२ पत्रुस 3:10 - नेवाः बाइबल

¹⁰ प्रभु झायादीगु सुनानं सी मखु। अबलय् आकाश तसकं सः वयाः मदयावनी। अले आकाशय् च्‍वंगु दक्‍व फुक्‍कं छ्वयाः नौ जुयावनी। पृथ्‍वी व पृथ्‍वीइ च्‍वंगु नं दक्‍व फुक्‍कं नाश जुयावनी।

२ पत्रुस 3:10 Referans Kwoze

प्रकाश 21:1

थुलि जुइ धुंकाः जिं न्‍हूगु स्‍वर्ग व न्‍हूगु पृथ्‍वी खना। न्‍हापायागु स्‍वर्ग व पृथ्‍वी मदयावने धुंकल। समुद्र द हे मन्‍त।

मत्ती 24:35

आकाश व पृथ्‍वी मदयावनी, अय्‌नं जिगु वचन मदयावनी मखु।

२ पत्रुस 3:7

परमेश्‍वरयागु वचनं हे आःयागु आकाश व पृथ्‍वीयात मिइ छ्वय्‌केत बचय् यानातःगु दु। पापी मनूतय्‌त न्‍याय यानाः नाश मयातले आकाश व पृथ्‍वी दयाच्‍वनी।

प्रकाश 16:15

“होश‍ यानाच्‍वँ, जि खुँ थें वये। मद्यंसे न्‍ह्यलं चाय्‌का च्‍वंम्‍ह धन्‍यम्‍ह खः। वसः ज्‍वना च्‍वंम्‍ह धात्‍थें धन्‍यम्‍ह खः, छाय्‌धाःसा इपिं नांगां जुइ माली मखु। अले थःगु नांगांगु म्‍ह कर्पिन्‍त क्‍यने माली मखु।”

यशैया 51:6

छिमिसं च्‍वय् आकाशय् मिखा ब्‍व, अले क्‍वय् पृथ्‍वीइ स्‍व! आकाश कुँ थें खने मदयावनी, अले पृथ्‍वी पुलांगु कापः थें गनावनी। पृथ्‍वीइ च्‍वंपिं मनूत भुजिं थें सी। तर जिगु उद्धार न्‍ह्याबलें दयाच्‍वनी। जिगु धार्मिकता गुबलें अन्‍त जुइ मखु।

१ थेसलोनिकी 5:2

छाय्‌धाःसा प्रभु झाइगु ई चान्‍हय् खुँ वये थें थ्‍यंकः वइ धकाः ला छिमिसं सि हे स्‍यू।

मर्कूस 13:31

आकाश व पृथ्‍वी मदयावनी, अय्‌नं जिगु वचन गुबलें मदयावनी मखु।”

२ पत्रुस 3:12

परमेश्‍वर झायादीगु ई पियाच्‍वँ। अबलय् आकाश छ्वयाः नौ जुयावनी। आकाशय् च्‍वंगु फुक्‍कं क्‍वानाः नायावनी।

यशैया 34:4

आकाशया फुक्‍क नगुत तनावनी। अले आकाश भ्‍वँ थू तु थें तनावनी। दाखया मां सुकूचिंगु हःत व यःमरिमां सुकूचिंगु फलत कुतुं वः थें आकाशया नगु-नक्षत्रत कुतुंवइ।

प्रकाश 3:3

छिमिसं न्‍यनागु व सयेका कयागु वचन लुमंका ति। वचनयात मानय् या, अले पश्‍चाताप या। छिपिं न्‍ह्यलं चायेका मच्‍वंसा जि खुँ वः थें वये। जि छिमिथाय् गुबलय् वइ धकाः छिमिसं सी मखु।

लूका 12:39

“थ्‍व नं सीकाति – थःगु छेँय् खू वइगु खँ सिल कि छेँ थुवाः चच्‍छिं मद्यंसे पियाच्‍वनी। वं खुँयात दुहां वये तकं बी मखु।

भजनसंग्रहया सफू 102:26

थुपिं ला मदयावनी, तर छि सदां दयाच्‍वनी, थुपिं फुक्‍क वसः थें भ्‍वाथः जुयावनी। छिं थुमित वसः थें हिलादी, अले थुपिं मदयावनी।

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।

नहूम 1:5

वय्‌कःया न्‍ह्यःने पहाडत थुरथुर खाइ, अले डाँडात नायावनी। वय्‌कःया न्‍ह्यःने पृथ्‍वी थुरथुर खाइ, संसार व अन दुपिं फुक्‍क मनूत थुरथुर खाइ।

योएल 2:31

परमप्रभुयागु व तःधंगु व ग्‍यानपुसे च्‍वंगु दिं वये न्‍ह्यः सूर्य खिउँसे च्‍वनावनी व तिमिला हि थें ह्याँउसे च्‍वनावनी।

आमोस 9:5

दक्‍व शक्ति दुम्‍ह परमप्रभु परमेश्‍वर वय्‌कः हे खः, गुम्‍हं पृथ्‍वीयात थीबलय् व नायावनी, उकी च्‍वंपिं दक्‍वसिनं दुखं च्‍वनी। पृथ्‍वी खुसिबाःया इलय् नील खुसि थें थाहां वइ अले मिश्र देशया खुसि थें क्‍वहां वनी।

१ कोरिन्‍थी 5:5

थज्‍याःम्‍ह मनूयात शैतानयागु ल्‍हातय् लःल्‍हानाब्‍यु, अले वयागु म्‍ह स्‍यना वंसां ख्रीष्‍ट येशू झायाः न्‍याय यानादीबलय् आत्‍मा धाःसा बचय् जुइ।

मीका 1:4

वय्‌कःया क्‍वय् पहाडत नायावनी, अले ब्‍यासित निब्‍व जुइ। पहाडत मिइ मैन नायावं थें नायावनी, भीरं लः क्‍वहां वः थें ल्‍वहंत सुल्‍ल क्‍वहां वनी।

यशैया 24:19

पृथ्‍वी चिरिबाइ अले चिरिबायाः निगू ब्‍वः जुइ। पृथ्‍वी तसकं सनी।

भजनसंग्रहया सफू 97:5

परमप्रभुया न्‍ह्यःने, फुक्‍क पृथ्‍वीयाम्‍ह प्रभुया न्‍ह्यःने पहाडत मैन थें नायावनी।

आमोस 9:13

परमप्रभुं धयादी, “थज्‍याःगु दिं वयाच्‍वंगु दु,” “गुबलय् छिमिके यक्‍व अन्‍न बाली दइ, छिमिसं फुक्‍क छ्व बुँपालेगु ई स्‍वयाः न्‍ह्यः हये फइ मखु,” दाखमद्य दय्‌केगु स्‍वयाः याकनं दाख सइ। पर्वत व डाँडां क्‍वहां वयाच्‍वंगु थें तसकं साःगु दाखमद्य जुइ।

योएल 2:1

सियोनय् तुरही पु! जिगु पवित्र पर्वतय् ख्‍याच्‍वःया सः न्‍यंकि! देशय् च्‍वंपिं सकल मनूत थरथर खायेमा, छाय्‌धाःसा परमप्रभुया दिं वयाच्‍वंगु दु, व लिक्‍क वयाच्‍वंगु दु।

योएल 1:15

हाय! व दिं! छाय्‌धाःसा परमप्रभुया दिं लिक्‍क दु। व ला दक्‍व शक्ति दुम्‍हपाखें सर्वनाश थें हे वइ।

यशैया 2:12

उखुन्‍हु दक्‍व शक्ति दुम्‍ह परमप्रभुं फुइँ यानाजुइपिं व तःधंछुया जुइपिं सकसित क्‍वमिलु यानादी।

रोमी 8:20

छाय्‌धाःसा सृष्‍टि ज्‍यालगय् मजुइ धुंकल। थ्‍व खँ सृष्‍टिया इच्‍छां जूगु मखु, बरु परमेश्‍वरं हे थथे यानादीगु खः।

मलाकी 4:5

“स्‍व! परमप्रभुयागु व तःधंगु व ग्‍यानापुसे च्‍वंगु दिं वये न्‍ह्यः जिं छिमिथाय् एलिया अगमवक्तायात छ्वयाहये।

योएल 3:14

न्‍याय याइगु बेँसीइ ग्‍वाः ग्‍वाः मनूत मुनाच्‍वंगु दु, छाय्‌धाःसा न्‍याय याइगु बेँसीइ परमप्रभुया दिं न्‍ह्यःने हे थ्‍यंकः वःगु दु।

भजनसंग्रहया सफू 46:6

जाति जातियापिं मनूतय् दथुइ तसकं हल्‍लाखल्‍ला जुल, राज्‍य-राज्‍य लिगिलिगि सनाः क्‍वःदल वय्‌कलं थःगु सः पिकयादिल, पृथ्‍वी नायावन।

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।

२ कोरिन्‍थी 1:14

थौंकन्‍हय् छिमिसं जिमिगु खँ भचासां थुइ धुंकल। प्रभु येशू हानं झायादीबलय् छिपिं खनाः गथे जिमिसं छ्यं धस्‍वाके फइ अथे हे छिमिसं जिपिं खनाः छ्यं धस्‍वाके फइ।

१ कोरिन्‍थी 1:8

झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

१ थेसलोनिकी 5:4

छिमित धाःसा प्रभु झाइगु ई खुँ वः थें जुइ मखु, छाय्‌धाःसा छिपिं खिउँथाय् च्‍वनाच्‍वंगु मदु।

२ पत्रुस 3:11

थथे फुक्‍कं नाश जुया वनीगुलिं छिपिं गज्‍याःपिं मनूत जुयाः म्‍वानाच्‍वनेमाः? छिमिसं पवित्र जुयाः, थःत परमेश्‍वरयात देछायाः म्‍वानाच्‍वनेमाः।

प्रकाश 6:14

भ्‍वंथू तुला वं थें आकाश नं थूतुला वन। पहाडत व टापुत फुक्‍कं चिला वन।