२ शमूएल 2:1 - नेवाः बाइबल

¹ अनंलि दाऊदं परमप्रभुयात थथे धकाः न्‍यन, “छु जि यहूदाया छुं छगू शहरय् वने ला?” परमप्रभुं लिसः बियादिल, “हुँ।” दाऊदं न्‍यन, “गुगु शहरय् वनेगु?” अले थथे लिसः वल, “हेब्रोनय्।”

२ शमूएल 2:1 Referans Kwoze

१ शमूएल 30:31

हेब्रोनय् च्‍वंपिन्‍थाय् अले दाऊद व वया मनूत वंगु थासय् च्‍वंपिंन्‍थाय् कोस्‍यालि छ्वत।

१ शमूएल 23:2

अले वं परमप्रभुयाके थथे धकाः सल्‍लाह काल, “जि वनाः उपिं पलिश्‍तीतय्‌त हमला याये कि मयाये?” अले परमप्रभुं लिसः बियादिल, “वनाः इमित हमला या हुँ, अले कीलाह शहरयात बचय् या।”

१ शमूएल 23:4

दाऊदं हाकनं छकः परमप्रभुयाके सल्‍लाह काल। अले परमप्रभुं थथे धकाः लिसः बियादिल, “कीलाह शहरय् हुँ। जिं पलिश्‍तीतय्‌त छंगु ल्‍हातय् बी।”

उत्‍पत्ति 32:2

याकूबं इमित खनाः धाल, “थ्‍व ला परमेश्‍वरयाथाय् खः!” उकिं वं व थाय्‌यागु नां महनोम तल।

इजकिएल 36:37

“परमप्रभु परमेश्‍वरं थथे धयादी – इस्राएलया घरानाया बिन्‍ति जिं स्‍वीकार याये, अले इमिगु निंतिं जिं थ्‍व ज्‍या यानाबी। जिं इमि मनूतय्‌त फैत थें अल्‍याख यानाबी।

भजनसंग्रहया सफू 143:8

सुथया इलं छिगु सदां दयाच्‍वनीगु दया मायाया वचन हयेमा, छाय्‌धाःसा छिके हे जिं भलसा तयागु दु। जि वनेमाःगु लँ क्‍यनादिसँ, जिं थःगु मन छिपाखे हे ल्‍ह्वने।

भजनसंग्रहया सफू 27:4

जिं न्‍ह्याबलें माला च्‍वनागु छता हे जक खँ परमप्रभुयाके जिं छता हे जक फ्‍वने, जिं व हे मालाच्‍वने, परमप्रभुयागु हिसिलाःगु ख्‍वाः स्‍वयेत व वय्‌कःयात म्‍हसीकेत वय्‌कःयागु देगलय् सदां च्‍वनेदयेमा।

१ इतिहास 29:7

थथःगु इच्‍छां परमेश्‍वरया देगःया निंतिं १७० टन स्‍वयाः अप्‍वः लुँ, ३४० टन स्‍वयाः अप्‍वः वहः, ६२० टन ति कँय् व ३,४०० टन स्‍वयाः अप्‍वः न बिल।

१ राजा 2:11

हेब्रोनय् न्‍हय्‌दँ व यरूशलेमय् स्‍विस्‍वदँ यानाः वं इस्राएलय् पिइदँ तक शासन यात।

२ शमूएल 15:7

प्‍यदँया दकलय् लिपांगु लाय् अब्‍शालोमं दाऊद जुजुयात धाल, “स्‍वयादिसँ, जिं परमप्रभुनापं यानागु भाकल पूवंके, जितः हेब्रोनय् वनेबियादिसँ।

२ शमूएल 5:23

उकिं दाऊदं हाकनं परमेश्‍वरयाके सल्‍लाह काल, अले परमेश्‍वरं वयात लिसः बियादिल, “च्‍वय् तप्‍यंक थाहां वने मते, चाःहिलाः हुँ। अले मेखेपाखें थाकुराः सिमाया न्‍ह्यःनेनं हमला या।

२ शमूएल 5:19

अथे जुयाः दाऊदं परमप्रभुयाके न्‍यन, “जिं पलिश्‍तीतय्‌त हमला याये ला? छिं इमित जिगु ल्‍हातय् बियादी ला?” अले परमप्रभुं लिसः बियादिल, “हुँ, जिं इमित छंगु ल्‍हातय् बी।”

२ शमूएल 2:11

अले दाऊदं इमित हेब्रोनय् न्‍हय्‌दँ व खुला तक शासन यात।

न्‍यायकर्ता 1:1

यहोशू सीधुंकाः इस्राएलीतय्‌सं परमप्रभुयाके न्‍यन, “गुगु कुलं दकलय् न्‍हापा कनानीतय्‌त हमला यायेमाः?”

गन्‍ती 27:21

यहोशू पुजाहारी एलाजारया न्‍ह्यःने दनेगु यायेमाः, एलाजारं वयागु निंतिं परमप्रभुयाके ऊरीमपाखें फैसला न्‍यनेगु यायेमाः। यहोशूयागु हे उजंकथं फुक्‍क इस्राएलीत व नापं हे वयेगु व वनेगु यायेमाः।”

गन्‍ती 13:22

इपिं नेगेवपाखें थहां वनाः हेब्रोनय् थ्‍यंकः वन। अन अनाकया सन्‍तान अहीमन, शेशै व तल्‍मै च्‍वनाच्‍वंगु जुल। हेब्रोन मिश्रया सोअन शहर स्‍वयाः न्‍हय्‌दँ न्‍ह्यः दय्‌कूगु खः।

उत्‍पत्ति 13:18

अब्रामं थःगु पाल ल्‍ह्ययाः हेब्रोनय् मम्रें पिनाथकूगु सिमा दुथाय् पाखे च्‍वंवन। अन वं परमप्रभुया लागि छगू वेदी दय्‌कल।

यहोशू 15:13

परमप्रभुं यहोशूयात धयादीगु थें यहूदा कुलयाम्‍ह यपुन्‍नेया काय् कालेबयात यहूदा देशयागु छब्‍व बिल। अनाकी वंशया तापाःबाज्‍या अर्बायागु नामं तःगु किर्यत-अर्बा शहर यहोशूं कालेबयात बिल। थुकियात हेब्रोन धकाः नं धाः।

१ शमूएल 10:22

अले हाकनं इमिसं परमप्रभुयात न्‍यन, “छु व मनू थन वःगु दु ला?” परमप्रभुं लिसः बियादिल, “व अन सामान तया तःथाय् दथुइ सुलाच्‍वंगु दु।”

२ इतिहास 11:10

सोरा, अय्‌यालोन व हेब्रोन।