एफिसी 1:10 - नेवाः बाइबल

¹⁰ पाय्‌छिगु ई वइबलय् स्‍वर्ग व पृथ्‍वीइ दुगु फुक्‍क खँ ख्रीष्‍टया अधीनय् हयेगु परमेश्‍वरया ग्‍वसाः खः।

एफिसी 1:10 Referans Kwoze

कलस्‍सी 1:20

परमेश्‍वरं सृष्‍टि यानातःगु स्‍वर्ग व पृथ्‍वीइ च्‍वंगु फुक्‍कं वय्‌कःया काय्‌नं क्रूसय् हाय्‌कूगु हिं थःलिसे मिलय् यानादिल।

गलाती 4:4

परमेश्‍वरं धयादीगु ई वयेवं परमेश्‍वरं वय्‌कःया काय्‌यात छ्वयाहयादिल। वय्‌कः मिसाम्‍हय्‌सिगु क्‍वखं बुल। अले यहूदीतय्‌गु व्‍यवस्‍था मानय् यानाः च्‍वनादिल।

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

मर्कूस 1:15

“ई जुइ धुंकल, परमेश्‍वरयागु राज्‍य न्‍ह्यःने थ्‍यने धुंकल। पश्‍चाताप या, भिंगु खँय् विश्‍वास या।”

हिब्रू 1:2

तर आः दक्‍वसिबय् लिपा वय्‌कः थः काय्‌पाखें झीपिंलिसें नवानादीगु दु। काय्‌यात हे वय्‌कलं फुक्‍क सृष्‍टिया हामा यायेत ल्‍ययादिल। वय्‌कःपाखें हे थ्‍व संसारयागु सृष्‍टि यानादिल।

कलस्‍सी 1:16

छाय्‌धाःसा परमेश्‍वरं वय्‌कःयापाखें स्‍वर्ग व पृथ्‍वीइ दुगु फुक्‍कं, खनेदुगु, खने मदुगु, अले फुक्‍क शक्ति, राज्‍य व अधिकार दय्‌कादीगु खः। अले थ्‍व फुक्‍कं वय्‌कःया निंतिं हे दय्‌कादीगु खः।

१ पत्रुस 1:20

थथे यायेत परमेश्‍वरं ख्रीष्‍टयात संसार सृष्‍टि याये न्‍ह्यः हे ल्‍ययादीगु खः। अय्‌जूगुलिं छिमिगु निंतिं वय्‌कः आः फुक्‍कसिया न्‍ह्यःने खंक झाःगु दु।

एफिसी 3:15

वय्‌कलं हे स्‍वर्गय् च्‍वंपिं व पृथ्‍वीइ च्‍वंपिं फुक्‍कसित जीवन बियादीगु खः।

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।

एफिसी 1:22

थुकथं दक्‍व फुक्‍कं परमेश्‍वरं ख्रीष्‍टयागु अधीनय् तयादिल। अले मण्‍डलीया थकालि नं यानादिल।

१ कोरिन्‍थी 11:3

अय्‌नं छता खँ न्‍यँ – न्‍ह्याम्‍ह मिजंयागु छ्यं ख्रीष्‍ट खः, अले मिसायागु छ्यं वया भाःत खः, अले ख्रीष्‍टयागु छ्यं परमेश्‍वर खः धयागु खँ छिमिसं थुइके माल।

आमोस 9:11

“व दिंखुन्‍हु “जिं दाऊदया नाश जुइ धुंकूगु वंशयात हाकनं थापं याये, व दुंगु छेँ थें जूगु खः। जिं उकिया पःखाः दय्‌के अले उकियात हाकनं थापं याये। जिं उकियात हाकनं दय्‌के अले उकियात यक्‍व न्‍हापायागु थें दय्‌के।

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

हिब्रू 11:40

परमेश्‍वरं झीत अज्‍ज भिंगु व बांलाःगु बियादीगु ग्‍वसाः ग्‍वयादीगु दु। झीनापं तुं इपिं नं सिद्ध जुइमा धकाः परमेश्‍वरं मनंतुनादीगु खः।

कलस्‍सी 3:11

यहूदीमखुपिं जुइमा, यहूदी जुइमा, म्‍हय् चिं तःपिं जुइमा, मतःपिं जुइमा, सःस्‍यूपिं जुइमा, छुं मस्‍यूपिं जुइमा, अले दास जुइमा, दासमखुपिं जुइमा, फुक्‍कं उथें खः। सकसिकें ख्रीष्‍ट दी। ख्रीष्‍ट हे फुक्‍कं खः।

एफिसी 2:15

थथे यायेत वय्‌कलं यहूदीतय्‌गु व्‍यवस्‍थाय् च्‍वंगु आज्ञा व नियम त्‍वथुलादिल। अले यहूदीतय्‌त नं यहूदीमखुपिन्‍त नं थःत विश्‍वास याकाः मिलय् यानाः छम्‍ह हे यानादिल। थुकथं वय्‌कलं झीत शान्‍ति बियादिल।

१ कोरिन्‍थी 10:11

इमित अथे जूगु खँ झीसं नं सीके फयेमा धकाः व झीत ख्‍याच्‍वः बीत नं च्‍वयातःगु खः। झीपिं च्‍वनाच्‍वनागु संसार आः फुना वनिन।

मत्ती 25:32

वया न्‍ह्यःने फुक्‍क जात जातियापिं मनूत दं वइ। जवालं फै व च्‍वले ल्‍यये थें वं नं मनूतय्‌त ल्‍यइ।

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

हिब्रू 9:10

थथे नयेत्‍वनेगु व थीथी कथं म्‍वःल्‍हुइगु ला पिने क्‍यनेत जक खः। थज्‍याःगु थितिकुति न्‍हूगु बाचा चिना मदीतलेयात जक खः।

एफिसी 3:2

छिमित हे न्‍यंकेत परमेश्‍वरं दया माया यानाः जितः थ्‍व भिंगु खँ न्‍यंकेगु ज्‍या बियादीगु खः धकाः ला छिमिसं सि हे स्‍यू।