उपदेशक 1:6 - नेवाः बाइबल

⁶ फय् दच्‍छिनपाखे न्‍ह्याइ, अले उत्तरपाखे लिहांवनी। व न्‍ह्याबलें थःगु हे चाःकलय् चाःहिलाच्‍वनी।

उपदेशक 1:6 Referans Kwoze

यूहन्‍ना 3:8

फय् थः मंदुथाय् न्‍ह्याइ, छिं उकियागु सः जक ताइ, व गनं वल, अले गन वनी धकाः छिं सी मखु। आत्‍मां बूपिं मनूत नं अथे हे जुइ।”

उपदेशक 11:5

गथे छं फय् गन वनी अले मांया प्‍वाथय् मचा गुकथं सृष्‍टि जुइ धकाः सीके फइ मखु, अथे हे फुक्‍क दय्‌कादीम्‍ह परमेश्‍वरया ल्‍हाःया ज्‍या नं छं थुइके फइ मखु।

भजनसंग्रहया सफू 107:29

वय्‌कलं तसकं वःगु वाफय्‌यात शान्‍त यानादिल, गुकिं यानाः समुद्रया लबु दित।

भजनसंग्रहया सफू 107:25

वय्‌कलं आज्ञा बियाः ग्‍यानापुक वाफय् वय्‌कादिल। उकिं समुद्रया लबु च्‍वय् तक थाहां वल।

अय्‍यूब 37:17

दच्‍छिनयागु क्‍वाःगु फसं देशया प्‍यखें सुनसान याःबलय् थःगु वसःया दुने लुमुकाच्‍वनीम्‍ह छि,

अय्‍यूब 37:9

वाफय् थःगु थासं वइ, कडा फसं चिकु वइ।

मत्ती 7:27

वं छेँ दय्‌के धुंकाः तसकं वा वयाः बाः वल। हानं तसकं फय् वयाः वयागु छेँय् कल। अले वयागु छेँ दुनावन।”

मत्ती 7:24

“अय्‌जूगुलिं जिगु वचन न्‍यनाः उकथं हे याइम्‍ह मनू ल्‍वहं दुथाय् छेँ दनीम्‍ह बुद्धि दुम्‍ह मनू थें खः।

योना 1:4

अय्‌नं परमप्रभुं समुद्रय् तःधंगु वाफय् वय्‌कादिल। थ्‍व वाफसं यानाः जहाज हे स्‍यनी थें च्‍वन।

उपदेशक 1:7

फुक्‍क खुसित न्‍ह्यानावनाः समुद्रय् जू वनी। अय्‌नं समुद्र गुब्‍सं नं जाइ मखु। गुगु थासं खुसित न्‍ह्यानावःगु खः हाकनं व हे थासय् तुं लिहांवनी।