एफिसी 1:16 - नेवाः बाइबल

¹⁶ जिं परमेश्‍वरयात न्‍ह्याबलें सुभाय् बियाच्‍वनागु दु। अले प्रार्थना यायेबलय् छिमित नं लुमंकाच्‍वनागु दु।

एफिसी 1:16 Referans Kwoze

कलस्‍सी 1:9

थ्‍व खँ न्‍यंसांनिसें पवित्र आत्‍मायागु बुद्धिं छिमिसं परमेश्‍वरयागु इच्‍छा बांलाक सीके थुइके फयेमा धकाः जिमिसं प्रार्थना याना वयाच्‍वनागु दु।

कलस्‍सी 1:3

जिमिसं छिमिगु निंतिं प्रार्थना यायेबलय् झी प्रभु येशू ख्रीष्‍टया बाः परमेश्‍वरयात न्‍ह्याबलें सुभाय् बियाच्‍वनागु दु।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

१ थेसलोनिकी 1:2

प्रार्थना यायेबलय् जिमिसं न्‍ह्याबलें छिमित लुमंकाः परमेश्‍वरयात सुभाय् बियाच्‍वनागु दु।

१ शमूएल 12:23

जिगु लागि धाःसा, छिमिगु निंतिं प्रार्थना यायेगु त्‍वःताः परमप्रभुया न्‍ह्यःने पाप यायेगु न्‍हि जिपाखें तापाक हे जुइमा। छु यायेगु पाय्‌छि जू अले छु यायेगु भिं व जिं छिमित स्‍यनेकने याये।

१ थेसलोनिकी 5:17

न्‍ह्याबलें प्रार्थना याना च्‍वँ।

यशैया 62:6

हे यरूशलेम! जिं छंगु पःखाःतय्‌के पाः च्‍वनीपिं तयागु दु, इपिं न न्‍हिनय् सुम्‍क च्‍वनी न चान्‍हय् हे सुम्‍क च्‍वनी। हे परमप्रभुयात सःतिपिं, आराम काये मते!

१ शमूएल 7:8

अले इस्राएलीतय्‌सं शमूएलयात धाल, “पलिश्‍तीतय्‌गु ल्‍हातं जिमित बचय् यायेत परमप्रभु झी परमेश्‍वरयात प्रार्थना यायेगु त्‍वःते मते।”

उत्‍पत्ति 40:14

छिगु भिं जुइ धुंकाः धाःसा छिं जितः लुमंकादिसँ। फारोयात जिगु खँ बिन्‍ति यानाः जितः थ्‍व झ्‍यालखानां पिकयादिसँ।