२ शमूएल 9:1 - नेवाः बाइबल

¹ दाऊदं न्‍यन, “छु शाऊलया घरानाय् बचय् जूम्‍ह सुं दु ला, वयात जिं जोनाथनया कारणं माया याये फइ ला?”

२ शमूएल 9:1 Referans Kwoze

१ शमूएल 20:42

अनंलि जोनाथनं दाऊदयात धाल, “याउँक हुँ, छ व जि अले छिकपिनि सन्‍तान व जिमि सन्‍तानया दथुइ सदां साक्षी जुयादीम्‍ह परमप्रभुया नामं झीसं बाचा चिनागु दु।” अले दाऊद याकनं हे अनं वन, जोनाथन धाःसा शहरय् तुं लिहां वन।

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

१ पत्रुस 3:8

मू खँ छु धाःसा, छिपिं सकलें छगू मनयापिं, क्‍वमिलु, दाजुकिजापिं थें थःथवय् माया याइपिं व सकसितं दया माया याइपिं जुयाच्‍वँ।

मर्कूस 9:41

जिं छिमित धात्‍थें धाये – सुनानं ख्रीष्‍टया मनूत धकाः छिमित लः जक त्‍वंकूसां वयात इनाम दइ।”

१ राजा 2:7

“गिलादया बर्जिल्‍लैया काय्‌पिन्‍त धाःसा दयामाया या, इमित छंगु टेबिलय् थःनापं नकि। छिमि दाजु अब्‍शालोमपाखें जि बिस्‍युं जुयाबलय् इपिं जिनापं हे जुल।

२ शमूएल 1:26

हे जोनाथन, जिमि किजा, छंगु निंतिं जिं विलाप याये, छ जिगु निंतिं तसकं यःम्‍ह व माया वंम्‍ह खः। छंगु माया जिगु निंतिं तसकं अजू चायापुसे च्‍वं, छंगु माया मिसातय्‌गु स्‍वयाः नं बांलाः।”

हितोपदेश 27:10

थः पासा व थः बौया पासायात त्‍वःते मते। थःत दुःख जुइबलय् थः दाजुकिजायाथाय् ग्‍वाहालि फ्‍वंवने मते। तापाःपिं दाजुकिजां स्‍वयाः सत्तीक च्‍वंपिं जःलाखःलां हे ग्‍वाहालि याइ।

मत्ती 10:42

जिं छिमित खःगु खँ धाये – सुनानं जिमि चेला खः धकाः दकलय् चिधंम्‍ह मनूयात तकं छगू गिलास जक लः त्‍वंकूसां वं सिरपाः कायेखनी।”

२ शमूएल 9:7

दाऊदं धाल, “ग्‍याये मते। जिं छन्‍त छिमि अबु जोनाथनया कारणं दया याये। जिं छिमि बाज्‍या शाऊलया जग्‍गा छन्‍त लितबी। अले छ जिनापं न्‍ह्याबलें हे टेबिलय् च्‍वनाः नयेगु जुइ।”

२ शमूएल 21:7

जुजुं दाऊद व शाऊलया काय् जोनाथनं परमप्रभुया न्‍ह्यःने पाफःगुलिं शाऊलया छय्, जोनाथनया काय् मपीबोशेतयात बचय् याना तल।