२ थेसलोनिकी 2:5 - नेवाः बाइबल

⁵ छिमिथाय् दुबलय् हे जिं छिमित थथे धयागु खः। छिमिसं आः तक लुमंकातःगु हे दयेमाः।

२ थेसलोनिकी 2:5 Referans Kwoze

२ पत्रुस 1:15

जि सिनावने धुंकाः नं छिमिसं थ्‍व फुक्‍क खँ न्‍ह्याबलें लुमंकातये फयेमा धयागु जिगु आशा खः।

२ थेसलोनिकी 3:10

छिपिंनाप च्‍वनाबलय् हे जिमिसं छिमित थथे धयागु खः – “ज्‍या मयासें च्‍वनीपिन्‍त नके नं मते।”

१ थेसलोनिकी 2:11

बौनं थः मस्‍तय्‌त गथे याना तइ, अथे हे जिमिसं नं छिमित याना तया।

गलाती 5:21

डाहा यायेगु, अय्‌लाः थ्‍वँ त्‍वना जुइगु, मोजमज्‍जा यानाजुइगु, थथे हे मेमेगु ज्‍या यानाजुइगु। थज्‍याःपिं परमेश्‍वरयागु राज्‍यय् दुहां वने फइ मखु धकाः जिं न्‍हापा नं धायेधुन, आः नं थ्‍व हे खँ जिं छिमित धयाच्‍वना।

प्रेरित 20:31

अय्‌जूगुलिं होश यानादिसँ, स्‍वदँ स्‍वदँ तक जिं छिकपिन्‍त चच्‍छि न्‍हिच्‍छि ख्‍वबि हाय्‌काः स्‍यनागु खँ ल्‍वःमंकादी मते।”

यूहन्‍ना 16:4

इमिसं थथे याइ धकाः जिं धयागु खँ छिमिसं लुमंकेमा धकाः जिं थ्‍व खँ धयाच्‍वनागु खः। न्‍हापांनिसें हे जि छिपिंलिसे दुगुलिं जिं थ्‍व खँ मकनागु खः।”

मर्कूस 8:18

मिखा दयाः नं छिमिसं मखं ला? न्‍हाय्‌पं दयाः नं छिमिसं मताः ला? थुलि याकनं हे ल्‍वःमने धुंकल ला?

मत्ती 16:9

छिमिसं अज्‍ज नं मथूनि ला? न्‍याद्वः मनूतय्‌त न्‍यापा मरि इनाः नकागु ल्‍वःमन ला? अले छिमिसं कुचाकाचा जक ग्‍वःगः दालाय् मुंका?

१ थेसलोनिकी 3:4

छिपिंनाप दुबलय् हे जिमिसं छिमित थज्‍याःगु दुःखकष्‍ट वइ धकाः धयागु खः। जिमिसं गथे धया अथे हे जुल।

२ थेसलोनिकी 2:6

ई जुल कि व खनेदय्‌कः वइ। आः थथें खनेदय्‌कः वयेत वयात सुनां पनातःगु दु धकाः ला छिमिसं सि हे स्‍यू।