२ पत्रुस 3:11 - नेवाः बाइबल

¹¹ थथे फुक्‍कं नाश जुया वनीगुलिं छिपिं गज्‍याःपिं मनूत जुयाः म्‍वानाच्‍वनेमाः? छिमिसं पवित्र जुयाः, थःत परमेश्‍वरयात देछायाः म्‍वानाच्‍वनेमाः।

२ पत्रुस 3:11 Referans Kwoze

१ पत्रुस 1:15

छिमित सःतादीम्‍ह पवित्रम्‍ह खः। अय्‌जूगुलिं न्‍ह्यागु हे ज्‍याखँ याःसां छिमिसं भिंगु मनं याना च्‍वँ।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

२ पत्रुस 3:12

परमेश्‍वर झायादीगु ई पियाच्‍वँ। अबलय् आकाश छ्वयाः नौ जुयावनी। आकाशय् च्‍वंगु फुक्‍कं क्‍वानाः नायावनी।

१ तिमोथी 6:11

अय् तिमोथी, परमेश्‍वरया मनू, छ थज्‍याःगु मभिंगु खं तापाक च्‍वनाच्‍वँ। परमेश्‍वरया न्‍ह्यःने धर्मी ठहरय् जुइगु, वय्‌कःयात मानय् यानाच्‍वनेगु व भिंम्‍ह जुयाच्‍वनेगु खँय् मन बिया च्‍वँ।

याकूब 3:13

छिमिथाय् परमेश्‍वरयागु वचन स्‍यने फुम्‍ह सुं बुद्धि दुम्‍ह मनू दु धयागु जूसा वं तःधं मजुसे बांलाःगु चालचलनयाम्‍ह जुयाः बांलाक ज्‍या यानाः क्‍यँ।

फिलिप्‍पी 3:20

झीपिं ला स्‍वर्गया नागरिकत खः। झीपिं मुक्ति बीम्‍ह झी प्रभु येशू ख्रीष्‍ट स्‍वर्गं झाइतिनि धकाः लँ स्‍वया च्‍वनापिं खः।

यशैया 34:4

आकाशया फुक्‍क नगुत तनावनी। अले आकाश भ्‍वँ थू तु थें तनावनी। दाखया मां सुकूचिंगु हःत व यःमरिमां सुकूचिंगु फलत कुतुं वः थें आकाशया नगु-नक्षत्रत कुतुंवइ।

यशैया 14:31

हे शहरया मू ध्‍वाखात तःसलं ख्‍व! छिपिं सकलें पलिश्‍तीतय्‌सं भय का! उत्तरपाखें कुँया सुपाँय् वयाच्‍वंगु दु, वया सिपाइँतय् झ्‍वलय् छम्‍ह नं ग्‍याइ मखु।

२ पत्रुस 1:3

पवित्र जुयाः म्‍वायेत माःगु फुक्‍क खँ झीसं परमेश्‍वरया शक्तिं हे कयाच्‍वनागु दु, छाय्‌धाःसा थःगु इज्‍जत व गुण बीत सःतादीम्‍ह परमेश्‍वरयात झीसं म्‍हस्‍यू।

१ तिमोथी 6:3

सुनानं मेकथं स्‍यनेकने याना जुल, अले झी प्रभु येशू ख्रीष्‍टयागु सत्‍यगु वचन व झीसं परमेश्‍वरयात मानय् यायेमाःगु खँ मन्‍यन धाःसा

१ तिमोथी 4:12

सुनानं छंगु ल्‍याय्‌म्‍हसूयात हेबाय्‌चबाय् याये मफयेमा, बरु छं खं, चालचलनं, मायां, विश्‍वासं व शुद्ध जुयाः इमि न्‍ह्यःने नमूना जुयाः क्‍यँ।

मत्ती 8:27

थ्‍व खनाः इपिं छक्‍क जुल। अले थथे धाल – “थ्‍व गज्‍याःम्‍ह मनू खः? समुद्र व फसंनापं थ्‍व मनूयागु खँ न्‍यं।”

भजनसंग्रहया सफू 75:3

भ्‍वखाय् ब्‍वयाः मनूत व पृथ्‍वी वाराक्‍वारा संसां, जिं धाःसा थुकिया जगयात लिधंसा बियातये। सेला

भजनसंग्रहया सफू 50:23

सुभाय्‌या बलि छाइम्‍हय्‌सिनं हे जिगु महिमा याइ, अले जिगु लँय् जूपिन्‍त जिं परमेश्‍वरयागु मुक्ति क्‍यने।”

याकूब 1:24

थज्‍याःम्‍ह मनुखं थःगु ख्‍वाः न्‍हाय्‌कनय् स्‍वतले खनी। अले हानं थःगु ख्‍वाः गय् च्‍वं धयागु खँ ल्‍वःमंका तुं छ्वइ।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

१ थेसलोनिकी 1:5

छाय्‌धाःसा जिमिसं छिमित न्‍यंकागु वचन म्‍हुतुं जक न्‍यंकागु मखु, बरु शक्ति व पवित्र आत्‍मापाखें व दुनुगलंनिसें हे न्‍यंकागु खः। छिपिंनाप च्‍वनाबलय् जिपिं गज्‍याःपिं खः धकाः ला छिमिसं सि हे सिल।

१ तिमोथी 6:6

खः, दुगुलिं लुधंकाः परमेश्‍वरयात मानय् यानाः च्‍वनेगु हे तःमि जुइगु खः।

यशैया 24:19

पृथ्‍वी चिरिबाइ अले चिरिबायाः निगू ब्‍वः जुइ। पृथ्‍वी तसकं सनी।

२ पत्रुस 1:6

अथे हे ज्ञान जक दयां नं मगाः, चालचलन नं भिंका जुइमाः। चालचलन भिनां जक मगाः, मन थातं तया च्‍वनेमाः। मन थातं तयां जक मगाः, परमेश्‍वरयात मानय् नं यायेमाः।

हिब्रू 13:5

छिमिगु जीवनय् धिबायागु लोभं तापाक च्‍वँ। थःके गुलि दु उलिं हे लुधंका च्‍वँ। परमेश्‍वरं धयादीगु दु – “जिं छिमित गुबलें त्‍वःते मखु, जिं छिमित गुबलें त्‍यागय् याये नं मखु।”

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

भजनसंग्रहया सफू 37:14

मभिंपिन्‍सं नये मखंपिं व चीमिपिन्‍त न्‍हंकेत व भिंगु लँय् जुयाच्‍वंपिन्‍त स्‍यायेत थःगु तरवार ल्‍ह्वनी, अले धनुष वाण तप्‍यंकी

रोमी 13:11

छिमिसं थ्‍व संसारय् गज्‍याःगु ई वयाच्‍वंगु दु बांलाक बिचाः याना च्‍वँ, द्यनेगु त्‍वःताः दनेगु ई वये धुंकल। उद्धार कायेगु ई न्‍हापा झीसं विश्‍वास यानाबलय् स्‍वयाः नं न्‍ह्यःने थ्‍यने धुंकल।

रोमी 13:12

चा फुइन, आः न्‍हि वइन। उकिं खिउँबलय् यायेगु ज्‍या त्‍वःताः जःयागु ल्‍वाभः ज्‍वनाः तयार जु।

२ पत्रुस 3:10

प्रभु झायादीगु सुनानं सी मखु। अबलय् आकाश तसकं सः वयाः मदयावनी। अले आकाशय् च्‍वंगु दक्‍व फुक्‍कं छ्वयाः नौ जुयावनी। पृथ्‍वी व पृथ्‍वीइ च्‍वंगु नं दक्‍व फुक्‍कं नाश जुयावनी।