२ शमूएल 6:3 - नेवाः बाइबल

³ इमिसं परमेश्‍वरया सनू छगू न्‍हूगु गाडाय् तयाः डाँडाय् च्‍वंगु अबीनादाबया छेँनं हल। अले अबीनादाबया काय्‌पिं उज्‍जाह व अहियों गाडा न्‍ह्याकाः यंकल।

२ शमूएल 6:3 Referans Kwoze

१ शमूएल 6:7

“आः गुबलें ज्‍वतय् मयाःम्‍ह दुरु ब्‍यूम्‍ह निम्‍ह सा अले छगू न्‍हूगु रथ तयार या। अले व सातय्‌त रथय् चिनाब्‍यु इमि साचात धाःसा गलय् हे लित यंकि।

१ शमूएल 7:1

अथे जुयाः किर्यत-यारीमया मनूत वयाः परमप्रभुया सनू यंकल। इमिसं सनू डाँडाय् च्‍वनाच्‍वंम्‍ह अबीनादाबया छेँय् हल। वया काय् एलाजारयात सनू स्‍वयेगु ज्‍याया निंतिं लःल्‍हाना बिल।

१ इतिहास 15:13

थ्‍व सिबें न्‍हापा अन छिपिं मदुगुलिं परमप्रभु परमेश्‍वर जिपिं खनाः तंचायादिल। छाय्‌धाःसा जिमिसं बाचाया सनू गथे यानाः हयेमाः धकाः वय्‌कःयाके मन्‍यन।”

भजनसंग्रहया सफू 132:6

एप्राताय् जिमिसं बाचाया सनूया बारे न्‍यना, अले याआरया ख्‍यलय् जिमिसं व लुइका।