प्रेरित 1:2 - नेवाः बाइबल

² वय्‌कलं ल्‍ययादीपिं प्रेरिततय्‌त पवित्र आत्‍मां आज्ञा बियादी धुंकाः स्‍वर्गय् झायादीगु खँ तक च्‍वयागु दु।

प्रेरित 1:2 Referans Kwoze

प्रेरित 1:9

थुलि धयादी धुंकाः इमिसं स्‍वया च्‍वँच्‍वं हे वय्‌कःयात थत यंकाः सुपाँचं त्‍वपुयाबिल।

हिब्रू 9:24

ख्रीष्‍ट मनूतय्‌सं स्‍वर्गयागु किपालु थें जक यानाः दय्‌कातःगु महा-पवित्रगु थाय् दुने मखु, बरु झीगु निंतिं स्‍वर्गय् हे परमेश्‍वरया न्‍ह्यःने झायादीगु दु।

प्रेरित 10:38

अले हानं गथे परमेश्‍वरं थ्‍व हे नासरतयाम्‍ह येशूयात पवित्र आत्‍मां जाय्‌काः यक्‍व शक्ति बियादिल। अले येशूं फुक्‍कसितं भिंकाः शैतानं दुःखकष्‍ट बियातःपिन्‍त लाय्‌कादिल। छाय्‌धाःसा परमेश्‍वर वय्‌कः नाप दीगु खः धकाः छिकपिन्‍सं नं स्‍यू।

यूहन्‍ना 20:21

वय्‌कलं इमित हानं धयादिल – “छिमित शान्‍ति दयेमा। गथे बाःनं जितः छ्वयाहयादीगु खः अथे हे जिं नं छिमित छ्वये।”

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 13:3

बाःनं फुक्‍कं वय्‌कःयागु ल्‍हातय् बियादीगु दु, अले वय्‌कः परमेश्‍वरयाथासं झाःगु खः, अले परमेश्‍वरयाथाय् तुं वने त्‍यइन धकाः वय्‌कलं स्‍यू।

यशैया 48:16

“जिगु न्‍ह्यःने वा, अले छिमिसं थ्‍व खँ न्‍यँ! “जिं न्‍हापा घोषणा यानाबलय् निसें हे सुं मदुथाय् थ्‍व खँ धयागु मदु। थ्‍व ज्‍याखँ जूबलय् जि अन हे दु।” आः परमप्रभु परमेश्‍वरं जितः वय्‌कःया आत्‍मानापं छ्वयाहयादीगु दु।

प्रकाश 21:14

शहरया पःखाःयागु जग झिंनिथाय् दु। उकी द्यःने चीधिकःम्‍ह भ्‍याःचाया झिंनिम्‍ह प्रेरिततय्‌गु नां च्‍वयातःगु दु।

प्रकाश 3:22

“सुयाके न्‍हाय्‌पं दु, वं आत्‍मां मण्‍डलीतय्‌त छु धयादिल धयागु न्‍यनाः थुइकाः का।”

प्रकाश 3:16

छिपिं क्‍वा नं मक्‍वाः अले ख्‍वाउँ नं मजू, बरु लुमु लुमु धाःपिं जूगुलिं जिं छिमित थुकलं बी।

प्रकाश 3:13

“सुयाके न्‍हाय्‌पं दु, वं आत्‍मां मण्‍डलीतय्‌त छु धयादिल धयागु न्‍यनाः थुइकाः का।

प्रकाश 2:29

सुयाके न्‍हाय्‌पं दु, वं आत्‍मां मण्‍डलीतय्‌त छु धयादिल धयागु न्‍यनाः थुइकाः का।”

प्रकाश 2:11

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःपिन्‍त नरकय् छ्वइ हे मखु।

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।

प्रकाश 1:1

थ्‍व सफुलिइ च्‍वयातःगु खँ परमेश्‍वरं येशू ख्रीष्‍टयात क्‍यनादीगु खँ खः। थः दासतय्‌सं छु जुइतिनि धयागु खँ थुइके फयेमा धकाः परमेश्‍वरं येशू ख्रीष्‍टयात क्‍यनादीगु खः। येशूं थ्‍व खँ क्‍यनेत छम्‍ह स्‍वर्गदूतयात यूहन्‍नायाथाय् छ्वयादिल।

२ पत्रुस 3:2

पवित्रपिं अगमवक्तातय्‌सं न्‍हापा न्‍हापा धयाथकूगु खँ छिमित लुमंकाबीत जिं कुतः यानाच्‍वनागु खः। अले हानं प्रेरिततय्‌सं न्‍यंका थकूगु मुक्ति बियादीम्‍ह प्रभुयागु आज्ञायात लुमंका बियाच्‍वनागु खः।

१ पत्रुस 3:22

वय्‌कः स्‍वर्गय् झायाः परमेश्‍वरया जवय् च्‍वनादीगु दु। अधिकार दुपिं, शक्ति दुपिं, व स्‍वर्गदूतत फुक्‍कं वय्‌कःया ल्‍हातय् दु।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

एफिसी 2:20

प्रेरिततय्‌सं व अगमवक्तातय्‌सं स्‍वना थकूगु जगय् दय्‌कूगु छेँ छिपिं नं खः। अले थ्‍व जगयागु मू ल्‍वहं येशू ख्रीष्‍ट खः।

गलाती 1:1

मनूतय्‌पाखें मखु, येशू ख्रीष्‍ट व वय्‌कःयात हानं म्‍वाकादीम्‍ह परमेश्‍वरं प्रेरित यानाः छ्वयाहःम्‍ह जि पावल व

प्रेरित 1:13

शहरय् वयेवं इपिं छखा छेँय् दुहां वनाः तले च्‍वंगु क्‍वथाय् वन। अन पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसया काय् याकूब, क्रान्‍तिइ सने धुंकूम्‍ह सिमोन व याकूबया काय् यहूदापिं च्‍वनीगु खः।

प्रेरित 1:11

थथे धाल – “गालीलय् च्‍वंपिं मनूत, छाय् वातां दनाः आकाशय् स्‍वयाच्‍वनागु? येशू स्‍वर्गय् झायादीगु छिमिसं खंथें तुं वय्‌कः हानं अथे हे थन लिहां झायादी तिनि।”

यूहन्‍ना 20:17

वय्‌कलं वयात धयादिल – “जितः थी मते, आः तक जि बाःयाथाय् थाहां वनागु मदुनि। जिमि किजापिन्‍थाय् वनाः धाः हुँ – ‘जिमि बाःयाथाय् अले छिमि बाःयाथाय्, जिम्‍ह परमेश्‍वरयाथाय् अले छिमि परमेश्‍वरयाथाय् जि थाहां वनाच्‍वना।’”

यूहन्‍ना 17:13

“आः जि छिथाय् वयेत्‍यना। इमिगु नुगः जिगु आनन्‍दं जायेमा धकाः संसारय् दनिबलय् हे जिं थथे धयागु खः।

यूहन्‍ना 16:28

बाःया थासं जि थ्‍व संसारय् वयागु खः। आः थ्‍व संसारयात त्‍वःताः जि हानं बाःयाथाय् तुं लिहां वनेत्‍यना।”

यूहन्‍ना 13:1

छुत्‍काराया नखः न्‍ह्यः येशूं थ्‍व संसारं बाःयाथाय् वनेगु ई वल धकाः सीकाः संसारय् च्‍वंपिं थः चेलातय्‌त माया यानादिल। वय्‌कलं अन्‍ततक हे इमित माया यानादिल।

यूहन्‍ना 6:70

वय्‌कलं इमित धयादिल – “छिपिं झिंनिम्‍हय्‌सितं जिं हे ल्‍ययागु, मखु ला? अय्‌नं छिपिं मध्‍ये छम्‍ह शैतानयाम्‍ह दु।”

यूहन्‍ना 6:62

मनूया काय् वय्‌कःया न्‍हापायागु थासय् तुं लिहां वंगु खन धाःसा छिमिसं छु यायेगु?

यूहन्‍ना 3:34

परमेश्‍वरं छ्वया हःम्‍हय्‌सिनं हे जक परमेश्‍वरयागु वचन नवाइ, छाय्‌धाःसा वय्‌कःयात पवित्र आत्‍मां जाय्‌कादीगु दु।

यूहन्‍ना 1:16

वय्‌कःयागु गुबलें मसुइगु दया मायायागु धुकुतिं झीसं यक्‍व दया माया काये खंगु दु।

लूका 24:51

इमित थथे आशिष बिया च्‍वँच्‍वं हे वय्‌कः इपिं नाप बायावन, अले परमेश्‍वरं वय्‌कःयात स्‍वर्गय् थत यंकादिल।

लूका 9:51

स्‍वर्गय् वनेगु ई त्‍यःगुलिं येशू यरूशलेमपाखे वनेगु क्‍वःछिनादिल।

मर्कूस 6:30

उखे प्रेरितत लिहां वयाः इमिसं यानावःगु ज्‍या व इमिसं स्‍यना वःगु खँ फुक्‍कं वय्‌कःयात कन।

मत्ती 12:28

अथे मखु, जितः परमेश्‍वरयागु आत्‍मां भूतयात पितिनाछ्वयेगु शक्ति ब्‍यूगु खः धयागु जूसा परमेश्‍वरयागु राज्‍य छिमिथाय् वये धुंकल धकाः सीकि।

मत्ती 3:16

वय्‌कः बप्‍तिस्‍मा कयाः उघ्रिमय् लखं थाहां झाल। उबलय् हे स्‍वर्ग चाल, अले वय्‌कलं परमेश्‍वरयागु आत्‍मा सुकुभतु थें जुयाः थःगु म्‍हय् जूवयाच्‍वंगु खन।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

प्रकाश 2:17

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःम्‍हय्‌सित जिं सुचुका तयागु मन्‍ना बी। अले छगू न्‍हूगु नां च्‍वयातःगु तुयुगु ल्‍वहं छगः नं बी। व काःम्‍हय्‌सिनं जक थ्‍व नां थुइ, मेपिन्‍सं थुइ मखु।

प्रेरित 1:22

थ्‍व मनू यूहन्‍नां बप्‍तिस्‍मा ब्‍यूबलय् निसें येशू स्‍वर्गय् झायादीबलय् तकं झीनाप दुम्‍ह जुइमाः। वं झीसं थें येशू सिनाः म्‍वानावःगु खँय् साक्षी बीमाः।”