌सित रक्षा याइगु किल्‍ला खः।

रोमी 7:22

परमेश्‍वरयागु व्‍यवस्‍था दुनुगलंनिसें मानय् यानाच्‍वने दुसा जि लय्‌ताया।

१ कोरिन्‍थी 16:13

होश‍यानाच्‍वँ, बल्‍लाक विश्‍वास याना च्‍वँ, अले मग्‍यासे बल्‍लाका च्‍वँ।

भजनसंग्रहया सफू 138:3

जिं छितः ग्‍वाहालिया लागि इनाप यानाबलय् छिं जितः लिसः बियादिल। छिं जितः बल बियाः आँट बियादिल।

रोमी 9:23

वय्‌कलं झीत वय्‌कःयागु दया मायायागु धुकू सीके बीत थथे दया माया यानादीगु खः। वय्‌कलं झीत न्‍हापांनिसें थःगु नां तःधंकेत ल्‍ययादीगु खः।

कलस्‍सी 1:27

थथे व गुप्‍ति खँ मनूतय्‌त ध्‍वाथुइकादीगु परमेश्‍वरया ग्‍वसाः खः। अले गुप्‍ति खँ थ्‍व हे खः – “ख्रीष्‍ट छिपिं यहूदीमखुपिन्‍के नं दी। अले परमेश्‍वरलिसे छिपिं नं तःधनी।”

एफिसी 3:8

परमेश्‍वरया चिधंम्‍ह स्‍वयाः नं अज्‍ज चिधंम्‍ह मनू जितः हे ख्रीष्‍टयागु तःजिगु भिंगु खँ यहूदीमखुपिन्‍त न्‍यंकः वनेगु ज्‍या परमेश्‍वरं लःल्‍हानादिल।

एफिसी 1:18

परमेश्‍वरयागु ज्‍याखँ फुक्‍कं थुइके फय्‌केत छिमिगु नुगः चाय्‌कादिसँ धकाः नं जिं प्रार्थना यानाच्‍वनागु दु। अले छु आशायागु निंतिं वय्‌कलं छिमित सःतादीगु खः व वय्‌कलं थः मनूतय्‌त छु छु आशिष बियादी धकाः धयादीगु खः, छिमिसं सी।

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

हिब्रू 11:34

ह्वाना ह्वाना च्‍यानाच्‍वंगु मिं नं इमित छुं याये मफुत। तरवारं पालाः स्‍यायेत्‍यंबलय् नं इपिं बचय् जुल। बमलाःपिं इपिं, आः तसकं बल्‍लाना वल। भचा मग्‍यासे ल्‍वानाः इमिसं पिनें वःपिं शत्रुतय्‌त बिसिका छ्वत।

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

१ पत्रुस 3:4

बरु दुनुगलंनिसें क्‍वमिलु व शान्‍त जुयाच्‍वँ। थ्‍व गुबलें फुनावनी मखुगु आत्‍मायागु तिसा खः। थज्‍याःगु हे परमेश्‍वरया न्‍ह्यःने तसकं तःजिगु जुइ।

एफिसी 2:7

झीत परमेश्‍वरं दया माया यानादी धकाः सीके बीत थथे यानादीगु खः। थ्‍व दया माया ख्रीष्‍ट येशूपाखें परमेश्‍वरं झीत न्‍ह्याबलेंया निंतिं क्‍यनादीगु दु।

रोमी 2:29

दुनेंनिसें यहूदी जुया जूपिं हे जक यहूदी खः। अले धात्‍थेंयागु चिं नुगलय् च्‍वंगु चिं खः। थ्‍व चिं च्‍वयातःगु नियमं तःगु मखु, आत्‍मां तयादीगु खः। थज्‍याःपिन्‍त तःधंकीपिं मनूत मखु, बरु परमेश्‍वर खः।

अय्‍यूब 23:6

वय्‌कलं थःगु फुक्‍क तःधंगु बल जिगु विरोधय् छ्यलादी ला? मखु, परमेश्‍वर थःम्‍हं हे ला जिगु विरोधय् गुबलें दोष बियादी मखु।

एफिसी 3:15

वय्‌कलं हे स्‍वर्गय् च्‍वंपिं व पृथ्‍वीइ च्‍वंपिं फुक्‍कसित जीवन बियादीगु खः।

कलस्‍सी 2:2

छिमित साहस दयेमा, अले थःथवय् माया यानाच्‍वनेमा धकाः जिं थथे यानाच्‍वनागु खः। अले छिमिसं फुक्‍क खँ ध्‍वाथुइके फइ। थुकथं छिमिसं परमेश्‍वरयागु गुप्‍ति खँ ख्रीष्‍टयात नं बांलाक म्‍हसीके फइ।