उपदेशक 2:3 - नेवाः बाइबल

³ दाखमद्य त्‍वनाः वा मूर्ख खँयात घय्‌पुनाः जिं थःत लय्‌ताय्‌केगु कुतः याना। अझ नं जिगु मनयात बुद्धिं न्‍ह्यज्‍याका यंकाच्‍वंगु खः। आकाशया क्‍वय् चिहाकःगु जीवनय् सुं मनूया निंतिं बांलाःगु खँ छु खः धकाः सीकेगु जिं इच्‍छा याना।

उपदेशक 2:3 Referans Kwoze

हितोपदेश 20:1

दाखमद्यं हाःहू याकी, अय्‌लाखं ल्‍वापु हइ। थ्‍व नितां त्‍वनीपिन्‍के बुद्धि दइ मखु।

उपदेशक 1:17

अले जिं बुद्धि, वँय्‌सू व मूर्खता धयागु छु खः धकाः सीकेगु निंतिं उकिया बारे बिचाः याना। तर थ्‍व नं फय्‌यात लिइगु थें जक खः धकाः जिं सीकागु दु।

एफिसी 5:18

अय्‌लाः थ्‍वँ काय्‌का जुइ मते, छाय्‌धाःसा थुकिं मनूतय्‌त बांमलाःगु ज्‍या याकी, बरु पवित्र आत्‍मां जाया च्‍वँ।

उपदेशक 12:13

फुक्‍क खँ न्‍यने धुंकल। खँया लिच्‍वः थ्‍व हे खः, परमेश्‍वरया भय का, अले वय्‌कःया आज्ञायात मानय् या, छाय्‌धाःसा मनूतय्‌सं यायेमाःगु ज्‍या थ्‍व हे खः।

उपदेशक 6:12

थ्‍व चिहाकःगु जीवनया छुं हे अर्थ मदुगु इलय्, मनूतय्‌सं किचः थें थ्‍व जीवन हनाच्‍वनी, अय्‌नं इमित छु खँ बांला धकाः सुनां स्‍यू? व सिनावने धुंकाः थ्‍व संसारय् छु जुइ धकाः सुनां इमित धाये फइ?

मत्ती 6:24

“सुनानं निम्‍ह मालिकयागु सेवा याये फइ मखु, छाय्‌धाःसा वं छम्‍ह मालिकयात अप्‍वः यय्‌कूसा, मेम्‍ह मालिकयात यय्‌की मखु। वं छम्‍हय्‌सिनं धाःथें याःसा मेम्‍हय्‌सिनं धाःगु खँ न्‍यनी मखु। अथे हे छिमिसं परमेश्‍वर व धन निगूयां सेवा याये फइ मखु।

उपदेशक 7:25

अथे जुयाः जिं बुद्धि व छुं जुइगुया कारण छु खः धकाः माला स्‍वयेगु मति तया, अले मभिंगु व मूर्ख खँय् वँय् जुइगु गथे खः धकाः थुइकेगु इच्‍छा याना।

उपदेशक 7:18

छगूयात ज्‍वना तयेगु व मेगुयात मत्‍वःतेगु नितां बांला। सुनां परमेश्‍वरया भय काइ व मनू थुपिं फुक्‍क तच्‍वःगु खँपाखें अलग च्‍वनी।

उपदेशक 2:24

मनुखं नयेगु त्‍वनेगु व थःगु थाकुगु ज्‍यां लुधंकिगु स्‍वयाः मेगु बांलाःगु छु हे याये फइ धकाः। थ्‍व नं जिं परमेश्‍वरया ल्‍हातं वःगु खना।

अय्‍यूब 14:14

मनू सीधुंकाः व हाकनं म्‍वाइ ला? जिगु दुःखया ई न्‍ह्याक्‍व हे ताहाकःगु जूसां जिगु छुत्‍कारा मजुतले जि पिया हे च्‍वने।

१ शमूएल 25:36

अबीगेल छेँ थ्‍यनाः वं अन नाबालं जुजुपिन्‍त नकेगु भ्‍वय् थें नयाच्‍वंगु खन। नाबाल लय्‌तायाः दाखमद्य त्‍वनाः तसकं काय्‌काच्‍वंगु दु। अथे जुयाः वया कलातं वयात सुथ तक नं छुं मधासे च्‍वन।

उत्‍पत्ति 47:9

याकूबं धाल, “जि आः उखेंथुखें जुयागु सच्‍छि व स्‍विदँ दत। जिगु थ्‍व उमेर आपाः मदुसां तसकं दुःखं जाः। जिमि बाः बाज्‍यापिं म्‍वानावंगु ति ला जिगु उमेर थ्‍यं हे मथ्‍यंनि।”

न्‍यायकर्ता 9:13

“दाखमां लिसः बिल, ‘द्यः व मनूतय्‌त लय्‌ताय्‌कीगु जिगु दाखमद्ययात त्‍वःताः छु जि सिमातय् जुजु जुयेगु ला?’

भजनसंग्रहया सफू 104:15

मनूतय्‌त लय्‌ताय्‌केत दाखमद्य, ख्‍वाः चक्‍कंकेत जैतूनया चिकं व ताकत बीत मरि बियादीगु दु।

उपदेशक 5:18

अनंलि जिं थ्‍व खँ थुल। परमेश्‍वरं बियादीगु थ्‍व चिहाकःगु जीवन दतले थ्‍व संसारय् नयेगु, त्‍वनेगु अले थःम्‍हं तसकं दुखसिया यानागु ज्‍याय् लुधंका च्‍वनेत कुतः यायेगु मनूतय्‌गु निंतिं भिं जुइ, छाय्‌धाःसा व हे इमिगु भाग खः।

उपदेशक 8:15

अथे जुयाः न्‍ह्यइपुकेगु याःसां ज्‍यू धकाः जिं सल्‍लाह बी, छाय्‌धाःसा थ्‍व संसारय् मनूतय्‌सं नयेगु, त्‍वनेगु व न्‍ह्यइपुकीगु सिबय् मेगु छुं नं भिंगु मदु। अले थ्‍व संसारय् परमेश्‍वरं बियादीगु जिवंकाछि वयात वयागु थःगु थाकुगु ज्‍याय् खुशी जुयाः ग्‍वाहालि यानादी।

उपदेशक 10:19

लसता हनेगु निंतिं भ्‍वय् ज्‍वरय् यायेगु याइ, अले दाखमद्यं जीवनय् आनन्‍द याइ। अले धिबां हे फुक्‍क ज्‍याखँ ज्‍यंकाबी।