२ थेसलोनिकी 3:1 - नेवाः बाइबल

¹ दाजुकिजापिं, प्रभुयागु भिंगु खँ न्‍यंकभनं न्‍यनावनेमा, अले छिमिसं थें फुक्‍कसिनं न्‍यनाः विश्‍वास यायेमा धकाः जिमिगु निंतिं प्रार्थना याना च्‍वँ।

२ थेसलोनिकी 3:1 Referans Kwoze

१ थेसलोनिकी 5:25

दाजुकिजापिं, जिमिगु निंतिं प्रार्थना या।

कलस्‍सी 4:3

जिमिगु निंतिं नं प्रार्थना या। ख्रीष्‍टयागु खँ कनेत व परमेश्‍वरयागु वचन न्‍यंकेत वय्‌कलं न्‍ह्याथासं लँ चायेकादीमा धकाः प्रार्थना या। थुकियागु निंतिं हे जिं थथे झ्‍यालखानाय् कुंका च्‍वनेमाल।

१ कोरिन्‍थी 16:9

थन जिगु विरोधीत यक्‍व दुसां जिं थन तसकं हे तःधंगु ज्‍या पूवनीगु खना।

१ थेसलोनिकी 1:8

छिमिसं प्रभुयागु वचन माकेडोनियाय् व अखैयाय् जक न्‍यंकूगु मखु, बरु छिमिसं परमेश्‍वरयात विश्‍वास याःगु खँनापं न्‍यंकभनं बय्‌बय् जूगु दु। थ्‍व खँय् जिमिसं छुं हे धया च्‍वनेमाःगु मदु।

प्रेरित 19:20

थुकथं प्रभुयागु वचन धिसिलाक्‍क न्‍यनावन।

१ थेसलोनिकी 5:17

न्‍ह्याबलें प्रार्थना याना च्‍वँ।

प्रेरित 12:24

अय्‌सां परमेश्‍वरयागु भिंगु खँ यक्‍व थासय् न्‍यनावन, अले विश्‍वासीत नं यक्‍व दयावन।

२ तिमोथी 2:9

थ्‍व हे भिंगु खँ न्‍यंकाः जिं थथे अपराधीयात थें नेवलं चिकाः च्‍वनेमाली। तर परमेश्‍वरयागु वचनयात सुनानं चिनातये फइ मखु।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

१ थेसलोनिकी 2:13

जिमिसं परमेश्‍वरयागु वचन न्‍यंकाबलय् छिमिसं थुकियात मनूतय्‌गु वचन मखु, परमेश्‍वरयागु हे वचन खः धकाः न्‍यना काल। धात्‍थें हे थ्‍व परमेश्‍वरयागु वचन खः। अले थ्‍व हे वचनं छिमिगु नुगलय् हा कयाच्‍वंगु दु। उकिं जिमिसं परमेश्‍वरयात न्‍ह्याबलें सुभाय् बियाच्‍वनागु दु।

१ थेसलोनिकी 2:1

दाजुकिजापिं, जिपिं आम्‍कन वयागु सितिं मवं धकाः ला छिमिसं सि हे स्‍यू।

१ थेसलोनिकी 1:5

छाय्‌धाःसा जिमिसं छिमित न्‍यंकागु वचन म्‍हुतुं जक न्‍यंकागु मखु, बरु शक्ति व पवित्र आत्‍मापाखें व दुनुगलंनिसें हे न्‍यंकागु खः। छिपिंनाप च्‍वनाबलय् जिपिं गज्‍याःपिं खः धकाः ला छिमिसं सि हे सिल।

२ कोरिन्‍थी 1:11

छिमिसं नं जिमिगु ग्‍वाहालिया निंतिं थथे हे प्रार्थना यानाः परमेश्‍वरं जिमित आशिष बियादीगुलिं यक्‍वसिनं वय्‌कःयात सुभाय् बियाच्‍वंगु दु।

रोमी 15:30

यःपिं दाजुकिजापिं, झी प्रभु येशू ख्रीष्‍टया नामं व पवित्र आत्‍मां बियादीगु मायां जिगु निंतिं जिलिसें मदिक्‍क परमेश्‍वरयात प्रार्थना यानाब्‍यु धकाः बिन्‍ति यानाच्‍वना।

प्रेरित 6:7

परमेश्‍वरयागु वचन फुक्‍क थासय् बय्‌बय् जुयाः वन। थुकथं यरूशलेमय् चेलात यक्‍व हे दयावल। हानं पुजाहारीत नं यक्‍वसिनं हे विश्‍वास यात।

मत्ती 9:38

अय्‌जूगुलिं बाली थुवाःयात बाली लइपिं छ्वयाहयादिसँ धकाः प्रार्थना या।”

भजनसंग्रहया सफू 138:2

छिगु पवित्र देगःपाखे स्‍वयाः जिं पुलिं चुयाः भ्‍वपुले। अले छि सदां दया माया यानादीम्‍ह व विश्‍वास याये बहःम्‍ह जूगुलिं छिं थःगु नां व वचन फुक्‍क स्‍वयाः च्‍वय् लाः धकाः क्‍यनादीगुलिं छिगु नांया प्रशंसा याये।

लूका 10:2

वय्‌कलं इमित धयादिल – “बाली लयेगु ला यक्‍व हे दु, बाली लइपिं धाःसा कम जक दु। अय्‌जूगुलिं बाली थुवाःयात बाली लइपिं छ्वयाहयादिसँ धकाः प्रार्थना या।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।