२ थेसलोनिकी 1:4 - नेवाः बाइबल

⁴ छिमिसं उलिमछि दुःखकष्‍ट सिया च्‍वनेमालं नं क्‍वात्तुक विश्‍वास यानाः सह यानाच्‍वंगु खँ जिमिसं थाय् थासय् परमेश्‍वरयागु मण्‍डलीइ च्‍वंपिन्‍त छ्यं धस्‍वाकाः कनेफु।

२ थेसलोनिकी 1:4 Referans Kwoze

हिब्रू 10:36

परमेश्‍वरयात यःगु ज्‍या यायेत व वय्‌कलं बियादी धकाः धयादीगु कायेत छिमिसं नुगः क्‍वात्तुका च्‍वँ।

१ थेसलोनिकी 2:14

दाजुकिजापिं, ख्रीष्‍ट येशूयात विश्‍वास यानाच्‍वंपिं यहूदियाय् च्‍वंगु मण्‍डलीयापिन्‍सं थें छिमिसं नं दुःखकष्‍ट सियाच्‍वंगु दु। इमित गथे यहूदीतय्‌सं दुःख बियाच्‍वन, छिमित नं अथे हे छिमिगु देशय् च्‍वंपिन्‍सं दुःख बियाच्‍वंगु दु।

१ थेसलोनिकी 2:19

जिमिगु आशा धाःसां, जिमिगु लय्‌ताः धाःसां, अले झी प्रभु येशू ख्रीष्‍ट झाइबलय् जिमि छ्यं धस्‍वाकेगु श्रीपेच धाःसां छिपिं हे, मखु ला?

१ थेसलोनिकी 1:3

परमेश्‍वर बाःया न्‍ह्यःने छिमिसं विश्‍वास याःथें ज्‍या यानाच्‍वंगु, थःथवय् माया यानाः अज्‍ज अप्‍वः मन तयाः प्रभुया ज्‍या यानाच्‍वंगु व आशा मत्‍वःतुसे प्रभु येशू ख्रीष्‍टयात क्‍वात्तुक विश्‍वास यानाच्‍वंगु खँ जिमिसं लुमंकाच्‍वनागु दु।

२ कोरिन्‍थी 7:14

छिमिगु खँ जिं वयात फुइँ यानाः धया। जिं वयात फुइँ यानाः धया थें छिमिसं यानाक्‍यन। जिमिसं छिमित न्‍ह्याबलें सत्‍य खँ धयाच्‍वनागु दु। अथे हे तीतसयात जिमिसं धयागु खँ नं सत्‍य जुल।

प्रकाश 14:12

परमेश्‍वरयागु आज्ञा मानय् याइपिं व येशू ख्रीष्‍टयात विश्‍वास याना मत्‍वःतूपिं विश्‍वासीतय्‌सं सह याः कि मयाः धकाः थुकिं हे सी दइ।

१ कोरिन्‍थी 7:17

परमेश्‍वरं धयादी थें व सःतादी थें छिपिं जुइमा धकाः जिं फुक्‍क मण्‍डलीयात स्‍यना वयागु खः।

२ पत्रुस 1:6

अथे हे ज्ञान जक दयां नं मगाः, चालचलन नं भिंका जुइमाः। चालचलन भिनां जक मगाः, मन थातं तया च्‍वनेमाः। मन थातं तयां जक मगाः, परमेश्‍वरयात मानय् नं यायेमाः।

याकूब 5:11

इमिसं अथे सहयाना च्‍वने फुगुलिं झीसं इमित “धन्‍य खः” धकाः धयाच्‍वना। अय्‍यूब धाःम्‍ह मनुखं नं गथे लिपा तक सह यानाच्‍वन, अले प्रभुं हे वयात यक्‍व लिधंसा बियादीगु खँ नं छिमिसं स्‍यू। प्रभुयागु दया माया तःधं।

हिब्रू 6:15

अब्राहाम हथाय् मचासे पियाच्‍वंगुलिं परमेश्‍वरं बियादी धकाः बचं बियादीगु आशिष वयात दत।

२ थेसलोनिकी 3:5

प्रभुं छिमित परमेश्‍वरयागु माया व ख्रीष्‍टयागु सह यानाच्‍वनेगु शक्ति थुइकादीमा।

२ कोरिन्‍थी 9:4

माकेडोनियाय् च्‍वंपिं सुं विश्‍वासीत जि नाप छिमिथाय् वयाः छिमिसं धिबा बी मफुत धाःसा जितः नं छिमित नं लज्‍या जुइ, छाय्‌धाःसा जिमिसं छिमिके यक्‍व भरोसा तयागु खः।

२ कोरिन्‍थी 9:2

छिपिं इमित ग्‍वाहालि बीत न्‍ह्यचिलाच्‍वंगु दु धकाः स्‍यूगुलिं जिं माकेडोनियाय् च्‍वंपिं विश्‍वासीतनाप छिमित तःधंकाः खँ ल्‍हाना। अखैयाय् च्‍वंपिं विश्‍वासीत सकलें दच्‍छि न्‍ह्यःनिसें हे धिबा बीत न्‍ह्यचिलाच्‍वंगु दु धकाः जिं इमित धयाबिया। छिमिगु थज्‍याःगु खँ न्‍यनाः इपिं नं धिबा बीत न्‍ह्यचिलाच्‍वंगु दु।

रोमी 12:12

छिमिके तःधंगु आशा दुगुलिं लय्‌ताया च्‍वँ। दुःखकष्‍ट जूसां सहयाना च्‍वँ। प्रार्थना यायेगु गुबलें त्‍वःते मते।

रोमी 8:25

झीसं खंके मफुगु आशा यानागु खः धयागु जूसा थ्‍व आशाय् संका मयासें, अले हथाय् मचासे झीसं पियाच्‍वनेमाः।

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

२ कोरिन्‍थी 7:4

छिमित जिं यक्‍व हे पत्‍याः यानाच्‍वनागु दु। छिमिगुपाखें जिं फुइँ यायेथाय् दु। छिमिगुपाखें सान्‍त्‍वना दयाः न्‍ह्यागु दुःखकष्‍ट जूसां जितः लय्‌ता वः।

२ कोरिन्‍थी 12:10

थथे जूगुलिं ख्रीष्‍टयागु निंतिं बमलाःसां, बेइज्‍जत याःसां, मछिंसां, दुःखकष्‍ट जूसां, स्‍यंकेत स्‍वःसां, जि तसकं लय्‌ताः। गुबलय् जि बमलाइ अबलय् जितः बल्‍लाकी।

हिब्रू 6:12

छिपिं अल्‍छी जूगु जिमित मयः, बरु दुनुगलंनिसें परमेश्‍वरयात विश्‍वास याःपिं मनूतय्‌सं थें वय्‌कलं बी धयादीगु कायेत कुतः या।