२ तिमोथी 2:11 - नेवाः बाइबल

¹¹ थथे धयातःगु धात्‍थें खः – “वय्‌कः नाप सीसा वय्‌कः नाप हे म्‍वाये दइ।

२ तिमोथी 2:11 Referans Kwoze

रोमी 6:8

थुकथं ख्रीष्‍टलिसे झीपिं सी धुंकल धाःसा वय्‌कःनापं च्‍वने दइगु विश्‍वास झीके दु।

१ तिमोथी 1:15

पापीतय्‌त मुक्ति बीत ख्रीष्‍ट येशू थ्‍व संसारय् झायादीगु धात्‍थें हे खः धयागु खँ फुक्‍कसिनं मानय् याये हे माः। पापीत मध्‍ये नं जि तसकं पापीम्‍ह खः।

रोमी 6:5

वय्‌कः सी थें झीपिं नं सी धुंकल धयागु खःसा वय्‌कः सीम्‍हं म्‍वाना वः थें झीपिं नं सीसां म्‍वाना वइतिनि।

२ कोरिन्‍थी 4:10

येशू ख्रीष्‍ट जिमिगु जीवनय् प्रकट जुइमा धकाः वय्‌कः थें सीमातले नं जिमिसं न्‍हियान्‍हिथं दुःखकष्‍ट फयाच्‍वना।

यूहन्‍ना 14:19

भचा जाय्‌काः संसारं जितः खनी मखुत। अय्‌नं छिमिसं धाःसा जितः खनी, छाय्‌धाःसा जि न्‍ह्याबलें दु, अले छिपिं नं न्‍ह्याबलें दइ।

तीतस 3:8

थ्‍व खँ धात्‍थें खः। थ्‍व खँय् छं अप्‍वः मन बियाः स्‍यँ। थथे यात धाःसा परमेश्‍वरयात विश्‍वास याःपिन्‍सं भिंगु भिंगु ज्‍या यायेत कुतः याइ। थ्‍व फुक्‍क मनूतय्‌त ज्‍यालगय् जूगु भिंगु खँ खः।

१ थेसलोनिकी 5:10

वय्‌कः झीगु निंतिं सिनादिल। अय्‌जूगुलिं प्रभु लिहां झाइबलय् झीपिं म्‍वाना च्‍वंसां, सी धुंकूसां वय्‌कः नाप च्‍वने दइ।

१ थेसलोनिकी 4:17

थ्‍व हे इलय् तक म्‍वानाच्‍वंपिं नं इपिं नाप तुं प्रभुयात आकाशय् नापलायेत सुपाँचय् थाहां वनी। थुकथं झीपिं सदां प्रभु नाप च्‍वने खनी।

२ कोरिन्‍थी 13:4

अथे ला वय्‌कःयात क्रूसय् यख्‍खायाः स्‍याःबलय् वय्‌कः कमजोर तिनि। तर आः परमेश्‍वरया शक्तिं वय्‌कः म्‍वानादीगु दु। जिपिं नं वय्‌कः थें कमजोर तिनि। तर परमेश्‍वरया शक्तिं जिपिं वय्‌कःलिसे म्‍वानाच्‍वने। थ्‍व हे शक्ति जिमिसं छिमिगु दथुइ क्‍यने।

१ तिमोथी 3:1

थथे धयातःगु धात्‍थें हे खः – सुनानं मण्‍डलीया बिशप जुइ मास्‍ति वय्‌कूसा, वं तसकं बांलाःगु इच्‍छा यात।