२ शमूएल 3:8 - नेवाः बाइबल

⁸ थ्‍व खं अबनेरं तसकं तंम्‍वयाः धाल, “छु धया! छं स्‍वय्‌बलय् जिं छिमि घरानायात ध्‍वखा बियाः यहूदा कुलनापं ज्‍या याइ धकाः च्‍वना ला? आः तक ला जि छिमि अबु शाऊलया घराना, वया दाजुकिजापिं व वया पासापिनि भक्त खः, अले जिं छितः दाऊदया ल्‍हातय् बियाः बेइमान यानागु मदु। अय्‌नं छाय् थ्‍व मिसाया बारे जितः ज्‍यालगय् मजूगु द्वपं बियागु!

२ शमूएल 3:8 Referans Kwoze

२ शमूएल 9:8

मपीबोशेतं हाकनं क्‍वछुनाः भागियानाः धाल, “जि सु खः धकाः, छपिन्‍सं जि छम्‍ह सी धुंकूम्‍ह खिचायात वास्‍ता यनादीयागु?”

२ शमूएल 16:9

अले सरूयाहया काय् अबीशैनं जुजुयात धाल, “स्‍वयादिसँ, थ्‍व सीम्‍ह खिचां छाय् छितः सराः बियाच्‍वंगु? जि उखेपाखे वनाः वयागु छ्यं द्येनाबी।”

यशैया 37:23

छं सुयात क्‍वह्यंकाः व ब्‍वः बिया? अले सुयागु विरोधय् छं न्‍ववानागु वा तःधंछुयागु दु? इस्राएलया पवित्र परमेश्‍वरया विरोधय् मखु ला!

भजनसंग्रहया सफू 76:10

मनूतय्‌सं गुलि तं क्‍यनी, उलि हे छिगु नां तःधनी। लडाइँपाखें बचय् जूपिन्‍सं छिगु नखः हनी।

२ राजा 8:13

हजाएलं धाल, “जि ला खिचा थें ज्‍याःम्‍ह खः। जि ला छुं नं मखु। जिं थज्‍याःगु ततःधंगु ज्‍या गथे यानाः याये फइ?” एलीशां लिसः बिल, “छ अरामया जुजु जुइ धकाः परमप्रभुं जितः क्‍यनादीगु दु।”

२ शमूएल 5:2

न्‍हापा शाऊल जुजु जुयाच्‍वंबलय् नं छि लडाइँलय् जिमि सिपाइँतय् न्‍ह्यलुवाः जुयादीगु खः। अले परमप्रभुं छितः थथे धयादिल, ‘छ जिम्‍ह मनूतय् जवाः व शासक जुइ।’”

२ शमूएल 3:18

आः व ज्‍या पूवंकीगु ई थ्‍व हे खः, छाय्‌धाःसा दाऊदया बिषय्‌लय् परमप्रभुया बचं थ्‍व दु, जिमि दास दाऊदया ल्‍हातं हे जिमि प्रजा इस्राएलयात पलिश्‍तीतय्‌गु व इमि फुक्‍क शत्रुतपाखें बचय् याइ।”

२ शमूएल 3:9

जिं दाऊदयात परमप्रभुं वयात जिं याये धकाः बियादीगु बचंया लागिं ग्‍वाहालि मयात धाःसा परमेश्‍वरं हे जितः कडा सजाँय बियादीमा।

१ शमूएल 15:28

शमूएलं वयात धाल, “थौं परमप्रभुं इस्राएलया राज्‍य छिगु ल्‍हातं लाकाः छि स्‍वयाः भिंम्‍ह मनूयात बियादीगु दु।

व्‍यवस्‍था 23:18

छुं भाकल पूवंकेत छिमिसं मिजं वेश्‍या वा मिसा वेश्‍यां कमय् यानाहःगु धिबा परमेश्‍वरया न्‍ह्यःने महयेमाः, छाय्‌धाःसा परमप्रभु छिमि परमेश्‍वरयात थुपिं निथिं मनूतय्‌सं कमय् याःगु धिबा मयः।

१ शमूएल 17:43

वं दाऊदयात धाल, “छु जि खिचा खः ला? कथि च्‍वनाः जिनापं ल्‍वाः वयेत!” अले वं थः द्यःतय्‌गु नां कयाः दाऊदयात सराः बिल।

२ शमूएल 2:8

थुकिया दथुइ शाऊलया सेनापति नेरया काय् अबनेरं शाऊलया काय् ईश्‍बोशेतयात महनोमय् यंकल,