एफिसी 1:1 - नेवाः बाइबल

¹ परमेश्‍वरं हे ख्रीष्‍ट येशूयाम्‍ह प्रेरित यानातःम्‍ह पावलपाखें एफिससय् च्‍वंपिं ख्रीष्‍ट येशूयात विश्‍वास यानाच्‍वंपिं परमेश्‍वरया मनूतय्‌त ज्‍वजलपा!

एफिसी 1:1 Referans Kwoze

कलस्‍सी 1:2

कलस्‍सी च्‍वंपिं ख्रीष्‍टयात विश्‍वास यानाच्‍वंपिं परमेश्‍वरया मनूत फुक्‍कसितं ज्‍वजलपा! झी परमेश्‍वर बाःया दया माया व शान्‍ति छिमिके दयेमा।

२ कोरिन्‍थी 1:1

परमेश्‍वरं हे ख्रीष्‍ट येशूयाम्‍ह प्रेरित यानातःम्‍ह पावलपाखें व झी किजा तिमोथीपाखें कोरिन्‍थय् च्‍वंगु परमेश्‍वरया मण्‍डलीयात व अखैयाय् फुक्‍कभनं च्‍वंपिं वय्‌कःया सकल मनूतय्‌त ज्‍वजलपा।

गलाती 1:1

मनूतय्‌पाखें मखु, येशू ख्रीष्‍ट व वय्‌कःयात हानं म्‍वाकादीम्‍ह परमेश्‍वरं प्रेरित यानाः छ्वयाहःम्‍ह जि पावल व

रोमी 1:1

येशू ख्रीष्‍टया दास जि पावलयात परमेश्‍वरयागु भिंगु खँ न्‍यंकेत वय्‌कलं हे प्रेरित दय्‌कादिल।

रोमी 1:7

परमेश्‍वरं सःताः पवित्र यानातःपिं रोमय् च्‍वंपिं परमेश्‍वरया यःपिं फुक्‍कसित छिमित झी परमेश्‍वर बाः व प्रभु येशू ख्रीष्‍टया दया माया व शान्‍ति दयेमा।

एफिसी 6:21

प्रभुयागु ज्‍या यानाच्‍वंम्‍ह विश्‍वास याये बहःम्‍ह झी यःम्‍ह किजा तुखिकसं छिमित जिगु खँ फुक्‍कं कनी।

१ कोरिन्‍थी 4:17

अथे जूगुलिं जिं छिमिथाय् तिमोथीयात छ्वयाहयागु दु। व जितः तसकं यःम्‍ह व विश्‍वास याये बहःम्‍ह जिम्‍ह काय् थें खः। वयात जिं हे ख्रीष्‍टयात विश्‍वास याकागु खः। ख्रीष्‍ट येशूपाखें दुगु न्‍हूगु जीवनय् जि गुकथं च्‍वनाच्‍वन धयागु खँ फुक्‍क वं हे छिमित कनी। थ्‍व हे खँ जिं मण्‍डलीइ फुक्‍कभनं स्‍यना जुयागु दु।

लूका 16:10

“चिधंगु खँय् विश्‍वास याये बहःम्‍ह मनू तःधंगु खँय् नं विश्‍वास याये बहःम्‍ह जुइ। अथे हे चिधंगु खँय् बेइमान जुइम्‍ह मनू तःधंगु खँय् नं बेइमान जुइ।

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

गलाती 3:9

गथे अब्राहाम परमेश्‍वरयात विश्‍वास याःगुलिं धर्मी ठहरय् जुल, अथे हे वय्‌कःयात विश्‍वास याक्‍वसिनं आशिष काये खन।

रोमी 8:1

अय्‌जूगुलिं ख्रीष्‍ट येशू नाप मिलय् जुयाच्‍वंपिं दोषी जुइ मखु।

प्रेरित 16:15

अले व वया छेँय् च्‍वंपिन्‍सं बप्‍तिस्‍मा काये धुंकाः वं जिमित थथे धकाः बिन्‍ति यात – “जिं प्रभुयात दुनुगलंनिसें विश्‍वास याः धकाः छिकपिन्‍सं ताय्‌कादियागु खःसा जिगु छेँय् च्‍वं झासँ।” वं थथे कर याःगुलिं जिपिं वयागु छेँय् वना।

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।

गन्‍ती 12:7

तर जिमि दास मोशालिसे धाःसा जिं अथे याये मखु। जिगु फुक्‍क घरानाय् जिं पत्‍याः यानाम्‍ह व हे खः।

१ कोरिन्‍थी 4:12

थःम्‍हं चःति हाय्‌काः जिमिसं ज्‍या यानाः नयाच्‍वना। सराः ब्‍यूपिन्‍त जिमिसं आशिष बियाच्‍वना। सास्‍ती ब्‍यूसां जिमिसं सह यानाच्‍वना।

प्रेरित 9:13

अले हननियां लिसः बिल – “प्रभु, थ्‍व मनूयागु खँ यक्‍व मनूतय्‌गु म्‍हुतुं न्‍यना तयागु दु। यरूशलेमय् च्‍वंपिं छिकपिनि चेलातय्‌त थ्‍वं यक्‍व हे सास्‍ती यानावःगु दु।

प्रेरित 18:19

इपिं एफिससय् थ्‍यंकः वल। अले प्रिस्‍किला व अकिलासयात अन हे त्‍वःतल। पावल धाःसा धर्मशास्‍त्र स्‍यनीगु छेँय् वनाः यहूदीतय्‌त स्‍यं जुल।

प्रेरित 18:21

अले थथे धकाः इपिं नाप बिदा जुल – “परमेश्‍वरं छ्वयाहयादिल धाःसा जि हानं वये।” अले व एफिससं लःजहाजय् च्‍वनाः वन।

गलाती 3:26

येशू ख्रीष्‍टयात विश्‍वास यानाः वय्‌कः नाप मिलय् जूगुलिं छिपिं फुक्‍कं परमेश्‍वरया सन्‍तान जुल।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

एफिसी 1:15

छिमिसं येशू ख्रीष्‍टयात क्‍वात्तुक विश्‍वास यानाच्‍वंगु व फुक्‍क विश्‍वासीतय्‌त दया माया यानाच्‍वंगु खँ न्‍यनाः

एफिसी 2:6

झीसं ख्रीष्‍टयात विश्‍वास यानागुलिं वय्‌कलं झीत हानं म्‍वाकाः वय्‌कः नाप स्‍वर्गय् तयादिल।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

एफिसी 2:13

उबलय् छिपिं ख्रीष्‍ट येशूपाखें तापाना च्‍वंपिं खः। आः धाःसा छिमित ख्रीष्‍टयागु हिं हे वय्‌कः नाप सत्तिकादिल।