२ शमूएल 4:12 - नेवाः बाइबल

¹² अथे जुयाः दाऊदं थः मनूतय्‌त हुकुम यात अले इमिसं इमित स्‍यात। इमिसं इमिगु ल्‍हाः व तुति पाल, अले इमित हेब्रोनया पुखू लिक्‍क यख्‍खानाबिल। ईश्‍बोशेतया छ्यं धाःसा इमिसं कयाः हेब्रोनय् अबनेरया चिहानय् थुनाबिल।

२ शमूएल 4:12 Referans Kwoze

२ शमूएल 3:32

इमिसं अबनेरयात हेब्रोनय् थुन, अले चिहानय् जुजु तसकं ख्‍वल। अले फुक्‍क मनूत नं वनापं हे ख्‍वल।

२ शमूएल 1:15

छाय्‌धाःसा “परमप्रभुया अभिषेक जूम्‍ह जुजुयात जिं स्‍यानागु खः” धकाः छं थम्‍हं हे धाल। अथे जुयाः दाऊदं वयात थथे धाल, “छंगु हि छंगु हे छेनय् लायेमा, अनंलि थः मनूत मध्‍ये छम्‍हय्‌सित वयात हमला या धकाः हुकुम बिल। अले व मनूयात कय्‌काः स्‍यात।”

मत्ती 7:2

छाय्‌धाःसा गथे छिमिसं मेपिन्‍त दोष बिल, अथे हे छिमित नं दोष बी। गुलि छिमिसं कर्पिन्‍त बिल, उलि हे छिमित नं बी।

भजनसंग्रहया सफू 55:23

तर हे परमेश्‍वर, छिं दुष्‍टतय्‌त विनाशया गालय् क्‍वफानादी। मनू स्‍यानाजुइपिं व फताहात मत्‍यवं हे सिनावनी। तर जिं ला छितः विश्‍वास यानाच्‍वने, हे परमेश्‍वर!

२ शमूएल 21:9

दाऊदं इमित गिबोनीतय्‌गु ल्‍हातय् लःल्‍हाना बिल, अले इमिसं इमित परमप्रभुया न्‍ह्यःने डाँडाय् स्‍यानाः इमिगु सीम्‍ह यख्‍खानाबिल। इपिं न्‍हय्‌म्‍ह छकलं क्‍वय् कुतुंवन। इमित तछ्व लयेगु न्‍हापांगु दिनय् स्‍याःगु खः।

२ शमूएल 2:8

थुकिया दथुइ शाऊलया सेनापति नेरया काय् अबनेरं शाऊलया काय् ईश्‍बोशेतयात महनोमय् यंकल,

२ शमूएल 16:8

शाऊलया घरानाय् हि हाय्‌काः वया पलेसा राज्‍य यायेत स्‍वःम्‍हय्‌सित थौं परमप्रभुं बदला कयादीगु पक्‍का हे खः। अले थ्‍व राज्‍य परमप्रभुं छिमि काय् अब्‍शालोमयात बियादिल। छ नाश जुइ धुंकल छाय्‌धाःसा छ ज्‍यानमारा खः।”