२ तिमोथी 2:20 - नेवाः बाइबल

²⁰ ततःधंपिनिगु छेँय् लुँ, वहःयागु थलबल जक मखु, चायागु व सिँयागु थलबल नं दयाच्‍वनी। गुगुं थलबल भ्‍वय्‌बलय् जक छ्यली, गुगुं थलबल मेबलय् छ्यली।

२ तिमोथी 2:20 Referans Kwoze

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।

१ तिमोथी 3:15

अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

विलाप 4:2

भिंगु लुँ थें मू वंपिं सियोनया काय्‌पिं आः कुमाःया ल्‍हातं दय्‌कातःगु चायागु थलबल थें जुल।

एज्रा 6:5

नबूकदनेसरं यरूशलेमया देगलं बेबिलोनय् हःगु परमेश्‍वरया भवनया लुँ व वहःयागु थलबल नं लितयंकाः यरूशलेमयागु देगलय् तयाबीमाः। व फुक्‍क लितयंकाः परमेश्‍वरया भवनय् थथःगु थासय् तयाबीमाः।”

एफिसी 2:22

छिपिं नं मेपिं थें पवित्र आत्‍माय् परमेश्‍वर च्‍वनादीगु छेँ जुइत नापनापं च्‍वजाया वनी।

२ कोरिन्‍थी 4:7

चायागु थलय् तःजिगु धन तः थें परमेश्‍वरं जिमिगु मनय् झल्‍ल मत थीकादिल। थुकिं हे जिमिगु शक्ति मखु, बरु वय्‌कःयागु शक्ति खः धकाः सी दइ।

एज्रा 1:6

इमि सकल जःलाखःलातय्‌सं थःगु इच्‍छां ब्‍यूगु देछानापं इमित वहःयागु थल, लुँ, लँय् माःगु सामान, पशु व थिकेथिकेगु मालताल बियाः ग्‍वाहालि बिल।

दानिएल 5:2

दाखमद्य त्‍वनाच्‍वंबलय् हे बेलसजर जुजुं थःम्‍हं, थः भारदारतय्‌सं अले थः कलाःपिन्‍सं व मथ्‍याःपिं कलाःपिन्‍सं दाखमद्य त्‍वनेत न्‍हापायाम्‍ह जुजु नबूकदनेसरं यरूशलेमया देगलं हःगु लुँ व वहःयागु थलबल अन हयेगु आज्ञा बिल।

प्रस्‍थान 27:3

वेदीया नउ तयेगु थल, नउ तुइगु चतं, बाता, ला लिकायेगु नतू व मिथल दय्‌कि। थुपिं फुक्‍क कँय्‌यागु जुइमाः।

यूहन्‍ना 8:49

वय्‌कलं लिसः बियादिल – “जिके भूत दुबिनाच्‍वंगु मदु। जिं जिमि बाःयात तःधंका च्‍वना, छिकपिन्‍सं जितः क्‍वह्यंकादिल।

रोमी 9:20

मनू जुयाः परमेश्‍वरयात लिसः बीम्‍ह छ सु खः? जितः छाय् थथे दय्‌का धकाः दय्‌कातःगु सामानं दय्‌कूम्‍हय्‌सित न्‍ह्यसः याइ ला?