उपदेशक 1:2 - नेवाः बाइबल

² उपदेशकं धाइ, “सितिं वं, सितिं वं, फुक्‍क सितिं वं, अले फुक्‍क खँया छुं अर्थ मदु।”

उपदेशक 1:2 Referans Kwoze

भजनसंग्रहया सफू 144:4

मनू ला छम्‍हू सासः जक थें खः, वयागु आयु मदयावनीगु किचः थें जक खः।

रोमी 8:20

छाय्‌धाःसा सृष्‍टि ज्‍यालगय् मजुइ धुंकल। थ्‍व खँ सृष्‍टिया इच्‍छां जूगु मखु, बरु परमेश्‍वरं हे थथे यानादीगु खः।

उपदेशक 5:10

सुनां धिबायात माया याइ। वयात न्‍ह्याक्‍व धिबा दःसां गाइ मखु। धन सम्‍पत्तिया लोभ याइम्‍हय्‌सित न्‍ह्याक्‍व लबः दःसां गाइ मखु। थ्‍व नं सितिं वंगु खँ खः।

उपदेशक 12:8

“सितिं वंगु खँ! सितिं वंगु खँ!” उपदेशकं धयादी, “फुक्‍क खँ सितिं वंगु खः!”

उपदेशक 2:26

परमेश्‍वरयात लय्‌ताय्‌कीम्‍ह मनूयात वय्‌कलं बुद्धि, ज्ञान व आनन्‍द बियादी। पापीतय्‌त धाःसा वय्‌कलं परमेश्‍वरयात लय्‌ताय्‌कीपिं मनूतय्‌गु निंतिं धन-सम्‍पत्ति मुंकेगु ज्‍या बियादी। थ्‍व नं सितिं वंगु अले फय्‌यात लिइगु थें जक खः।

उपदेशक 2:19

अले व बुद्धि दुम्‍ह ला कि मूर्खम्‍ह धकाः सुनां स्‍यू? अय्‌नं जिं थ्‍व संसारय् दुःखसिया यानागु फुक्‍क ज्‍या वयागु हे अधीनय् दु, गुकिया निंतिं जिं थःगु फुक्‍क बल व सीप छ्यलागु दु। थ्‍व सितिं वंगु खँ खः।

उपदेशक 2:11

अनंलि जिगु ल्‍हातं यानागु फुक्‍क ज्‍याया बारे जिं बिचाः याना, जिं गुलि दुःखसिया उपिं ज्‍यात यानागु खः। थुपिं फुक्‍कया छुं अर्थ मदु, थ्‍व ला फय्‌यात लिइगु थें जक खः। थ्‍व संसारय् छुं नं फाइदा मदु।

उपदेशक 2:23

वयागु फुक्‍क दिनया ज्‍या पीर व दुःख जक खः। चान्‍हय् नं वयागु मनय् शान्‍ति दइ मखु। थ्‍व सितिं वंगु खँ खः।

उपदेशक 2:17

अथे जुयाः जिं थःगु जीवनयात घृणा याना, छाय्‌धाःसा थ्‍व संसारय् ज्‍या यायेगु तसकं थाकुगु खँ खः। थ्‍व फुक्‍कया छुं अर्थ मदु, थ्‍व फय्‌यात लिइगु थें जक खः।

उपदेशक 11:8

मनूत न्‍ह्याक्‍व अप्‍वः म्‍वानाच्‍वन धाःसा उपिं फुक्‍कलय् नं व लय्‌तायाच्‍वनेमा। तर वं खिउँलय् याःगु ज्‍या नं लुमंकेगु यायेमा, छाय्‌धाःसा उपिं यक्‍व हे अप्‍वः जुइ। आः जूवइतिनीगु फुक्‍क खँ नं सितिं वंगु खः।

उपदेशक 6:11

गुलि अप्‍वः खँ जुइ उलि हे उकिया अर्थ कम जुइ। उकिं सुयातं छु फाइदा जुइ?

उपदेशक 4:8

छम्‍ह याकःचाम्‍ह मनू दु, वया सुं काय् व दाजुकिजापिं मदु। अले वं थाकुक ज्‍या यायेगु गुबलें त्‍वःती मखु। अय्‌नं व थःगु धनसम्‍पत्तिइ गुबलें नं लुधंका च्‍वनी मखु। अय्‌नं वं थथे धकाः न्‍यन, “जिं सुयागु निंतिं थपाय्‌सकं दुःखसिया च्‍वनागु? जिं छाय् जीवनया सुख त्‍वःताछ्वया?” थ्‍व नं सितिं वंगु खँ खः, थ्‍व तसकं दुःख लगय् जूगु खँ खः।

उपदेशक 4:4

अनंलि जिं थ्‍व नं खना कि फुक्‍क दुःखसिया ज्‍या यायेगु व फलिफाप धयागु हे मनूतय्‌सं थः जःलाखःलाया ईख याःगु कारण जक जुइगु खः। थ्‍व नं सितिं वंगु खँ खः, अले फय्‌यात लिइगु थें जक खः।

उपदेशक 3:19

मनूतय्‌गु भाग्‍य पशुया थें खः। इपिं निम्‍हय्‌सिगु नं छगू हे भाग्‍य पिया च्‍वनाच्‍वनी। गथे छम्‍ह सी अले मेम्‍ह नं सिनावनी। फुक्‍कसिया छगू हे सासः खः। पशुतय्‌त स्‍वयाः अप्‍वः फाइदा मनूतय्‌त दइ मखु। थुपिं फुक्‍कं सितिं वंगु खँ खः।

उपदेशक 2:21

छाय्‌धाःसा बुद्धि, ज्ञान व खुबीं सुं मनुखं हिचःति हाय्‌काः याःगु फुक्‍क ज्‍या सुं छम्‍हय्‌सित त्‍वःता हे वनेमानि, गुम्‍हय्‌सिनं उकिया निंतिं थाकुगु ज्‍या याःगु हे मदु। थ्‍व नं सितिं वंगु खँ खः। अले वयागु निंतिं थ्‍व तःधंगु संकट हे खः।

उपदेशक 11:10

अथे जुयाः छंगु नुगलय् पीर कायेगु त्‍वःति, अले शरीरया दुःखयात त्‍वःताछ्व, छाय्‌धाःसा ल्‍याय्‌म्‍हसू व बल सितिं वंगु खँ खः।

उपदेशक 4:16

उपिं फुक्‍क न्‍हापायापिं मनूत व लिपा वःपिं मनूतय्‌गु अन्‍त मदु तर उपिं सुं नं व ल्‍याय्‌मम्‍ह मनू खनाः लय्‌मताः। थ्‍व नं सितिं वंगु खँ खः अले थ्‍व फय्‌यात लिइगु थें जक खः।

उपदेशक 2:15

अनंलि जिं थःगु मनय् बिचाः याना, “मूर्खम्‍हय्‌सिगु दशा जिके नं वइतिनि। जि बुद्धि दुम्‍ह जुयाः छु फाइदा जुल?” अले जिं थःगु मनय् बिचाः याना, “थ्‍व नं सितिं वंगु खँ खः।”

अय्‍यूब 11:12

गथे गुँ गधाया मचा मनू जुयाः जन्‍म जुइ फइ मखु अथे हे मूर्खम्‍ह मनू बुद्धिमान जुइ फइ मखु।

भजनसंग्रहया सफू 89:47

जिगु जीवन गुलि चिहाकः धकाः लुमंकादिसँ। छिं छाय् मफतय् मनूतय्‌त सृष्‍टि यानादियागु?

उपदेशक 2:8

जिं थःगु निंतिं लुँ व वहः वा जुजुत व देश देशपाखें धन-सम्‍पत्ति मुंका। जिं थःत न्‍ह्याइपुकेत म्‍ये हालीपिं मिसा व मिजंपिं अले मनूया नुगःयात लय्‌ताय्‌केत यक्‍व कलाःतय्‌त मुंका।