२ शमूएल 18:3 - नेवाः बाइबल

³ तर मनूतय्‌सं धाल, “मखु, छसपोल झायादी म्‍वाः। छुं जुयाः जिपिं बिस्‍युं वये माःसा जिमित सुनानं वास्‍ता याइ मखु। जिपिं बच्‍छि हे सीसां नं इमिसं वास्‍ता याइ मखु। तर छसपोल ला जिपिं झिद्वःति हे ग्‍यं। अथे जुयाः छपिं शहरय् हे च्‍वनाः जिमित ग्‍वाहालि यानादीसा बांलाइ।”

२ शमूएल 18:3 Referans Kwoze

२ शमूएल 21:17

उबलय् सरूयाहया काय् अबीशै दाऊदयात ग्‍वाहालि यायेत वल। वं व पलिश्‍तीयात कय्‌काः स्‍यात। अनंलि दाऊदया मनूतय्‌सं इस्राएलया जः हे तनावनी धकाः ग्‍यानाः दाऊद इपिं नापं लडाइँलय् गुबलें वनी मखु धकाः वयागु न्‍ह्यःने पाफल।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

विलाप 4:20

परमप्रभुया अभिषेक जूम्‍ह जुजु, जिमिगु प्राण इमिगु पन्‍जलय् लात। वय्‌कःयागु सुरक्षाय् जिपिं मेपिं जातितय्‌गु दथुइ सुरक्षित च्‍वने दइ धकाः जिमिसं बिचाः यानागु खः।

१ राजा 22:31

अरामया जुजुं थः रथ सेनाया स्‍विनिम्‍ह कप्‍तानतय्‌त “इस्राएलयाम्‍ह जुजुयात बाहेक मेपिं सुयातं हमला याये मते” धकाः आज्ञा ब्‍यूगु खः।

२ शमूएल 17:2

व त्‍यानुचायाः थाकुयाच्‍वंबलय् हे जिं वयात हमला याये। वयात जिं तसकं ख्‍याये, अले वया फुक्‍क मनूत छ्यालब्‍याल जुयाः बिस्‍युं वनी। जिं जुजुयात बाहेक मेपिं सुयातं स्‍याये मखु।

२ शमूएल 10:11

योआबं अबीशैयात धाल, “अरामीतय्‌सं जितः बुकाच्‍वंगु खन धाःसा छ वयाः जितः ग्‍वाहालि ब्‍यु, अम्‍मोनीतय्‌सं छन्‍त बुकाच्‍वंगु खन धाःसा जि वयाः छन्‍त ग्‍वाहालि बी।

१ शमूएल 18:7

मिसात लय्‌तातां थथे धकाः म्‍ये हाल, शाऊलं द्वलंद्वःयात स्‍यात, अले दाऊदं ला लखं लखयात स्‍यात।