उपदेशक 1:10 - नेवाः बाइबल

¹⁰ छुं नं खँ दु ला, गुकिया बारे थथे धायेफु, “स्‍वःसा, छु थ्‍व न्‍हूगु ज्‍या खः?” थ्‍व न्‍हापा हे थन दुगु खः। थ्‍व ला झीगु ई स्‍वयाः न्‍हापा हे दुगु खः।

उपदेशक 1:10 Referans Kwoze

प्रेरित 7:51

“छिकपिं तसकं हे अतेरि, अले छिकपिनिगु नुगः तसकं छाः। छिकपिन्‍सं न्‍ह्याबलें पवित्र आत्‍मायागु खँ मन्‍यंसे थः तापाःबाज्‍यापिन्‍सं याःथें जक यानाच्‍वंगु दु।

मत्ती 5:12

छिपिं स्‍वयाः न्‍हापायापिं अगमवक्तातय्‌त नं थथे हे दुःखकष्‍ट ब्‍यूगु खः। उकिं लय्‌ताया जु, छाय्‌धाःसा स्‍वर्गय् छिमित बीत तःधंगु सिरपाः तयातःगु दु।

२ तिमोथी 3:8

यान्‍नेस व याम्‍ब्रेसं मोशायात मभिंका जू थें इमिसं नं सत्‍य खँयात मभिंका जुइ। इमिगु बुद्धि स्‍यने धुंकल, अले इमिके विश्‍वास हे मदये धुंकल।

उपदेशक 1:9

न्‍हापा छु जूगु खः व हाकनं जुइतिनि, अले न्‍हापा छु याःगु खः व हाकनं याइतिनि। थ्‍व संसारय् छुं नं न्‍हूगु ज्‍याखँ जूगु मदु।

उपदेशक 1:11

पुलांगु इलय्‌यापिं मनूतय्‌गु छुं नं लुमन्‍ति दइ मखु। अले आः वइतिनिगु पुस्‍ता व वयां लिपायागु पुस्‍तायात तकं नं इमिगु लुमन्‍ति दइ मखु।

उपदेशक 2:12

अले जिं बुद्धि, वँय्‌सू व मूर्खता धयागु छु खः धकाः सीकेगु निंतिं उकिया बारे बिचाः याना। जुजुं न्‍हापा हे याना वयाच्‍वंगु ज्‍या स्‍वयाः लिपा वइम्‍हं मेगु छु हे अप्‍वः याये फइ?

उपदेशक 6:10

छु द हे दु वयागु नां छुइकल, अले मनूत सु खः धकाः थुइ हे धुंकल। थः स्‍वयाः बल्‍लाःम्‍हय्‌सित सुनानं विरोध याये फइ मखु।