२ पत्रुस 3:3 - नेवाः बाइबल

³ दकलय् न्‍हापां थ्‍व खँ सीकि, लिपा लिपायागु दिनय् थःत यःथें सना जुइपिं मनूत वइतिनि। अले थज्‍याःपिं मनूतय्‌सं छिमित गिजय् याइ।

२ पत्रुस 3:3 Referans Kwoze

यहूदा 1:18

इमिसं छिमित थथे धयावंगु खः – “दकलय् लिपा छिमित हेस्‍याइपिं व थःत यःथें यानाजुइपिं मनूत वइ।”

२ पत्रुस 2:10

अप्‍वः यानाः थःत जक यःथें मभिंगु बांमलाःगु ज्‍याखँ यानाः व परमेश्‍वरयागु अधिकारयात हेपय् यानाजुइपिं मनूतय्‌त वय्‌कलं तःधंगु सजाँय बियादी। अज्‍याःपिं मखुगु खँ स्‍यनीपिं मनूत तसकं तःधंछुइमाः। अले इमिसं थः स्‍वयाः तःधंपिन्‍त हनाबना तइ मखु, हेपय् याना जुइ।

यहूदा 1:16

थुपिं गुब्‍सं लुमधनिपिं, मेपिनिगु दोष जक मालाजुइपिं, थःत यःथें सना जुइपिं, तःधंछुना जुइपिं, व थःगु ज्‍या तिप्‍यंकेत मेपिन्‍त ह्यय्‌कः जुइपिं खः।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

२ पत्रुस 1:20

दकलय् न्‍हापालाक अगमवक्तातय्‌सं धयावंगु खँ इमिसं यसें धयावंगु मखु, परमेश्‍वरं धाय्‌कूगु खः धकाः छिमिसं थुइका तये माल।

२ तिमोथी 3:1

संसार फुनावनीगु इलय् तसकं दुःख जुइ धकाः सीकाति।

हितोपदेश 3:34

वय्‌कलं तःधंछुना जुइपिन्‍त वास्‍ता यानादी मखु, क्‍वमिलुपिन्‍त धाःसा दया यानादी।

हितोपदेश 1:22

हे बुद्धि मदुपिं मनूत! गुबलय् तक छिपिं बुद्धि मदय्‌क च्‍वंच्‍वनेगु, गुबलय् तक कर्पिन्‍त नागःतुगः यानाः न्‍ह्यइपुकाच्‍वनेगु छिपिं, गुबलय् तक छिपिं मूर्खतय्‌सं ज्ञानयात मयय्‌का च्‍वनेगु?

हितोपदेश 14:6

हेबाय्‌चबाय् यानाः ज्ञान मालां गुबलें नं ज्ञान लुइके फइ मखु, तर नुगः क्‍वसाय्‌काः माल धाःसा अःपुक हे लुइ।

१ यूहन्‍ना 2:18

अय् जि यःपिं मस्‍त, थ्‍व संसार याकनं हे फुना वनिन। ख्रीष्‍टया शत्रु वइतिनि धकाः छिमिसं न्‍यनातःगु दु। ख्रीष्‍टया शत्रुत खने दयावये धुंकल। अय्‌जूगुलिं थ्‍व संसार याकनं हे फुना वनिन धकाः झीसं सीके फु।

होशे 7:5

झी जुजुया नखःया दिनय् राजकुमारत दाखमद्यं तसकं काय्‌काच्‍वनी। थःत गिजय् याइपिंनापं ल्‍हाः मिलय् याइ।

यशैया 29:20

दयामदुपिं मनूतय्‌गु नां तक हे ल्‍यं मदय्‌क नाश यानाछ्वइ। मेपिन्‍त क्‍वह्यंकीपिं तनावनी, अले मभिंगु ज्‍याय् मिखा तइपिन्‍त नाश यानाछ्वइ।

यशैया 28:14

अथे जुयाः हे हेबाय्‌चबाय् याइपिं मनूत, सुनां यरूशलेमय् थुपिं प्रजातय्‌त शासन याइ, परमप्रभुया वचन न्‍यँ।

यशैया 5:19

धिक्‍कार दु इमित, गुपिन्‍सं परमप्रभुयात चुनौती बियाः थथे धाइ, “वय्‌कः छाय् हथाय् चायामदीगु अले वय्‌कलं यानादीगु ज्‍या छाय् याकनं झीत मक्‍यंगु छाय् इस्राएलया पवित्र परमेश्‍वरं झायाः थःगु योजना पूवंकामदीगु? अले झीसं व फुक्‍क सीगु।”

यूहन्‍ना 12:48

जितः मयय्‌काः जिगु वचन मानय् मयाइम्‍ह मनूयागु न्‍याय जुइ। जिं नवानागु वचनं हे दकलय् लिपायागु दिनय् न्‍याय याइ।

हिब्रू 1:2

तर आः दक्‍वसिबय् लिपा वय्‌कः थः काय्‌पाखें झीपिंलिसें नवानादीगु दु। काय्‌यात हे वय्‌कलं फुक्‍क सृष्‍टिया हामा यायेत ल्‍ययादिल। वय्‌कःपाखें हे थ्‍व संसारयागु सृष्‍टि यानादिल।